Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommune Qeqertalik

Kommune Qeqertalimmi pisortaaneq/Kommune Qeqertalik søger Kommunaldirektør

Kommune Qeqertalik

Aasiaat
08-05-2020
Piffissaq atuuffissaa naassaaq: 01-06-2020
Suliffissamut ID normut: 330199829
Suliassaqarfik: Pisortani allaffissornikkut aqutsineq
Misilittakkat - Annertunerusumik: Offentlig politik og administration, Ledelse
Oqaatsit:
Danskisut Atuarneq/ oqalunneq/ allanneq
Tuluttut Atuarneq/ oqalunneq/ allanneq
Kallaallisut Atuarneq/ oqalunneq/ allanneq

Angalanitsinnut pissanganartumut peqataarusuppit?

Kommune Qeqertalik angusaqarluarusuttumik sunniilluarsinnaasumillu pisortaanissarsiorpoq, taassuma aqutsisut allat suleqatigalugit kommunimi nutaami periusissat suleriaatsillu pigineqareersut suliarissavai, ingerlateqqissavai nukittorsassallugillu.  

Pisortaanerup nutaap pingaarnertut siullertullu suliassaa tassaavoq borgmesteri kommunalbestyrelsilu eqqortumik siunnersorneqartarnissaannik qulakkeerinninneq taamaalilluni pitsaassusilimmik toqqammaveqarlutik aalajangiisinnaalersinneqassapput.

Taakkua saniatigut ineriartornermi peqataassaatit aaqqissuussaanerullu nutaap pissanganartullu pilersinnerani peqataassallutit.
Qulaani allassimasunut erseqqissumik aqutsisooqatigiinnut ilaanissaq ilimagineqassaaq. Taamaattumik inuit allat pitsaanerpaamik tunniussaqartinnissaat illit pikkoriffigissavat.

Persuarsiorpalaartuussanngitsuussaatit. Aaqq

issuussaanermi allaffissorpasippallaanngitsumi assigiimmik uagutsinnut isigaluta ilorrisimaarinnillutit uagutsitut pissuseqassaatit. Piginnaasatit taakkua aaqqissuussaanermut akuutilissavatit. Kommunimi nutaamik aaqqissuussaasumi ataqatigiisitsineq aamma suliarissavat, suliaqarfiit ataasiakkaat ataatsimoorlutik kimeqarnerusumik suleqatigiinneri naniniartassavatit taamaalillutillu aqutsisuussallutit malitsilik soqutiginnittorlu. Aningaasaqarnermut pisortaq qanimut suleqatigalugu kommunimi aqutsisooqatigiinnut ilaassaatit.
Tunuliaqut

Kommune Qeqertalik pilersinneqarpoq 1. januar 2018, Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq kalaallit naleqartitaannut kulturikkullu tunuliaqutaannut nalimmassassallugu kissaatigaarput.
Kommunalbestyrelsep allaffissornermik suliallit sunniuteqarluartumik eqaatsumillu piginnaasaqarluartumik sulinissaat kissaatigaa, tassanilu illoqarfinni sisamani nunaqarfinnilu arfineq-pingasuni piginnaasat illoqarfiup akisussaaffiisa iluanni piginnaasaqarfiisalu iluanni nukittorsarneqassapput.

Illit ilinniakkatigut aamma inuttut piginnaasatit

  • pingaarutilinnik paasinnillaqqittuusutit aamma borgmesterip pisortaanerullu akornanni tutsuiginartumik inooqataassinnaasutit. Borgmesterilu suliat pillugit oqaloqatigiittarnerit siunnersuisarnerillu paasisimagitit
  • Suliffeqarfiup anguniagai erseqqissut pilersisinnaassagitit, ineriartornermi pisunik oqaluttuassartaq oqaluttuarisinnaassagit attallugulu. Angusaqarnissaq ukkillugu pilersissinnaagit
  • pisortat suliffeqarfiutaanni angisuumi aqutsinermik misilittagaqartutit
  • attaveqarneq nukittuffigigit - allattariarsornermi oqalunnermilu. Inuit amerlasuut katersuunneranni ajornaquteqanngitsumik sassarsinnaassaatit oqariartuutitillu oqaluttuaralugit - aamma ajornartorsiutit paasiuminaatsut nassuiarneqarnerini.
  • ikinnerpaamik oqaatsinik pingasunik atuisinnaasoq: pingaarnertut kalaallisut, danskisut aamma tuluttut
  • Sunik tamanik takunnissinnaassuseqartoq aamma suliat isiginnittariaatsit assigiinngitsut takusinnaassavai oqimaaqatigiissaarsinnaassallugillu
  • Suleqatimi peqataatinnissaannut pikkoriffeqartoq aamma aningaasaqarnermut pisortaq suleqatillu allat kiisalu suleqatigisartakkat kommunip ingerlaavartumik ilinniagarlu aallaavigalugu pitsaasumik inissisimanissaanik qulakkeerinninniarluni isumasioqatigisassatit
  • Qaffasissumik ilinniarsimasuussaaq pigeriikkaminillu aqutsisutut piginnaaneqassaaq kiisalu naalakkersuinermik suliallit aaqqissuussaaneranik paasiuminaassinnaasartumik misigissutsiminik aqutsisinnaasutut pissusilersorsinnaassaaq
  • Pigeriikkaminik maligassiussiuussisuussaaq attaveqaatinik malitsinillu pilersitsisartoq
  • Suliaqarfiit paasiuminaassinnaasatut paasissutissartaannik ingerlatitseqqittassaaq aamma aqutsisut allat, sulisut, suliffeqarfiullu avataani suleqatigisartakkat suliat aallaavigalugit pissarsinartumik oqaloqateqarsinnaassaaq
  • isornartorsiuilluni apeqquteqartartoq, nutaaliortoq aamma immikkut ittumik allaffissornermik aqutsinermik qulakkeerinninneq kiisalu kommunip suliaqarfinnik assigiinngitsunik suleqataaffiinik tamanik malinnaasinnaasoq
  • Pitsaasumik attaveqaateqassaatit aamma kommunip ineriartornissaanut aningaasatigut periarfissanik takunnilluarsinnaassuseqassallutit

