Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Iserit A/S

Ineqarnermi siunnersorti / Boligrådgiver

Iserit A/S

Nuuk
01-03-2021
Piffissaq atuuffissaa naassaaq: 22-03-2021
Suliffissamut ID normut: 330536471
Suliassaqarfik: Allaffik & allaffissorneq
Misilittakkat - Annertunerusumik: Kontor/administration
Oqaatsit:
Danskisut Atuarneq/ oqalunneq/ allanneq
Kallaallisut Atuarneq/ oqalunneq/ allanneq

Iserit A/S Nuummi Ineqarnermi siunnersortimik suleqatissarsiorpoq

 

Iserit A/S Nuummi allaffitsinnut inissianik innersuussisarfimmi sullissisutut misilittagalimmik pissarsiorpoq. Atorfik namminersorfiusoq assigiinngitsunik suliassartalik pineqarpoq, suliatigut inuttullu misileraaffiusartoq.

 

Nuummi, Tasiilami Paamiunilu atorfeqartugut tunniusimasut 31-iuvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaasaqarluassaaq qiimasuussallunilu.

 

Nuummi ineqarnermi siunnersortitut atorfik:

Suliffeqarfipput tassaavoq kiffartuussinermik ingerlatsisoq, taamaammallu sullitavut kikkuugaluarpataluunniit soorunami qitiutittuartus-saavagut. Tassaasinnaapput inissiamik qinnuteqartuusut, attartortut, assamminnik suliaqartut, inuit suliffeqarfiillu suleqatigisagut imaluunniit inissiaateqarfinnik piginnittut, taamatullu allaffeqarfimmi saaffiginnittoqarneratigut imaluunniit ullut tamaasa sullitavut oqarasuaatikkut oqaloqatiginnikkusuttut inussiarnersumik pisussaavagut.

 

Ineqarnermi siunnersortitut ulluinnarni ulapaarfiusuni, assigiinngiiaaqisuni pissanganartunillu naapitsiffissani arlaqaqisuni suliaqartus-saassuutit. Ilaatigut ulluni ulapaarfioqisuni kiffartuussisinnaanermik ilisimasaqarnissat, namminersorsinnaanissat akisuussaaffeqartu-

millu sulisinnaanermik aammalu sukangasumik naammassiniangaqartarfiusumi peqataasinnaanissat ilimagineqassaaq.

 

Suliassatit pingaarnerit makkuussapput:

  • Ulluinnarni sullitatsinnut attaveqarneq

  • Inussiarnersumik, qungujunnertalimmik piginnaasaqarpalaartumillu oqarasuaatitigut oqaluussisarnissat

  • Oqarasuaateqarfimmik isumaginninneq (ilaatiguinnaq)

  • Allakkanik tigooraaneq, agguaassineq nassiussuinerillu

  • Inissarsiortunik utaqqisunut allattuinerit utaqqisullu allattorsimaffiinik aqutsineq

  • Inissianik attartortussanik akuersisarnerit aamma attartortunik nuuttussanik isertertussanillu isumaginninnerit

  • Allaffissornikkut suliassat

  • Toqqorsivimmut inissiisarnissat

  • Suliassat takkussiinnaasartut allat

 

Piginnaasatit:

  • Allaffissornermut ilinniagaqarputit ukiunilu arlaqartuni assingusinnaasumik suliaqarlutit misilittagaqarlutit

  • Suliassavit pitsaasumik naammassineqartarnissaat pingaartippat, taamatullu sullitatsinnut suleqatitsinnullu pitsaanerpaamik kiffartuussinissaq qitiutilluinnarpat

  • Oqarasuaatikkut oqaloqateqarninni nipit tusaajuminartuuvoq, ikiuukkumassuseqarlunilu qiimarpaluttuuvoq, taamatullu arlaa-tigut ulappuseriasaarnerni tamakkiisumik arajutsisaqarneq ajorputit.

  • Tassaavutit inuk nuannaartoq, ammasuusoq piumassusermillu ersersitsisoq, uummaarissuunikkullu Iserit A/S-imi nuannersumik pissuseqarnitsinnut tunniussassaqartoq.

  • Qarasaasianik atuineq ilisimalluinnaqqissaarpat – ilaatigut Office, EG-bolig allaffissornikkut ingerlataq.

  • Marlunnik oqaaseqarluartuuvutit – kalaallisut / qallunaatut – oqaatsillu tamaasa atorlugit oqaloqateqarnikkut allagaqarnikkul-luunniit attaveqarsinnaanermut pikkorissuseqarputit.

     

    Inuttut piginnaasatit:

    Pitsaasumik tunngavilik, ilakkuminartoq inunnillu assigiinngitsorpassuarnik pitsaasumik attaveqarsinnaasoq. Sulisussatut pissarsiariniagarput tassaavoq aaqqissuussillaqqissoq, aaqqiissutissanik atorluarsinnaasunik siunnerfilinnillu ilisimasaqarluartoq, sullitatsinnut suleqatitsinnullu pitsaasumik ikiorsiillunilu sullissilluarsinnaasoq.


    Uagut neqeroorutigisinnaavagut:

  • Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartussaasut.

  • Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.

  • Suliatigut inuttullu ineriartorneq.

  • Soraarnersiuteqalernissanut aaqqissuussinerit peqqinnissamullu sillimmasiinerit

     

    Atorfininnermut atatillugu inissaqartitsivugut, tassungalu maleruagassat atuuttut naapertorlugit qularnaveeqqussut, inimut akiliutissat il.il. akilerneqartassapput.

     

    Atorfinitsitsisoqassaaq 1. april 2021, imaluunniit isumaqatigiissuteqarneq tunngavigalugu. Suleqatissarput eqqortoq utaqqissavarput.

     

    Atorfik pillugu annertunerusumik paasisaqarusukkuit saaffigisassaapput HR-mi pisortaq Betina Nornild, oqarasuaat: + 299 36 30 08 / e-mail: beb@iserit.gl, imaluunniit  Attartortitsinermik pisortaq Najánguak` Johansen, oqarasuaat +299 36 30 11, mail: naj@iserit.gl.

     

    Qinnuteqaatit ”Ineqarnermi Siunnersorti, Nuuk”,-mik qulequtserlugu, CV-t

    ilanngussassallu pisariaqartut ilanngullugit uunga nassiutissavat:                                                           Iserit A/S

                                 Postboks 1539

                                 3900 Nuuk

                                 Mail: job@iserit.gl

                                                                                             

Qinnuteqarfissaq killinga:  Sapaat 21. marts 2021

 

Aamma nittartakkatsinni sulisussarsiorneq takuuk www.iserit.gl iserfigalugu, tassanilu aamma Iserit A/S-imut tunngasunik paasisaqarnerusinnaavutit.