Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Dele Ergoterapeut

Kommune Kujalleq

Qaqortoq
13-10-2021
Piffissaq atuuffissaa naassaaq: 03-11-2021
Suliffissamut ID normut: LJA-82801951
Suliassaqarfik: Allat, Isumaginnittoqarfik, Peqqinnissaq

Avitseqatigiilluni pillorissaasutut atorfik pissanganartoq


Imminut unammillernissat sapiuffiginngiliuk aammalu suliassatigut aallutassarsiorpit, taava kujataani atorfik inuttassarsiorneqarpoq septembarip aallaqqaataa 2021 aallarnerfigalugu. Atorfik Qaqortumi inisisimagallarpoq.


Avitseqatigiilluni pillorissaasutut atorfik pillugu Kommune Kujalleq aamma Kujataani Peqqinnissaqarfik suleqatigiinnissamik isumaqatigiissuteqarput. Suleqatitta suliffiup tungaatigut allanik misilittagassarsiornissani toqqarsimammagu atorfimmut nutaamik inuttassarsiuivugut


Qaqortumi pillorissaasoqatigiit tassaapput pillorissaasut marluk, matumani aappaa pillorissaasoqatigiinni aqutsisuulluni, ataaseq pillorissaasutut ilinniarsimavoq, pingaarnertullu angerlarsimaffimmi ikiorteqarnermut innarluutilinnullu susassaqarfimmi piginnaanngorsaqqinneqarneq, pillorissaasutut suleqataasoq avitseqatigiillunilu atorfik aallutarai. Qaninnerpaamik akisussaasorisaq tassaavoq timikkut sungiusaasuuneq.


Avitseqatigiilluni pillorissaasutut suliassatigut sammisassat aamma piginnaanngorsaqqiinermut tunngatillugu innuttaasunut qanimut suliniutit pitsaassusaasa nakussassarnissaat, peqqinnissaqarfiullu susassaqarfiata iluani  uninnganermi tamatumalu kingorna meeqqanut inersimasunullu tunngatillugu piginnaasat pigiinnarniarlugit sungiusarnerit peqataaffigissavatit. Ilaatigut innuttaasut angerlarsimaffiini, sungiusartarfinni sumiiffinnilu allani qanimut ikiortitut / tapersersuisutut aamma suliaqartassaatit, piginnaanngorsaqqiinermut timikkullu sungiusarnissamut periarfissat nalilersorneqarnerannut peqataasassallutit, kiisalu iluaqusersuutit innuttaasut pisariaqartitaannut tunngavilersuutaanersut nalilerlugillu aallartisartassallugit.


Atorfimmut tunngatillugu ilaatigut suliassat:

·Innuttaasut piginnaasaat aallaavigalugit sullinneqartut eqqarsaatigalugit tapertariilluni suleqatigiinnikkut piginnaanngorsaaqqiineq.

·Piginnaasat pigiinnarniarlugit ataasiakkaarluni eqimattakkaarluniluunniit sungiusarneq.

·Qinnuteqaatinik suliaqarneq iluaqusersuutissanik aamma inigisami allannguutit.

·Timikkut atoruminarsaatinik pisiortorneq - tunniussereerluni sungiusaaneq - ilitsersuineq.

·Ilisimasalittut naliliineq misissuinerlu.

·Tapersersortit, angerlarsimaffimmi ikiortit allallu peqatigalugit susassaqartut assigiinngitsut ataatsimiineri.

·Innuttaasunik, ilaqutaasunik allanillu ataatsimiisitsinerit.

·Innuttaasut ilaqutaasullu namminneq sungiusarnissaannut siunnersuineq.

·Innuttaasut, tapersersorteqarneq, paaqqinnittoqarneq, sullitanik nuutitsinermut teknikki pillugu sulisoqarneq, nappaatinik misissuineq, kingusissukkut qaratsakkut ajoquteqalertarneq allallu pillugit ilinniartitsineq.


Pingaartipparput illit:

·Susassaqarfimmut tunngatillugu piginnaanngorsaqqiinermik nalinginnaasumik soqutigisaqarlutillu misilittagaqarnissat.

·Sulinermik nuannarisaqarnissat innuttaasunillu suleqateqarnissat aamma pillorissaanikkut suliaqarnermik annertuumik misilittagaqarnissat.

·Namminersorlutit suliaqarsinnaanissat, suliffissannillu ilusilersuisinnaallutit pilersaarusiorsinnaassasutit.

