Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Teknik- og Miljøchef i Sisimiut

Qeqqata Kommunika

Sisimiut
08-10-2021
Piffissaq atuuffissaa naassaaq: 07-11-2021
Suliffissamut ID normut: LJA-82778461
Suliassaqarfik: Allat

Suliassat akisussaaffiillu: 

Teknikkimut Avatangiisinullu pisortaq immiikkortortami ineriartorfiusumi siuttuussaaq,pilersaarusiorneq, avatangiisinut tunngasuni, sanaartornikkut suliassanut, teknikkikkut unammillernarsinaasunut aamma qularnaatsumik ingerlatsinissamut aqutsisuussalluni.

Immikkoortortaq 16-inik atorfeqartunik inuttaqarpoq, allattoqarfik, pilersaarusiornermut immikkoortortaq, sanaartornermut immikkoortortaq ingerlatsinermullu immikkoortortaq ingerlatsiviupput. Ingerlatsinermut suliassaqarfiup ataaniipput ikuallaavik, kalaalimineerniarfik, bussit, skicenteri kommunillu sannavia asfaltileriffialu, taamatullu suliassanut ilaapput sullissinissamut isumaqatigiissutit eqqaavilerinermut anartarfilerinermut aputaajaanermullu tunngassuteqartut.

· Sisimiuni teknikkimut Avatangiisinullu Immikkoortortaqarfimmi allaffissornikkut suliassanut akisussaaneq, aqutsisoqarnikkullu ingerlatsinermut ukuusunut, ingerlatsinermut-pilersaarusiornermut-, sanaartornermilu suliassanut, kiisalu allatseqarfimmik akisussaaneq.

· Sisimiuni kommunaldirektørimik kiisalu Teknikkimut Avatangiisinullu Immikkoortortaqarfik Maniitsumilu Pisortaasoq suleqatigalugit Kommunimi Teknikkimut Avatangiisinullu immikkoortortami ineriartortitsineq aamma nalimmassaaneq.

· Kommunimi ineriartortitsinermut suliniutinut annertuunut, soorlu suliniutinik atuilluartuunermut suliniutit aamma inuussutissarsiutinik ineriartortitseqataaneq.

· Inuussutissarsiornikkut ineriartortitsinissaq ukkataraarput, taamaattumik inuussutissarsiortut teknikkeqarfimmit pisariaqartitaat tusarnaarlugillu tulluarsarfigisinnaassavatit, immikkoortortallu kiffartuussilluarnissamut piareersimasuunissaa qulakkeerlugu.

· Teknikkimut Avatangiisinullu immikkoortortaqarfiup iluani qullersaqarfimmut siunnersortaaneq

· Kommunimi pisortaqatigiinni ilaasortaaneq.

· Inatsisiliornermut tunngasutigut politikkikkut ataatsimiititalianut siunnersortaaneq

· Missingersuutinik malinninnissamut akisussaasuuneq, ingerlatsinermi pilersuinermi ingerlatsinermilu pisortaq, pilersaarusiornermi pisortaq kiisalu sanaartornermi pisortaq peqatigalugit.

Piginnaasassat:                     

· Teknikkeqarnermut aqutsinermulluunnit naleqquttumik ilinniagaqarsimassasutit

· Pisortani aamma/imalt. suliffeqarfinni namminersortuni aqutsilluarnermik misilittagaqartuussaatit

· Marluinnik oqaaseqassasutit, kalaallisut/qallunaatut – tamannali piumasaqaataanngilaq

· Suleqatitit, aqutsisut, politikerillu kiisalu illup avataani suleqatit suleqatigisinnaassagitit

· Aaqqissuussaasumik suleriaaseqartutit, misissueqqissaarisinnaassuseqartutit kiisalu paasinartumik ersarissumillu allatatigut oqaatsitigullu saqqummiisinnaasutit

· Ammasuusutit, piumassuseqalersitsinnaasutit, qiimasuusutit, qiimmisaarnermillu nuannarisaqarlutik persuarsiorpalaartuunngitsutit.

Akissarsiat, atorfinitsitaanermilu atugassarititaasut: 

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput. Atorfinitsitaaneq isumaqatigiissuteqarnikkut pissaaq, kisianni Kalaallit Nunaanni allami tjenestemanditut atorfeqareersimagaanni toqqaannartumik tjenestemanditut ikaarsaartoqarnissaanut periarfissaqarpoq.

Inissaqartitsisoqarsinnaavoq, malittarisassallu atuuttut malillugit akilersorneqassalluni.

Atorfininneq pissaaq 1. December 2021 imaluunniit isumaqatigiinnikkut.  

Pinerlussimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu poitiiniit pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq.  

Atorfik pillugu paasissutissat annertunerusut pissarsiarineqarsinnaapput Kommunimi pisortaanermut Juliane Henningsen Heilmann-imut (+299) 86 73 01, oqarasuaat angallattagaq (+299) 48 81 48, e-mail: juhe@qeqqata.gl saaffiginnissuteqarnikkut.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.