Qullersaqarfimmi allatseqarfik Kontorfuldmægtig-imik pissarsiorpoq/Direktionssekretariatet søger en Kontorfuldmægtig

Qeqqata Kommunia

Sisimiut

09-04-2024

Piffissaq atuuffissaa naassaaq: 25-04-2024

Suliffissamut ID normut: 331588842

Suliassaqarfik: Allaffik & allaffissorneq

Ilinniagaq:

Misilittakkat - Annertunerusumik: Administration, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Qullersaqarfimmi allatseqarfik kontorfuldmægtig-imik pissarsiorpoq

Qeqqata Kommunia Sisimiuni qullersaqarfimmi allatseqarfik kontorfuldmægtig-imik namminiillaqqissumik misilittagalimmillu pissarsiorpoq. Allatseqarfimmi pisortap ataanut sulisoq atorfinitsinneqassaaq.

Allatseqarfik immikkoortortaqarfiuvoq pingaarnertut politikerinik kiffartuussisarfiusoq. Qullersaqarfimmi allatseqarfik allaffissuarmi immikkoortortanut tamanut sullissisuuvoq. Fuldmægtigitut ulluinnarni sulinermi politikerit aalajangiussaat tunngavigalugit ineriartortitsinermik suliniutinillu allartitsinermik suliaqartassaatit kiisalu suliassanik assigiinngitsunik ikorfartuinermik suliaqartassallutit.

Allatseqarfimmi suleqataasutut suliffimmik piffiit ilaanni pilertortumik aamma piffissalaatsilluni isumagisassanik suliaqarfiusumut nuannarinnittuussaatit. Politikerit inuillu assigiinngitsorpassuit akornanni aamma piffissap ingerlanerani suliniutit ilusaasa imarisaasalu allanngorfigisinnaasaanni sulineq nuannarissavat.

Suliassat akisussaaffiillu

• Borgmesterimut aamma kommunimi pisortaanermut saaffiginninnernik ataqatigiissaarineq
• Qinersineq innuttaasunillu taasisitsineq
• Pisortatigoortumik katinninnernik isumaginninneq
• Pisortatigoortumik kommunimut pulaarnernut ataqatigiissaarineq
• Kommunalbestyrelsimi ataatsimiinnerni suliassanillu agguataarinninnermi ataqatigiissaarinermut ikiuunneq
• Politikkikkut assigiinngitsuni ataatsimiinnerni suliap ingerlanneqarneranut ataqatigiissaarineq

Qullersaqarfimmi sulisut allat suleqatigalugit suliassat

• Allakkanik isertunik nalunaarsuineq agguaanerlu
• Allatseqarfimmi suliassanik suliarinninneq
• Angalanernik ataqatigiissaarineq, matumani billetsinik hotelinullu inniminniineq
• Tamanut ammasumik katersuiniarnermi akuersissutit
• Pinnguaatit aningaasanik nakkartitsilluni akuersissutit
• Imigassanik tuniniaasinnaanermut akuersissutit
• Borgmesterimit pilluaqqusutit aningaasanillu tunisinerit
• Ataatsimiinnernik ilassinninnernillu aaqqissuussineq
• Allaffimmi atortunik piniarneq toqqorsivimmiittuuteqarnerlu
• Borgmesterimut kommunimilu pisortaanermut saaffiginnissutinik kiffartuussineq tigooraanerlu
• Akiligassanik isumaginninneq
• Pisariaqalersillugu suliassanngortitat

Piginnaasassat

• Politikkimut tunngasuni aaqqissugaasumi suliaqarnermik misilittagaqarneq
• Suliniutinik aqutsinermik misilittagaqarneq
• Suliffeqarfimmi angisuumi qaffasissutsini assigiinngitsuni sulinermik misilittagaqarneq
• Ilusilersuilluarsinnaasoq, sunniuteqarluartoq inussiarnersoq
• Suliniuteqarluarsinnaassuseqartoq, iliuuseqarluarsinnaassuseqartoq nammineersinnaassuseqarluartorlu
• Suleqatikkuminartoq akisussaassuseqartorlu aammalu aalajaatsoq
• Suliassat assigiinngitsorpassuit akisussaaffigisinnaagai ataatsimoortumillu takunnissinnaalluartoq
• Kalaallisut qallunaatullu oqalussinnaallunilu allassinnaasoq
• Patajaatsoq, ammasoq akuersaartorlu

Akissarsianut atorfeqarnermullu atugassarititaasut

Akissarsiat atorfinitsitaanermut atugassarititaasut isumaqatigiissutit sukkulluunniit atuuttut malillugit aaqqinneqassapput.

Atorfimmut atatillugu inissaqartitsisoqarsinnaavoq, inigisamut akiliutit qularnaveeqqutillu qaqugukkulluunniit malittarisassat atuuttut malillugit ingerlanneqassapput.

Meeqqanik pinerliisimannginnermut pinerlussimannginnermullu uppernarsaatit

Atorfik una meeqqanik pinerliisimannginnermut pineqaatissinneqannginnissamullu uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommuni meeqqanik pinerliisimannginnermut pineqaatissimannginnermullu uppernarsaammik aatsaat pissasereerpat atorfinitsitsineq aallartinneqarsinnaavoq. Taamaattumik maluginiaqqussavarput Rigspolitiinit meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Atorfininneq 1. maj 2024 pissaaq imaluunniit isumaqatigiinnikkut.

Atorfik pillugu paasissutissat sukumiinerusut Qullersaqarfiup allatseqarfiani pisortaq Peter Evaldsen, oqarasuaat (+299) 86 73 07, e-mail: pete@qeqqata.gl saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik nassiunneqassaaq

Qinnuteqarnissamut killissarititaasoq: apriilip 25.-at, 2024