Uagut pisortaanissarput ima neqeroorfigivarput

  • Kommunip qullersaqarfiani aqutsisooqatigiit akornanni qitiusumik aqutsisutut atorfik kommunimi pilersinneqaqqammersumi pissanganartumillu aaqqissuunneqartumi borgmesteri qanimut isumasioqatigisarlugu akisussaaffeqassaatit.
  • Aalajangiinissamut aqqut naatsoq
  • Atorfik ineriartupiloorup nalaani namminersornartoq – aamma pisortaqatigiit pissanganartut akornanni inissisimasoq
  • Ulluinnaq nikerartupilussuaq ilinniagaq aallaavigalugu akisussaafferujussualik aamma sunniuteqarfiungaatsiarfiusoq
  • Suleqatit soqutiginnittut pitsaasullu

Aningaasarsiat atorfinitsitaanermilu atugassarititaasut

  • Akissarsiat atorfeqarnermilu atugassarititaasut, atorfeqarnermi soraarnermilu angalanissamut pisattallu nassiunneqarnerannut sulisitsisumit akilerneqarsinnaatitaanermut malittarisassat uani ilaapput, taakkua Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.
  • Pisortaanertut atorfik akissarsiat qaffasissusaanni (løntrin) 39-40-miittoq malillugu akissaateqarpoq. Kommunini pisortat akissataat pillugit isumaqatigiissutit naapertorlugit akissarsititsisoqartarpoq. Atorfik ukiunut arlalinnut atorfigisussanngorlugu ivertitsivigineqarsinnaavoq.
  • Inimik atorfeqarnernut atasumik pisataqanngitsumik innersuunneqarnissarnut malittarisassat qaqugukkulluunniit atuuttut naapertorlugit periarfissaqarputit. Inissiamut innersuunneqartumut maleruagassat qaqugukkulluunniit atuuttut malillugit ineqarnermut akiliummik qularnaveeqqutinillu akiliisoqassaaq. Ineqarnermut akiliut aamma inip innersuussap qanorittunera, ukiuni qassini napanera, piginnittut il.il., apeqqutaallutik nikerartarsinnaapput.
  • Ini atorfeqarnerni innersuussaq suliunnaaruit qimattussaassavat. Ataavartumik sulisutut inissiaqalernissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq.

Paasissutissat sukumiinerusut

  • Managing Partner, Jan Mørch Pedersen, jan@speedrecruiters.gl  imaluunniit oqarasuaammut +299 53 87 08 aamma / imaluunniit pisortaanerugallartumut Thomas Holm Jensenimut thj@qeqertalik.gl oqarasuaat +299 22 24 50 aamma nittartagaq www.qeqertalik.gl aqqutigalugit pissarsiarineqarsinnaapput
  • Atorfik Speedrecruiter.gl’-p qaammatini arfinilinni (6) oqaloqateqartarluni malinnaasarlunilu aaqqissugaanut ilaavoq, taakkua aqqutigalugit atorfimmut eqaatsumik iseriartuaartitsinissaq qulakkeerneqartarpoq.

Qinnuteqaat

  • Qinnuteqaat suliffigisimasavit allattorsimaffianik aamma soraarummeernernivit uppernarsaataanik ilalerlugu uunga nassiuneqassapput jan@speedrecruiters.gl. Qinnuteqaatit ingerlaavartumik suliarineqartarput.

Kommune Qeqertalik tassaavoq Qeqertarsuup Tunuata kujasinnerusortaani kommuni nutaaq pilersinneqaqqammisoq. Kommunerput sisamanik illoqarfeqarpoq arfineq-pingasunillu nunaqarfeqarluni aamma kommunip suliai suni tamani ersittuunissaat anguniagaraarput. Sulisutta pitsaasumik kiffartuussinertik takutissavaat aamma kommunimi sulineq kalaallit naleqartitaannut kulturikkullu tunuliaqutaannut nalimmassassallugu kissaatigaarput. Aaqqissuussaanerput nutaaq pillugu uani itinerusumik atuarit:

Aasiaat Qeqertarsuup Tunuata kujasinnerusortaani qeqertamiippoq. Qeqertaq qeqertarpassuit iluatungaaniippoq aamma imaq qeqertap qanittuaniittoq qajartorfissaqqilluartutut ilisimaneqarpoq kiisalu Kalaallit Nunaanni arfernit imartarput nuannarineqarluartartoq aamma ilisimaneqaatigaarput. Illoqarfik Kalaallit Nunaanni illoqarfiit annersaasa tallimaraat 3.100-t missaanni najugaqarfigineqartoq aamma kommuni katillugit 6.500-t missaanni najugaqarfigineqarpoq. (qilalukkat qimmillu qimuttut minillugit).