Neqeroortitsisarnermut Isumaqatigiissutinullu Immikkoortortamut aqutsisussarsiorpoq / Afdelingsleder til Udbud og Kontrakter i Kommuneqarfik Sermersooq

Kommuneqarfik Sermersooq

Nuuk

09-08-2024

Piffissaq atuuffissaa naassaaq: 30-08-2024

Suliffissamut ID normut: 331600190

Suliassaqarfik: Allat

Misilittakkat - Annertunerusumik: Engageret, Selvstændig, Stabil, Ansvar

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Pisiortornerup aamma neqeroortitsisarnerup iluanni pissanganartunik naleqartitsiffiulersunillu unammilligassat pillugit Sermersooq ineriartorteqataaffigerusuppiuk aamma patajaallisaaqataaffigerusuppiuk?

Nutaamik atorfimmut pilersinneqarsimasumut immikkoortortamut aqutsisussarsiorpugut/pisortamut tullersortissarsiorpugut sulisunut akisussaaffeqartussamik, suliaqarfinnullu arlalinnut akisussaaffeqalersussamik.

Naatsorsuutigineqartut suliffiullu imai:

Immikkoortortami aqutsisutut illit suleqatigiit ulluinnarni aqunneqarnerannut atatillugu suliassat ingerlattassavatit, matumani tulliusut akisussaaffigalugit:

·Suliaqarfiit akisussaaffigisat pillugit ulluinnarni aqutsineq aamma allaffissornikkut aqutsineq

·Suliaqarfinni soorlu pisiniartarnermi, sillimmasiisarnermi, kantiinamik aqutsinermi, eqqiaanermi aamma immikkoortortap iluani aningaasaqarnermi malitseqartitsisarneq

·Suleqatigiit sulisuannut 7-inut, pisiniartarnermut ikiortit 2-t, kantiinami sulisut 2-t, betjentit 3-t aamma viceværtit 2-t tunngatillugu sulianut tunngasumik siunersiueqateqartarneq aamma aqutsineq

·Pisiortortarfitsinnut isumaqatigiissuteqarnitta tamakkiisumik iluaqutigisarnissaasa aqunneqarnerannut qulakkeerinniffigineqarnerannullu suleqataaneq

·Piujuartitsisumik pisiniartarnitta ineriartorteqqinnissaanut suleqataaneq

·Sulinermut pilersaarutip anguniakkallu nassuiaasersorneqarsimasut piviusunngortinnissaannut ikiueqataaneq

·Attassiinnartarnissaq aamma sulianut tunngasumik piginnaasat ineriartorteqqinneqartarnissaat qulakkeerniarlugit sulianut tunngasunik suliaqarnermut peqataaneq

Piginnaasat:

·Neqeroortitsisarnermik naammassinnilluni suliaqarnermik aamma suliat ingerlanneqarnerannik tapersersuisarnermik misilittagaqarneq  

·Inunnik misigeqataasartoq, inunnik pissusissamisoortumik soqutigisalik aamma taakku pissusilersortarnerannik alapernaatsoq

·Suleqatigiinni pitsaasunik attaveqalertarnermut piginnaasaqarneq aamma allaffimmi atugarissaarnermut tapersiineq

·Pissusilersortarnermi takutitsinermullu maligassiuineq kiisalu immikkoortortaqarfiup iliuusissaanut iliuuseqartarluni tapersersuineq

·Marlunnik oqaaseqartuusutit, kalaallisut qallunaatullu, tamannali piumasaqataanngilaq

Neqeroortitsinermut Isumaqatigiissutinullu pisortaq qaninnerpaatut pisortarissavat. Neqeroortitsineq Isumaqatigiissutillu Suliffeqarfissuup sullissivianut ilaapput, tassanilu suliaqarfiit arlallit ilaallutik.

www.sermersooq.gl-imi Pisiniartarnermut neqerooruteqartitsinermullu politikkerput, maaji 2024-mi akuerineqartoq pillugu aamma atuarsinnaavutit.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Neqeroortitsineq Isumaqatigiissutinullu Pisortaq Carsten Jensen, oqarasuaat +299 52 28 49 imaluunniit e-mail: cabj@sermersooq.gl

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Qinnuteqaat:

Qinnuteqaat qulequtserlugu Atorfiup ilisarnaataa 826-24 -mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.