Meeraateqarfik Ungaannguaq Tullersortimik pissarsiorpoq/Souschef til "Meeraateqarfik Ungaannguaq"

Qeqqata Kommunia

Sisimiut

30-10-2024

Piffissaq atuuffissaa naassaaq: 20-11-2024

Suliffissamut ID normut: 331601011

Suliassaqarfik: Aqutsineq, Meeqqat & inuusuttut

Misilittakkat - Annertunerusumik: Førstehjælp

Oqaatsit:

Danskisut	Atuarneq/ oqalunneq
Kallaallisut	Atuarneq/ oqalunneq

Qeqqata Kommunia Sisimiuni Akuleriisitsilluni meeqqerivimmut Ungaannguaq-mut tullersortimik pissarsiorpoq

Akuleriisitsilluni meeqqerivik Ungaannguaq, Sisimiut

·         1 Souchef

Meeraaqqerivimmi meeqqanut ukioqanngitsuniit pingasut tikillugit ukiulinnut 24-nut ininut marlunnut agguataagaasunut meeqqanut 44-nut inissaqarpoq. Meeqqerivik meeqqanut sisamaniit arfinillit tikillugit ukiulinnut 20-nut inissaqarpoq.

Qeqqata Kommunia akuleriisitsilluni meeqqerivimmut Ungaannguaq-mut Aqutsisumik tunniusimasumik pikkorissumillu, 2024-mi novemberip aallaqqaataani imaluunniit tamatuma kingorna piaarnerpaamik sulilersinnaasumik pissarsiorpoq. Taamaalillutit illit tullersortitut meeqqeriviup naleqartitaanik sunneeqataasinnaavutit. Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit tullersortitut aqutsisullu ukkataqarnissat naatsorsuutigineqarpoq.

Suliassat akisussaaffiillu:

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 62, 20. november 2023-meersoq malinneqarnissaanut akisussaaqataassaatit, tamatumalu saniatigut Qeqqata Kommuniata nittartagaani maleruagassat nassuiarneqarnikuusut, Qeqqata Kommuniata politikkikkut takorluugaat, Meeqqanut Inuusuttunullu politikki, perorsaanikkut anguniakkat malillugit sulissallutit.

Meeqqeriviup kulturianut meeqqat sunniuteqarsinnaanerat tunaartaralugu ulluinnarni ileqqoqarnikkut/piffissamik ilisimaarinninnikkut aammalu naatsorsoruminartuunikkut ulluinnaat ingerlanniarsarisarpagut. Ataatsimoorluta meeqqeriviup Ungaannguaq-p atuisunut tamanut peqqinnartuutinnissaanut ineriartortuunissaanullu pilersitsinissarput pingaaruteqarpoq. Taamaattumik suliffimmi pissutsit annertuumik pingaartinneqarput.

Ungaannguaq-mi naleqartitavut makkuupput:

·         Meeraq toqqissisimalluni tikilluaqqusaallunilu misigisimassaaq.

·         Angajoqqaat sulisullu akornanni suleqatigiinneq pitsaasoq

·         Meeqqap kinaassusaanik akuersaarneq

·         Meeqqap ineriartornermi killiffianit ineriartortitsineq

·         Perorsaanikkut akuersaartuumik ingerlariaasilik

Uagut tunniussinnaasagut:

·         Suliffik akisussaassuseqarfigisinnaasat paaqqinnittarfillu sunniuteqarfigisinnaasat

·         Avatangiisit kusanartorsuit atorlugit suliffik pisoqarfiusoq

·         Init naleqquttunik suliassaqarfiusut suleqatillu akornanni suleqatigiilluartuuneq

·         Pikkorissarnernut ilinniagaqarnissamullu peqataasinnaaneq

·         Angajoqqaat akuulluartut meeqqallu inequnartut

Ilinnut naatsorsuutigisagut:

·         Perorsaasutut ilinniarsimasuusutit

·         Aqutsisutut piginnaasaqarluartutit

·         Nutaanik pilersitsisinnaassuseqartutit

·         Aallartitsisinnaassuseqarlutillu akisussaaffimmik tigusisinnaasutit

·         Suliarput pillugu perorsaanermut tunngasunik oqalliseqataanissannik piumassuseqartutit

·         Meeqqanut killiliisinnaasutit

·         Meeqqanut, sulisunut angajoqqaanullu inussiarnersuullutit ajunngitsumillu iliuuseqartartutit

·         Tamakkiisumik isiginnissinnaasutit isumassarsiullaqqillutillu

·         Suliffinnut patajaatsuusutit/aalajaatsuussasutit,

·         Suliannut akisussaassuseqartutit tunniusimallutillu

·         Suleqatiginnissuseqartutit suleqatigiinnermillu pingaartitsisutit

·         Aallartitsisinnaasuseqartutit nutaamillu eqqarsarsinnaasutit

·         Qiimasoq/ uummaarissoq piumassuseqarluartorlu

·         Kalaallisut qallunaatullu oqalussinnaasoq

·         IT/ qarasaasiamik atuisinnaasutit

·         Suliniutinut nutaanut ammasuusutit saaffikkuminartuusutillu

·         Akuersaarpalaartumik perorsaaniarnermi isiginnittariaaseqartutit.

·         Aalajaatsuusutit

Neqeroorutigaarput

·         Akissarsiat atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

·         Pisortap tullianut perorsaasumullu inissamik innersuussisoqarsinnaavoq, malittarisassat sukkulluunniit atuuttut malillugit akilerneqartartussamik.

·         Akeqanngitsumik timersortarfiup timigissartarfianukarsinnaaneq.

·         Sulinermi atugassarititaasut pitsaasut

·         Suleqatit angajoqqaallu akornanni pitsaasumik suleqatigiinneq

·         Suleqatit pitsaasut

Pineqaatissinneqarsimannginnermut aammalu meeqqanik pinerliisimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.

Ulloq aallartiffik: 1.december 2024 isumaqatigiissuteqarnikkulluunniit.

Qaammatini pingasuni misiligummik atorfinitsitsisoqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfik pillugu erseqqarinnerusumik paasisaqarusukkuit uunga saaffiginnissinnaavutit: Meeqqeriveqarnermut pisortaq Navarana Lennert-Anderseb oqa +299 86 74 02, e-mail: nava@qeqqata.gl