Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aqqutissiuussisoq

Namminersorlutik Oqartussat

Nuuk
16-03-2020
Piffissaq atuuffissaa naassaaq: 15-04-2020
Suliffissamut ID normut: LJA-79820683
Suliassaqarfik: Atuartitsineq & Meeqqerineq

Niuernermik Ilinniarfik, Nuuk aqqutissiuussisumik pissarsiorpoq

Kalaallit Nunaanni Niuernermik Ilinniarfik ilinniarfiuvoq ingerlalluartoq, inuutissarsiornerup iluani ilinniakkanik assigiinngitsunik neqerooruteqartoq.
Siunissaq pissaganartoq ornipparput, assigiingitsunillu nutaanik suliniuteqarluta.
Taamaattumik maannakkorpiaq ilinniartunut aqqutissiuussisumik ujarlerpugut.

Aqqusissiuussinermik soqutigisaqarpit? Annertuumik ilinniartunik ikiuerusussuseqarpit, siunnersornissaannut, aqqutissiuunnissaannullu ilinniakkanik toqqaanissaannik? Taamaappat illiuvoq ujagarput.

Suliassatit…
Ilinniartunut aqqutissiuussisutut suliassatit assigiinngiiaarput, taamaattumillu nammineersinnaassusermik aammalu suleqatit akimorlugit sulisinnaanermik pisariqartitsilluni, Ullormut ilinniartunik, ilinniartitsisunik, ilinniarnermut nakkutilliisunik, aqutsisunik aammalu avataani attaveqaatinik attaveqartassaatit. Aqqutissiuussisutut siullerpaamik akisussaaffigissavat, ilinniartut siunnersorlugillu aqqutissiuunnissai maani ilinniarfimmi. Aammalu qinnuteqartunik suliaqarnermi peqataasassaatit, minnerunngitsumillu ilinniarfiup ilinniakkat neqeroorutai pillugit avataaniik saaffiginnissutit suliarisassallugit. Majoriamik aammalu atuarfinnik attaveqaasiorneq salliutinneqarluni suliassaavoq. Suliassallu ilagaat atortut soorlu Lectio aammalu It-reg, kiisalu naatsorsueqqissaarnermut atortunik inerisaaneq. Sullissinermi pisariqarpoq, immikkoortortaqarfiit akimut suleqatiginissai, taassumalu saniatigut sulianik immikkut eqqumaffigisassanik tamamakkiisumik isiginnissinnaaneq. Pisortap tullersortaa attaveqaatigissavat.

Kissaatigaarput…
Naleqquttumik ilinniagaqarsimassasutit, saniatigut  ilinniarnermut-, suliffeqarfimmut tunngasunik aammalu aqqutissiuusinermut tunngasunik ilinniagaqarsimassasutit / pikkorissarsimassasutit. 
Inuussutissarsiornermut tunngasunik ilinniartunik aqqutissiuussinermik ilisimasalik piumassusilillu, Nunatsinni inuussutissarsiutigalugu ilinniakkanut, ilinniartitaanermullu tunngasunik ilisimasalik.
Naatsorsuutigaarput namminerlutit sulisinnaanissat, pitsaasumik ilusilersuisinnaasoq, pisunullu malinnaalluarsinnaasoq. Qarasaasimut tunngasunik ilisimasaqarnissat aamma Office-pakke-mik atuilluarsinnaasoq. Saniatigut suleqatigiilluarsinnnaanermik aammalu kalaallisut qallunaatullu piginnaasaqarnissat pingaaruteqarpoq.
Pisuni tamani pinngaaruteqarpoq, suleqataalluarnissat, suleqatinut ilinniartunullu, ilinniarfimmi ingerlalluartumi aammalu ulapaarfiusumik peqataanissat.

Neqeroorutigaagut …
Tamakkiisumik suliffik, inuttullu ineriartornissamik, pikkorissarnerit aammalu ilinniaqqinnerit aqqutigalugit ineriartornissamut periarfissalik. Suliassat pissaganartut, pikkorissunillu tunniusimalluartumik isumassarsiorluartunillu suleqateqarneq, ulluinnarni sulinermi qiimaneq pingaartinneqarluni.

Sap.ak. suliffiusoq nal. ak. 40-upput, atorfiup inuttalerneqarnissaa 1. maj 2020 kissaatigineqarpoq, imaluunniit isumaqatigiissuteqarnikkut.

Paasissutissat allat
Ilinniartunik aqqutissiuussisutut maani atorfeqalernissat takorloorsinnaagukku allanillu atorfimmut tunngasunik paasisaqarusullutit,  atuarfiup Forstanderia Christel Lund Bøjler oqarasuaammut 34 25 80- imut attaveqarfigisinnaavat, imaluunniit clb@ninuuk.gl –imut mailerfigalugu.
Niuernermik Ilinniarfik pillugu paasissutissat  uani www.ninuuk.gl  atuakkit.
Qinnuteqarfissaq
Qinnuteqarfissaq kingulleq 14. april 2020. Qinnuteqartunik oqaloqatiginninnerit qinnuteqarnerup kinguninngua ingerlanneqassapput.


Tusarfiginissat qilanaaraalugu!

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.