Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgivere/sagsbehandlere til Børn og Familieafdelingen i Maniitsoq

Qeqqata Kommunika

Maniitsoq
05-10-2021
Piffissaq atuuffissaa naassaaq: 24-10-2021
Suliffissamut ID normut: LJA-82758827
Suliassaqarfik: Isumaginnittoqarfik, Meeqqat & inuusuttut

Qeqqata Kommuniani Ilaqutariinnut immikkoortortaq Maniitsoq, Isumaginninnermi siunnersortimik sullarissunik piumassuseqarluartunillu ataatsimik pissarsiorpoq.

Ilaqutariinnut immikkoortortaq 26-nik sulisoqarpoq imatut agguataagaasunik, Ikiorsiinermi immikkoortortaq, Allatseqarfik, Utoqqarnut, siusinaartumik pensionisiaqartunut aammalu Innarluutilinnut immikkoortortaq,  aammalu Meeqqanut Ilaqutariinnullu immikkoortortaq, immikkoortortami aqutsisoq ilanngullugu arfineq-pingasunik sulisoqarsinnaavoq. Ilaqutariinnut meeqqanullu immikkoortortami sullissineq immikkoortunut marlunnut (Team) immikkoortinneqarnikuupput.

Isumaginninnermi siunnersortip innuttaasoq aallaavigalugu suliassap ingerlannerani qanimut suleqatigalugu ingerlatsissaaq kiisalu suliaq peqqissaarullugu ineriartornissamut siunertalimmik suliamut atuumassuteqartut qanimut innuttaasoq peqatigilluinnarlugu suleqatigissallugit.

Isumaginninnermi siunnersortip suliassarai:

Nalunaarutiginninnernik isumaginninneq

· Isumaginninnermi misissuineq

· Iliuusissamik pilersaarutit malitsinneqarnissaallu

· Paasissutissanik aallernerit – ulluunerani paaqqinniffiit, atuarfik, peqqinnissaqarfik, il.il.

· Suliap malitseqartinnissaannut (efterværn) suliaqarneq

· Atugarissaarnermut  ataatsimiititaliamut qinnuteqaasiornerit

· Inatsit atuuttoq malillugu siunnersuineq ilitsersuinerlu.

· Meeqqanik inuusuttunillu oqaloqatiginninneq, angajoqqaat attaveqaatillu ilanngullugit

· Attaveqaqatigiinnik kiisalu sulianik sullissisut ataatsimiittarnerinik ingerlatsineq

· Immikkoortortami sulianut tunngasutigut siunnersueqatigiinnermut peqataaneq

· Pisariaqalersillugu suliassanngortartut

· piffissap ilaani imaluunniit siunertalimmik suliakkerneqarsinnaaneq.

· Isumaginninnermi pigaartuunermut peqataaneq

Naatsorsuutigaarput:

· Inatsisinik isumaginninnermut tunngasuni ilisimasaqartuusutit.

· Kommunimi suliassanik suliaqarnermik il.il. misilittagaqassasutit.

· Attaveqaqatigiit kiisalu sulianik sullissisut ataatsimiittarnerinik misilittagaqartuusutit

· Tamat isiginnissinnaalluartuusutit aamma pisuni ulapaarfiusuni.

Ilinniakkatigut piginnaasat:

Isumaginninnermi siunnersortitut arlaatigulluunniit isumaginninnermut attuumassuteqartumik ilinniarsimasuusutit

Marluinnik oqaaseqartuusutit.

Oqaatsinik atuinermut allattariarsornermullu pitsaasumik piginnaasaqartuusutit.

Inuttut piginnaasat:

Sullissinermik sungiusimasaqartutit

Saaffikkuminartuusutit, akuersaartumillu isiginnittariaaseqartuusutit

Namminersortumik akisussaassuseqartumillu sulisinnaasutit

Aalajaatsuusutit tatiginartuusutillu

Suliassanut ilisimaarinnittuusutit, pimoorussisuullutillu

Suleqatikkuminartuusutit

Akissarsiat atorfinitsitaanermilu atugassarititaasut:

Akissarsiat atorfinitsitaanermilu atugassarititaasut isumaqatigiissutit sukkulluunniit atuuttut malillugit aaqqinneqassapput.

Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.

Piaartumik, isumaqatigiissuteqarnikkulluunniit atorfinitsitsisoqassaaq.

Meeqqanik pinerliisimannginnermut pineqaatissinneqarsimannginnermullu uppernarsaat

Atorfik meeqqanik pinerliisimannginnermut pineqaatissinneqarsimannginnermullu uppernarsaammik piumasaqaateqartussaatitaaneq pillugu, inatsit naapertorlugu uppernarsaammik piumasaqaateqarfiupput.Inatsit naapertorlugu kommuni meeqqanik pinerliisimannginnermut pineqaatissinneqarsimannginnermullu uppernarsaammik aatsaat pissarsereerpat atorfinitsitsisoqarsinnaavoq. Taamaattumik erseqqissaatigineqassaaq, kommunip pineqaatissinneqarsimannginnermut allagartaq politiinit tiguneqareernerata kingorna ulloq atorfiniffissaq aatsaat isumaqatigiissutaasinnaammat.

Atorfik pillugu paasissutissat sukumiinerusut Atugarissaarnermut pisortaq Bertha Dalager, oqarasuaat (+299) 81 78 53, e-mail: beda@qeqqata.gl imaluunniit Isumaginninnermut siunnersortinut aqutsisoq Dorthe Poulsen, oqarasuaat (+299) 81 78 31 e-mail dopo@qeqqata.gl atorlugit saaffiginninnikkut pissarsiarineqarsinnaapput.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.