Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ilisimatusarfimmi Peqqissaanermut Peqqinnissallu tungaatigut ilisimatusarnermut Immikkoortortami pisortamik

Namminersorlutik Oqartussat

Upernavik
18-02-2020
Piffissaq atuuffissaa naassaaq: 15-05-2020
Suliffissamut ID normut: LJA-79390379
Suliassaqarfik: Peqqinnissaq

ALLAGARSIUTEQQITAQ

Immikkoortortaq siumukartoq pisortamik eqeersimaartumik tunniusimasumillu piginnaassutsikkut pisortatullu nukittuumik pissarsiorpoq.

Ilisimatusarfimmi Peqqissaanermut Peqqinnissallu tungaatigut ilisimatusarnermut immikkoortortaq pisortamik nutaamik pissarsiorpoq ineriartortitsinerup ingerlateqqinnissaani ulluinnarnilu ingerlatsinermi siuttuusinnaasumik. Immikkoortortamittaaq pisortap Peqqissaanermut immikkoortortaq siuttuuffigissavaa.

Immikkoortortami peqqissaasutut ilinniarneq bachelorimut ilinniarnerusoq, peqqissaanermik sulialinnut aqqutissiuussineq pikkorissaanerillu ataasiakkaat ingerlanneqartarput. Tamatuma saniatigut immikkoortortami Kalaallit Nunaanni peqqinnermut tunngasutigut ilisimatusarneq ineriartortinneqarpoq.

Immikkoortortaq 7-niit 10-nut aalajangersimasunik sulisoqarpoq, arlalinnik adjunktinik ilisimatuunik sulisoqarluni ilisimatusartunillu suleqateqartarluni. Bachelorinngorniat 45-50-it missaaniipput 4-niillu 6-nut Ph.d.-nngorniaqarluni.
Immikkoortortami/universitetimi anginngitsumi alliartortumili, Nunarsuarmut avatitsinnut isigisumi soqutigineqarluartumilu sulisinnaassaatit. Suliani assigiinngiiaartuni peqataasinnaassaatit. Immitsin-nut attaveqatigiinnerput naliginnaasuuvoq, aammalu isumassarsiat piviusunngortinnissaannut piumassuseqarluartuulluta.
 
Immikkoortortami pisortap suliassai
Ilisimatusarfik pillugu Inatsisartut inatsisaat nr. 12, 12. juni 2019-meersoq naapertorlugu pisortap suliassai aalajangersagaapput:
Instituttimi aqutsisup immikkoortortani aqutsisut aamma instituttimi atorfeqartut allat atorfinitsillugillu soraarsittassavai.

  • Instituttimi aqutsisoqarfiup najoqqutassat rektorimit akuerineqartut malillugit instituttip ulluinnarni aqunneqarnera isumagissavaa, tamatumunnga ilanngullugit pilersaarusiorneq aamma suliassanik agguaassineq.

Akisussaaffiit
Immikkoortortami siunnersuisoqatigiit aqutsosoqatiigiillu peqatigalugit immikkoortortami pisortap akisussaaffigai:
  • Rektorimut Ilinniagartuullu siunnersuisoqatigiivinut ilisimatusarnerit, ilisimatusarnermut tunngasunik ilinniarnerit, ilinniarnermi maleruagassat, ilinniarnermi misileraanerit, ilisimasalinnik suleqatigiiliornerit il.il. pillugit maleruagassanik nalinginnaasunik inassuteqaateqarneq.
  • Immikkoortortap aningaasatigut missingersuutissaannik siunnersuusiorneq.
  • Ilinnialersussanik akuersinerit, akademikeritut taaguusiinerit il.il. pillugit maleruagassiornerit nalinginnaasut.
  • Ilinniarnerni aqutsinerit il.il.
Piginnaaneqarneq / Pisinnaasat
  • Peqqissaasoq Ph.d.-tut ilinniaqqissimasoq / peqqissaanermut pædagogikkimiluunniit kandidati assigisaalluunniit.
  • Kalaallit Nunaanni nunanilu allani peqqissaasutut ilinniarnermik ilisimasaqarluartoq.
  • Paasiniaaqqissaarnermik pilersaarusiornermillu misilittagaqarluartoq.
  • Allaffissornermik ilisimatuutullu sulianik nikerartumik sulisinnaassusilik.
  • Atuartitsinermut piareersaasiornernik misilittagalik.
  • Sulisunik ilinniarnermillu aqutsinernik misilittagalik.
  • Ilisimatusaatinik sulianillu ineriartortitsinermik aallarnisaanermik aammalu ilisimatusarnerup ilinniartitsinerullu silarsuaani aaqqissuussinermik ineriartortitsinermillu soqutigisaqarluartoq, ilisimasaqarluartoq misilittagalillu.
  • Kalaallit Nunaanni peqqissaasutut allagartalik.
Qinnuteqartoq kalaallit, qallunaat tuluillu oqaasiinik aammalu Kalaallit Nunaanni pissutsinik piginnaasaqarluarpat iluaqutaassaaq.

Atorfinitsitseriaaseq
Rektori naliliisartunik pilersitsisarpoq, taakkualu qinnuteqartut piginnaasaat nalilersoriarlugit kikkut rektorimit oqaloqatigineqassanersut innersuussissallutik.

Annertunerusumik paasisaqarusukkuit Rektor Gitte Adler Reimer oqarasuaat +299 520558 aqqutigalugu attavigineqarsinnaavoq.

Ilisimatusarfik pillugu.
Ilisimatusarfik – Grønlands Universitet – issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu.
 
Ilisimatusarfik sisamanik instituteqarpoq:

•                    Kulturimik, Oqaatsinik Oqaluttuarisaanermillu Ilisimatusarfik
•                    Ilinniartitsinermik Ilisimatusarfik ilinniartitsisunngorniarfittaqarlunilu meeqqat atuarfianni ilinniartitsisunut ilinniaqqiffissartalik
•                    Peqqissaanermik Ilisimatusarfik peqqissaasunngorniarfittalik
•                    Inuiaqatigiilerinermik, Aningaasaqarnermik Tusagassiornermillu Ilisimatusarfik

Allaffissornikkut aqutsisoqatigiiffik pillugu:
Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut.
Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq.
Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.
Paasissutissat Ilisimatusarfik pillugu uani nanineqarsinnaapput www.uni.gl


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.