Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Ilinniartitsisut tallimat Tasiilami Alivarpimut / 5 lærere til Tasilaami Alivarpi

Kommuneqarfik Sermersooq

Tasiilaq
09-04-2024
Piffissaq atuuffissaa naassaaq: 30-04-2024
Suliffissamut ID normut: 331588823
Suliassaqarfik: Allaffik & allaffissorneq, Meeqqat & inuusuttut
Misilittakkat - Annertunerusumik: Ansvar
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Tasiilami Alivarpimmi ilinniartitsisunik atualerlaanut ilinniartitsisunillu pikkorissunik pisariaqartitsivugut.

Kalaallit Nunaata tunua nunarsuatsinni nunaavoq minguitsoq issittoqarfimmi assigiinngisitaartumik pinngortitaasoq. Kalaallit Nunaata tunua inissisimavoq immami sikorsuaqarfiusumi sermersuullu killingini. Taakku marluullutik ukiup ingerlanerani iluliarsuarnik kusanangaartunik assigiinngisitaartumik qalipaatilinnik takutitsisarput qaqortuniit tungutsorinnut.

Kommuneqarfik Sermersooq pikkorissunik tunniusimalluartunillu Tasiilami ilinniartitsisussarsiorlunilu atualerlaanik ilinniartitsisussarsiorpoq.

Tasiilami Alivarpi, illoqarfimmi atuarfiuvoq 400 missaani atuartoqartumi, taakku klassenut 29-nut aggulunneqarput. Ilinniartitsisut 60-iupput, minnerni, akullerni, annerni, immikkullu atuartitanut agguaanneqarnikuullutik. Tasiilaq tunumi illoqarfinni annersaraat, 2000-it missaani innuttaqarluni. Atuarfik piorsarsimassutsimik kivitsusuusuni annersaraat.

 

Atorfiup imarisai:

Ilinniartitsisut/minnerni ilinniartitsisuusinnaasut ilinniarsimasut atorfininnissaat kissaatigaagut, fag-ni naliginnaasuni atuartitsisinnaasunik. Tasiilami ukkatarivagut kalaallisut, immikkut atuartitani atuartitsineq suliniutitsinni nutaajusumi Naasunnguami attaveqaataaneq ilanngussinermi ukkataqartumi, IT-mi piginnaasat – tassani ingammik siunnersuisinnaanissaq. Aammattaaq pinngortitalerinermi, fysik/kemi-milu atuartitsisinnaaneq.

 

Ilinniartitsisut perorsaasullu kissaatigivagut:

·Atuarfimmi sulinerminnut meeqqanik inuusuttunillu ilinniaqqittussanik sullissinerminni pimoorussisut. Aamma atuarfimmik inuiaqatigiinni pingaarutilimmik ineriartortitsinermi siuttooqataasinnaasut kissaatigivagut. Atuarfimmi siulersuisut, sulisut allat, atuartut, inunuttaasullu qanimut suleqatigineqarput.  

·Perorsaariaatsimi akuersaartumi periarfissaqarnermik isiginnittut, sulinermilu nuannaarnermik atugarissaanermillu pilersitseqataasinnaasut.

·Suliassanik ilisimaarinninneq, aalajangiisinnaaneq, pilersaarusiorsinnaaneq, suliakkiisinnaaneq, atuarfimmullu tunngatillugu ineriartortitseqataasinnaasut.

·Atuartitsinerup pitsaassuseqarnissaanik sulissuteqarusuttoq, atuarfimmilu nukissanik atuilluarusuttoq.

·Inuiaqatigiinni suliffeqarfiit suleqatigiissinnaanissaannut pingaartitsisoq, ineriartortitsinissaq aaqqiinissarlu eqqarsaatigalugit. Aammattaaq kissaatigaarput, atuarfiup aamma atualinngitsut ornittangaasa akornanni suleqatigiinnermut ineriartortitseqataarusuttut.

·Ilinniartitsisutut ilinniarsimaneq, marlunnik oqaaseqartoqarsinnaavoq kalaallisut qallunaatullu.

·Qanilaartoq, inummik ilanngussinissap pingaarutaanik pingaartitsisoq, ataatsimoornermullu inuit tamarmik pingaaruteqarneranik pingaartitsisoq.

 

Neqeroorutigisinnaavagut:

·Atuarfeqarfimmi atorfik pissanganartoq, ineriartornissamut periarfissiilluartumik.

·Ilinniartitsisoqatigiit ammasut ikiuukkumatuullu, suleqatigiit ataqatigiilluartut.

·Atuarfimmi nammineq sunneeqataalluarnissamut periarfissaqarluartoq.

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

 

Inissaqartitsineq

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Inimut akiliutaasartut atuinermullu pillugit paasisaqarnerorusukkaanni www.iserit.gl paasiniaavigineqarsinnaavoq.

Sulisutut ataavartumik initaarnissaq atorfinitsinneqarnerup qaqugukkut atuutilernera apeqqutaasarpoq. Atorfinitsinneqarnermut atatillugu atorfiniffimmiit angalanissaq akilerneqassaaq bohaveflytning ilanngullugu.
 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Atuarfiup pisortaa Miriam Vang, oqarasuaat +299 36 78 01 imaluunniit e-mail: miwa@sermersooq.gl imaluunniit tullersorti Morten Boel Nielsen, oqarasuaat +299 36 78 02 imaluunniit e-mail: mbni@sermersooq.gl

 

Qinnuteqaasiorneq:

Qinnuteqaasioruit job nr. 347-24-mik nalunaaqutsissavat ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqassaatit:

Qinnuteqaatit elektronisk-mik nassiutissavat, uani quppernerup ataata tungaani link-mut allaqqasumut. Tassunga qinnuteqaatit, cv aamma ilanngussat kakkiussinnaavatit.

 

MALUGIUK:

Qinnuteqaatit pappilissamik nassiussat taavalu emailikkut nassiunneqartut tiguneq ajorpagut, qinnuigissavatsigit qinnuteqaatit elektroniskimik nassiutissagit.

Qinnuteqarnissamut killissarititaasoq: apriilip 30.-at, 2024