·Isumassarsiullaqqissuunissat, iliuuseqarusussuseqartuunissat suliatigullu inissilluarsimasuunissat.

·Kulturit assigiinngitsut akornanni iliuuseqarsinnaanissat aamma ammasumik annertuumillu akunnermiliusissaassuseqarnissat.


Neqeroorutigaavut:

·Sungiusartarfik, allaffik aamma iluaqusersuutaasivik. Kommunimi sungiusaartarfiit sungiusaatinik atortulersorneqarsimapput, aamma sungiusarnermut atortut imaluunniit iluaqusersuutit allat akuersissutigineqarnissaannut periarfissaqarpoq.

·Suliassaqarfik meeqqanik aalaatsimikkut maluginiutimikkullu sungiusagassaniit inersimasunut / utoqqarnut timikkut, tarnikkut maluginiutitigut aamma / imlt. paasinittaatsikkut ataavartumik piginnaasakillisimasut pisariaqartitaat najoqqutaralugit allanngutsaaliinerlu siunertaralugu piginnaanngorsarlugit sungiusarnissaat.

·Kommunimi aamma peqqinnissaqarfimmi susassaqarfiit assigiinngitsut suleqatigiinnerat pitsaasoq aamma peqqinnissaqarfiup nammineq pillorisaasoqatigiivi.

·Ukiumut ataasiarluni nakorsat immikkut ilinniagallit soorlu isit nakorsaat, meeqqat nakorsaat, bandagistit (avatit amigaataannik sanasartut) allallu tikeraartarnerannut atatillugu peqataasarnissaq.

·Kommunip, peqqinnissaqarfiup kiisalu innarluutillit angerlarsimaffiata pillorissaasuisa akornanni pillorissaaneq pillugu tamakkiisumik ataatsimeeqatigiittarneq, periutsillu aalajangersimasut eqqartornissaat, misilittarnissaat ineriartortinnissaallu, sammisassallu immikkuullarissut pillugit siunnersiuineq.

·Kujataa pinngortitarsuuvoq alianaatsorsuaq, kulturikkut oqaluttuassartai pissanganartut innuttaasullu qamannga pisumik inussiarnersorsuit tikikkuminartullu.

·Suleqatit pitsaasut suleqatissaminnik nutaamik naapitsinissaminnut qilanaartut.


Kommune Kujalleq aamma Kujataani Peqqinnissaqarfik marluullutik pujortarfiunngillat.


Pineqaatissinneqarsimannginnermik uppernarsaat aamma meeqqanik innarliisimannginnermik uppernarsaat.

Pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput. Inatsit najoqqutaralugu uppernarsaatit pisariaqartinneqartut kommunip pissarsiarereerpagit aatsaat atorfinitsitsisoqassaaq, matumanilu kina atorfinitsissanerlugu naliliinermut atorneqassallutik.


Akissarsiat atorfinitsitaanermilu atugassarititaasut:

Naalakkersuisut aamma Pillorissaasut akornanni isumaqatigiissut qaqugukkulluunniit atuuttoq najoqqutaralugu pissaaq.


Inissiaq:

Atorfimmut atatillugu inissaqartitsineq neqeroorutigineqarsinnaavoq, matumanilu atorfinitsinneqartup malittarisassat qaqugukkulluunniit atuuttut najoqqutaralugit qularnaveeqqusiissut, ineqarnermut akiliut atuineq allallu nammineq akilissavai. Atorfininnermi erniinnaartumik ataavartumik inissaqatitsisoqassanngippat inatsisit atuuttut najoqqutaralugit utaqqiisigalugu inissamik neqerooruteqartoqassaaq.


Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq, minnerpaamillu ukiut pingasut atorfeqareernermi inatsit atuuttut malillugit soraarnermi angalanissamut pisattallu nassiunneqarnerannut akiliunneqarneq.


Atorfik pillugu paasissutissat sukumiinerusut pissarsiarineqarsinnaapput uunga saaffiginninnikkut: Peqqinissaqarfiup kujataani immikkoortuani peqqissaasunut aqutsisoq Inge Kolby Pedersen e-mail  ikc@peqqik.gl oqarasuaat  + 299 64 76 31 imaluunnit timikkut sungiusaasuunerugallartumut uunga: Pernille Hansen, e-mail peha@kujalleq.gl oqar. + 299 64 13 50 mobil nr. + 299 53 19 58.


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tunniunneqariissapput kingusinnerpaamik novembarip ulluisa pingajuat 2021.