Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Paamiuni utoqqaat illuani Puilasunnguiani allaffimmi fuldmægtig / Kontorfuldmægtig til Utoqqaat illuat Puilasunnguit Paamiut

Kommuneqarfik Sermersooq

Paamiut
09-04-2024
Piffissaq atuuffissaa naassaaq: 30-04-2024
Suliffissamut ID normut: 331588841
Suliassaqarfik: Allaffik & allaffissorneq, Isumaginnittoqarfik
Misilittakkat - Annertunerusumik: Kontor/administration
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Utoqqaat illuat Puilasunnguit 1.Juni 2024 imaluunniit isumaqatigiissuteqarnikkut allaffimmi atorfinittussamik pissarsiorpoq.


Puilasunnguit

Puilasunnguit utoqqarnik paaqqutarinniffiusoq 24-inut inissaqarpoq.

Sulisut ilaatigut ima katitigaapput: Aqutsisoq,tullersorti, allaffimmioq ataaseq, immikkoortortani aqutsisoq ataaseq, Sundhedsassistenti ataaseq, peqqissaanermi ikiorti marluk, peqqissaanermi-isumaginninnermilu ikiorti pingasut, ilinniarsimanngitsut arlallit, sammisassaqartitsivimmi aqutsisoq, sammisassaqartitsivimmi ikiorti ataaseq, igaffimmi aqutsisoq, igaffimmi assistentit marluk, igaffimmi ikiortit marluk, ataaseq, oldfrue ataaseq, eqqiaasoq ataaseq. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Allaffimmi fuldmægtig aaqqissuussaanikkut pisortap ataani inissisimassaaq.


Atorfiup imarisaa:

Allaffimmi fuldmægtig-imik misilittagaqarluartumik pissarsiorpugut allaffimmiutut naammassinikumik. Makkualu ilaatigut ulluinnarni isumagissavai.


·Aningaasaqarneq,naatsorsuutit,akissarsiat,najugaqartut aningaasaqarnerat il.il

·Oqilisaanneqarluni najugaqarallarsimasunut akiligassaannut isumaginninnerit

·Illoqarfimmi nerisassanik pajunneqartartut akiligassaat isumagalugit

·Cafe-teriami aningaasaqarnerat isumagissallugit

·Pisattat allattorsimaffiat

·Kisitsisitigut nalunaarsuutinik immersuineq


Illit pillutit naatsorsuutigisagut:


· Allaffimmiutut ilinniagaqarsimassasutit

· Naatsorsuutinik ilisimasaqarnissaq

· Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat

· Allattariarsornermi oqaluttariarsornermilu ersarissumik paatsuugassaanngitsumillu attaveqartartussaq

· Illugiinnik oqaaseqartuunissat

· Aalajaatsoq, pitsaassutsimik pingaartitsisoq immikkuualuttullu ilanngullugit maluttarissoq

· Uippakajaarani arlariinnik suliaqarsinnaasoq

· Nammineerluni sulisinnaasoq, akisussaassuseqartoq sullissiumatoorlu

· Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

· Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

· Nukittooq pilersitsiniallaqqissoq inissaqartitsiuartoq piumassuseqarluartorlu

· Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq



Neqoroorutigaagut:


·Atorfik imarisamigut annertuumik sunniuteqarfigineqarsinnaasoq

·Atorfik pillugu pitsaasumik paasissutissinneqarnissaq

·Inuttut ilinniakatigullu inerisarnissamut periarfissagissaarneq

·Suliaq unammilligassalik suleqatit pitsaasut peqatigalugit ingerlanneqartussaq

·Ilinniakkat akimorlugit suleqatigiinneq


Sap.ak. nal.ak. suliffiusartussat: 40.


Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: aqutsisoq Tanja Møller, oqarasuaat +299 367666 imaluunniit e-mail: tjml@sermersooq.gl


Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.


Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.


Atorfinititsineq qaammatini pingasuni misiliutitaqassaaq
.


Inissaq:

Atorfininnermut atatillugu inissiamik innersuussisoqarsinnaanngilaq.


Qinnuteqaat:

Qinnuteqaat qulequtserlugu Atorfiup ilisarnaataa 336-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.


Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.


Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 30.-at, 2024