Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Plejehjemmet QUPANUK i Sisimiut søger Køkken- og Serviceleder

Qeqqata Kommunika

Sisimiut
04-10-2021
Piffissaq atuuffissaa naassaaq: 22-10-2021
Suliffissamut ID normut: LJA-82753902
Suliassaqarfik: Allat, Aqutsineq

Piffissaq suliffiusoq ataasinngornermiit tallimanngornermut (sapaatip akunneranut nalunaaquttap akunnerinik 40-t).

Atorfinitsikkusutaq.

Naatsorsuutigaarput, inuussutissalerinermut ilinniarsimassasutit aqutsinermillu misilittagaqartuusutit. Inuussutissaqarluartunik mamartunillu nerisassiullaqqissuusutit kiisalu kalaaliminernut ilisimasaqartuullutillu iganissamut soqutigisaqartuusutit. Patajaattuunissat aqutsisutullu ersarisuullutit siuttuunissat aammalu suleqativit malinnaasinnaanerannik nakutiginnissinnaanissat pingaaruteqarpoq. Suleqatinut, suleqatigisanut, najugaqartunut ilaqutaanullu tunngatillugu ammasuusutit, akuusutit akuersaartumillu periuseqartutit, aammalu inuit assigiinngissutaanik inissaqartitsisuusutit. Suliffissanut pilersaarusiornermut allaffissornermullu misilittagaqartuusutit, taakkuuppummi atorfimmi akisussaaffiit 40 procentii, aammalu Microsoft Office pakken-imik ilisimasaqarluartuusutit.

Attaveqaateqarluarsinnaanissat naatsorsuutigaarput. Assigiinngitsutigut oqaloqatiginnittariaaseqarsinnaasutit. Aaqqiissuteqarnissamik suliniartartutit, akuersaartoq, immikkoortortamilu tamanut pitsaasumik avatangiiseqartitsinissamik suliniuteqartuusutit. Sulinermi kalaallisut qallunaatullu oqaatsit atorneqarput.

Suliassat:

· Ullormut tullinnguuttutigut nerisassiornerit ingerlanneqartarput:

Ullaakkorsiutit: Ineqartut 43-t

Ulloqeqqasiutit: Ineqartut 43-t, ulluunerani ornittakkamukartartut kiisalu illoqarfimmi utoqqaat (nerisassanik pajunneqartartut) katillugit 65-it Unnukkorsiutit: Ineqartut 43-t

Tamatuma saniatigut ullup ingerlanerani tamulugassanut iffiortoqartarlunilu najugaqartunut immikkut nerisassiuussinerit ingerlanneqartarput, kiisalu kaffillernermi, ataatsimiinnerni sammisaqartitsinernullu nerisaqartitsinernik piareersaaneq

· Igaffimmi sulisunut ulluinnarni aqutsineq, sulisut katillugit 14-it kiisalu missingersuutinut akisussaaqataaneq

· Nammineq nakkutilliineq, eqqiaaneq eqqiluisaarnerlu kiisalu suliffimmi avatangiisit

· Nioqqutissanik piniarneq tigooqqaanerlu

· Sulinissamut sulinngiffeqarnissamullu pilersaarusiorneq

· Sulisunik iggavimmilu ilinniartunik nutaanik ilisarititsineq

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.

Akissarsiat atorfeqartitaanermullu atugassarititaasut:

Akissarsiat atorfeqarnermullu atugassarititaasut, Naalakkersuisut aammalu Atorfillit Kattufiat/AK isumaqatigiissutaanni Kalaallit Nunaanni Namminersorlutik Oqartussat Kalaallit Nunaannilu Kommunini atorfilittut suliaqarnermut isumaqatigiissutaat naapertorlugu immikkoortortami aqutsisutut akissarsiaqartitsisoqassaaq. Ukioq allortarlugu ilinnut ilaqutannullu akiliunneqarluni sulinngiffimmi angalaneq.

Qaammatini pingasuni misiligummik atorfinitsitsisoqassaaq.

Najugaq

Atorfimmut tunngatillugu inissamik pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Sisimiuni najugaqariinngikkuit, ilinnut ilaqutannullu pequtinik assartuussineq angalanerlu akilerneqassapput.

Atugarissaarneq aamma Peqqissuseq

Qeqqata kommuniani sulisut illoqarfiup timigissartarfiani akeqanngitsumik atuinissamut periarfissaqarput.

Atorfiniffissaq ulloq isumaqatigiissuteqarnikkut

Atorfik pillugu paasissutissat annertunerit, Utoqqaat angerlarsimaffiani aqutsisup Peter Mattaaq oqarasuaatikkut: 86 73 50 imaluunniit mail: pema@qeqqata.gl imaluunniit tullersortip QUPANUK Annette Eriksen oqarasuaatikkut: 867351, mail: aner@qeqqata.gl attaveqarnikkut pissarsiarineqarsinnaapput 86 73 50 eller mail: pema@qeqqata.gl eller Souschef QUPANUK Annette Eriksen på tlf: 867351, mail: aner@qeqqata.gl

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.