Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Immikkoortortami aqutsisoq Angerlarsimaffik Uulineq

Namminersorlutik Oqartussat

Nuuk
18-11-2021
Piffissaq atuuffissaa naassaaq: 10-12-2021
Suliffissamut ID normut: LJA-82973833
Suliassaqarfik: Isumaginnittoqarfik

Angerlarsimaffik Uulineq tassaavoq meeqqanut, inuusuttunut inersimasunullu autismemik ajoqutilinnut ulloq unnuarlu paaqqinnittarfik.
Paaqqinnittarfik Nuummi najukkani sisamani inissisimavoq.
Immikkoortortaqarfimmi aqutsisutut atorfik Immikkoortortaqarfimmi Nigerlermi inuttassarsiorneqarpoq, taannalu immikkoortortaqarfiuvoq inersimasumit ataatsimit annertuumik tapersersorneqarnissamik pisariaqartitsisumit najorneqarpoq.
Immikkoortortaqarfimmi sulisut arfineq pingasut sulisorineqarput
Angerlarsimaffik Uulinermi aqutsisut tassaapput; pisortaq, pisortap tullia immikkoortortanilu aqutsisut pingasut.

Immikkoortortaqarfimmi aqutsisoq sulisunut immikkoortortaqarfimmillu ingerlatsinermut pingaarnertut aqutsisut suleqatigalugit aqutsisutut akisussaasuuvoq.
Immikkoortortami pisortaq pisortaqatigiit suleqatiginerisigut nikerartumik pigaartutut piareersimasutut (bagvagt) atorfeqartarpoq.

Piginnaasarineqartussat:

  • Perorsaasutut ilinniarsimaneq imaluunniit assigisaanik soorlu Sundhedassistent.
  • Ilassutaasunik attuumassuteqartunillu pikkorissarsimanissaq kiisalu ilinniaqqissimanissaq/ilinniarnermik nangitsisimanissaq
  • Atuagarsornikkut pisariaqartutigullu suliffeqarfiup sullitai pillugit ilisimasaqarnissaq
  • Allaffissornikkut piginnaasat
  • Allattariarsornikkut oqaluttariarsornikkullu saqqummiussillaqqissuuneq.

Sukumiinerusumik paasissutissat pillugit pisortaagallartumut Karen Larsen attavigineqarsinnaavoq uunga +299 342611 imaluunniit kkst@nanoq.gl

Atorfinitsitsinissamut oqaloqateqarnissat sapaatip akunnerani 46-imi ingerlanneqarnissaat naatsorsuutigineqarpoq

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.