Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Meeqqanut Ilaqutariinnullu Sullissivimmut aqutsisumik pissarsiorpoq / Afdelingsleder for Børne– og Familiecenteret

Kommuneqarfik Sermersooq

Nuuk
28-02-2024
Piffissaq atuuffissaa naassaaq: 20-03-2024
Suliffissamut ID normut: 331588442
Suliassaqarfik: Allat
Misilittakkat - Annertunerusumik: Stabil
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Kommuneqarfik Sermersooq Meeqqanut Ilaqutariinnullu immikkoortortaqarfitsinnut aqutsisussamik pikkorissumik tunniusimasumillu pissarsiorpoq 1. apriili 2024 isumaqatigiissuteqarnikkulluunniit atorfinittussamik.

 

Ilaqutariinnut sullissivik ilaqutariinnik innersuunneqartunik ataatsimoortillugit sullissisarpoq, inuuttut ajornartorsiutinik unammilligassanillu assigiinngitsunik suliaqarnermi ikiorneqarnissamik pisariaqartitsisunik - angajoqqaatut meeqqanik isumaginnissinnaanermut piginnaasanut sunniuteqarsinnaasunik minnerunngitsumik sakkortuumik misigisanik suliarinninnissamut ikiorneqarneq.

 

Atorfiup imarisaa:
Immikkoortortami aqutsisussarput immikkoortortanut sisamanut 32-nik sulisulinnut aqutsisuussaaq - katsorsaanermi aqutsisut qanimut suleqatigalugit.

 

Immikkoortortaqarfeeqqat tassaapput:

·BFC - Meeqqanut Ilaqutariinnullu Sullissivik

·Kuserneq – mikisunik meerartalinnut illumi katsorsaanermik neqeroorut

·Ivaaq – ilaqutariinnut 2 ataallugit ukiulinnik meerartalinnut Siusissukkut Iliuuseqarnermut immikkoortortaqarfik

·PAPIK – meeqqanik angerlarsimaffiup avataanut inissinneqarsimasunik peqqissaarussisumik angerlartitsisarnermut immikkoortortaqarfik

 

Immikkoortortaqarfimmi aqutsisutut suliassatit tassaassapput:

·Inatsisit atuuttut Inatsisartullu peqqussutaat malillugit sulineq isumannaassallugu

·Ilaqutariinnut sullissivimmi suliassaqarfinni immikkoortortaaqqani assigiinngitsuni aqutsineq, ataqatigiissaarineq ineriartortitseqqinnerlu. 

·Fagchefi immikkoortortamilu aqutsisut allat suleqatigalugit immikkoortortaqarfiup piviusunngortitsinermi ineriartortitsinermilu ingerlatsiviup/kommunip suliassat anguniakkallu pingaarnerit sulissutigissagaat qulakkiissallugu.

 

Meeqqanut Ilaqutariinnullu Sullissivimmi ulluinnarni aqutsinermut, ingerlatsinermut aningaasaqarnikkullu aqutsineq tamaat akisussaaffigissavat. Taassuma saniatigut sulinerit suleriaatsillu pitsaassusiannik qulakkeerinninnermut akisussaasuussaatit, aamma suliassaqarfimmi fagchefip ineriartorfiit sunniutissallu attuumassutillit pillugit ilisimatinneqarnissaa qulakkiissallugu.

 

Taamaammat suliassat arlallit tulliuttuni allaqqasut isumagisassarissavatit:

·Aqutsisut pingaarnerit

·Suliassaqarfimmut missingersuutinik malitseqartitsineq aamma naatsorsuutinut oqaaseqaasiorneq suliassaqarfimmi immikkoortortani aqutsisut allat fagchefilu suleqatigalugit

·Immikkoortortani aqutsisut allat suleqatigalugit kommunimi innuttaasunut ikorfartuutinik qulakkeerinninneq ineriartortitsinerlu

·Immikkoortortaqarfimmi aaqqissuussaanermik qulakkeerineq

·Sulisunik ilinniartitsinermik piginnaasanillu ineriartortitsinermik suliaqarneq

·Sulisunik oqaloqatiginninnermik ingerlatsineq

·Piginnaatitsinermut pilersaarut naapertorlugu atorfimmik inuttassarsiuineq atorfinitsitsinerlu

·Webtasimik/qaammatikkaartumik immersugassanik nakkutiginninneq akuersinerlu

·Aqutsisut ataatsimiinnerannut peqataaneq

·Task forceni/ ineriartortitsisuni assigiinngitsuni kommunimi periusissiornermi ineriartortitsisumit/pisortamit pilersinneqartuni ataatsimiinnerit peqataanerillu

·Ad hoc suliassat

 

Qinnuteqartunut naatsorsuutigisat:
Naatsorsuutigaarput qinnuteqartoq perorsaasuussasoq ilinniarsimasoq imaluunniit isumaginninnermi siunnersorti taassumalu saniatigut perorsaanerup, isumaginninnerup aqutsinerullu iluani attuumassutilimmik ilinniarsimasoq/pikkorissarsimasoq.

 

Naatsorsuutigineqarportaaq qinnuteqartoq aamma isumaginninnermi suliassaqarfimmi siammasissumik misilittagaqarnissaa, ingammik meeqqanut ilaqutariinnullu suliassaqarfimmik. Pineqartoq aqutsinermik imaluunniit assingusumik sulianik ataqatigiissaarisutut suleqatigiiaanilluunniit aqutsisutut misilittagaqassaaq, pisortat suliffeqarfiutaannit imaluunniit nammineq suliffeqarfigisamit, kiisalu ajornanngippat ineriartortitsinermik paasissutissiinermillu misilittagaqarluni.

 

Tamatuma saniatigut pingaartipparput, qinnuteqartoq:

·Tatituujusoq nutaaliortorlu

·Oqaloqatiginninnermik ilisimasaqartoq

·Aaqqissugaanerup ineriartortuartup ineriartortinneqarnissaanut peqataanissamut piareersimasuusutit

·Akuersaartumik peqataatitsiffiusumillu aqutserusussusilik

·Ineriartortitserusuttoq aammalu meeqqanut ilaqutariinnullu suliassaqarfimmi ineriartortitsinissamut piginnaasalik piumassusilillu

·Suleqatikkuminartuuvutit

·Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

 

Neqeroorutigaarput:
Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.
Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

Pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinnissaat pingaartipparput.

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Pisortaq Cecile Jeremiassen, oqarasuaat +299 36 73 31 imaluunniit e-mail: ceje@sermersooq.gl

 

Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.


Atorfinititsineq qaammatini pingasuni misiliutitaqassaaq
.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat qulequtserlugu 
Atorfiup ilisarnaataa 218-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.