Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Pitsaaliuinermut Isumaginninnermullu Aqutsisoqarfik AC-fuldmægtigimik pimoorussisumik sulisussarsiorpoq

Namminersorlutik Oqartussat

Nuuk
04-03-2020
Piffissaq atuuffissaa naassaaq: 26-03-2020
Suliffissamut ID normut: LJA-79638857
Suliassaqarfik: Isumaginnittoqarfik

Isumaginninnermut suliassaqarfiup iluani suliniutinik ineriartortitsinermut atuutsitsilertarnermullu siunnerfilimmik sulinissaq kajungeraajuk? Taava atorfik una ilinnut naleqquppoq.

Pitsaaliuinermut Isumaginninnermullu Aqutsisoqarfik suliniutit sammillugit sulinermik misilittagaqartumik, aammalu isumaginninnermut suliassaqarfiup iluani neriulluarnartumik allanngortitsinissamut kissalaarfiginnittumik, nutaamik suleqatissarsiorpoq. Atorfik Qitiusumik Siunnersuisarfimmiippoq, taanna ilaatigut kommunini ingerlatsivinni inatsisilerinikkut isumaginninnermullu suliani inerisaanermut ikorfartuinermik suliaqarluni aammalu oqartussani meeqqanik inuusuttunillu ajornartorsiortunik suliaqartunut sammitinneqarluni.
 
Oqartussat suliassaqarfianni aammalu ingerlatsivinni suliassaqarfinni suliassanik suliarinnittartunut siunnersuineq ilitsersuinerlu, kiisalu meeqqanut inuusuttunullu ajornartorsiortunut suliassaqarfiup iluani ikorfartorneqarsinnaaneq, Qitiusumik Siunnersuisarfimmi neqeroorutigineqarput.
 
Immikkoortortami aamma innuttaasunut neqeroorutit isumagineqarput, soorlu kinguaassiutitigut innarliisarnernut katsorsaanermut tunngatillugu angalaqatigiittartut, Oqarasuaatikkut siunnersuisarfiit Tusaannga aamma Alliaq.

Atorfik pillugu
Immikkoortortami suli inerisarneqartumi aammalu sakkortuumik ataqatigiiffiusumi sulilissaatit.
neqeroorutaareersut ineriartorteqqinnissaasa aallunnissaa suliassarilissavat, kisianni aamma allat suleqatigalugit aallaqqaataaniilli inerisaaqataasussaassallutit. 

Suliassatit ilaatigut tassaassapput:

  • Suliniuteqarnernik politikkikkut akuerisaasunik ineriartortitsineq atuutsitsilertarnerlu
  • Suliniutini aqutsineq
  • Suliassaqarfiit akimorlugit suleqatigiinnermut ataqatigiissaarineq
  • Ataatsimiinnernut, workshop-inut il.il. pilersaarusiorneq aallartitsisarnerlu
  • Allaganngorlugu najoqqutassanik suliaqarneq, soorlu suliniutinut nassuiaatit, allakkiat aamma nalunaarusiat
  • Ilisimasanik katersineq aamma paasissutissiisarneq
Piukkunnassutsitit
Sulisussarsiorpugut:
  • Suliniutinik ineriartortitsinermillu suliaqarnermik misilittagaqartumik
  • Isumaginninnermut suliassaqarfimmut ilisimasaqartumik soqutiginnittumillu
  • Allaganngorlugu oqaluinnarlunilu paasissutissiisarnerup iluani piginnaaneqarluartumik
  • Naleqquttumik ilinniagaqarsimasumik
  • Periusissanik, misissueqqissaarnermik nalinginnaasuunngitsunillu eqqarsarsinnaasumik
  • Aaqqissuussillaqqissumik angusassanillu pingaartitsisumik
  • Pimoorussisumik aammalu inunnik assigiingitsorpassuarnik suleqatiginnillaqqissumik
  • Kalaallisut danskisullu marloqiusamik oqaaseqaruni pitsaassaaq, kisianni tamanna piumasaqaataanani
Pitsaaliuinermut Isumaginninnermullu Aqutsisoqarfik pillugu
Pitsaaliuinermut Isumaginninnermullu Aqutsisoqarfik Naalakkersuisut ataanni aqutsisoqarfiuvoq makkuninnga 5-inik immikkoortortaqarluni: Pitsaaliuinermut immikkoortortaqarfik Paarisa, Aningaasaqarnermut immikkoortortaqarfik, Ulloq unnuarlu aammalu innersuussisarnermut immikkoortortaqarfik, Qitiusumik Siunnersuisarfik aamma Allattoqarfik. Immikkoortortaqarfiit qanimut suleqatigiipput, aammalu suliffeqarfiulluni suliassatigut unammilligassarpassuaqartoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusussaavoq sapaatip akunneranut nalunaaquttap akunneri 40-it.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat annertunerusut
Atorfik pillugu annertunerusunik paasisaqarusukkuit attaveqarfigisinnaavat Qitiusumik Siunnersuisarfimmi immikkoortortaqarfimmut pisortaq Arnajaraq Poulsen uani apou@nanoq.gl / +299 346014 imaluunniit sulianut aqutsisoq Stina Mølgaard uani stmo@nanoq.gl  / +299 34 6017.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.