Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Socialmedhjælper - Sullissivik Ukkusissat
Avannaata Kommunia
Uummannaq
10-01-2022
Piffissaq atuuffissaa naassaaq: 28-01-2022
Suliffissamut ID normut: LJA-83206168
Suliassaqarfik: Allat, Allaffik & allaffissorneq, Isumaginnittoqarfik
Sullissivik Ukkusissat isumaginninnermi sullissisussamik pissarsiorpoq 1. februar 2022 imaluunniit isumaqatigiissuteqarnikkut sulilertussamik. Qaninnertut qullersarissavaa Uummannami Innutaasunik Sullissivimmi Aqutsisoq. Isumaginninnermulli suliassat tungaasigut Inunnik Isumaginninnerup immikkortortaani aqutsisoq.
Isumaginninnermi sullissisup pingaarnertut suliassai tassaassapput:
- Suleqatigisartakkanik illup iluaneersunik avataanersunillu suliassaqarfiit assigiinngitsut pillugit suleqateqarneq
- Allaffissornikkut suliassat
- Pisortatigut ikiorsiissutit
- Sullitanik oqaloqateqarneq
- Inatsisit susassaqarfimmut atuuttut tunngavigalugit sullissinerit
- Meeqqanut/inuusuttunut, kiisalu ilaqutariinnik sullissinermut atatillugu siunnersuillunilu ilitsersuinerit
- Utoqqarnik sullissinermi, siusinaartumik pension-isialinnik innarluutilinnillu sullissineq
- A-bidrag
- Meeqqat tapii
- Erninermusiat
- Piffimmi pinaveersaartitsineq ataatsimiititaliamut allattaaneq
Atorfinittussamut kissaatigineqarpoq:
Qinnuteqartoq allaffissornermik misilittagalik, isumaginninnerulluunniit iluani ilinniarsimasoq piumaneqarpoq assersuutigalugu isumaginninnermi ikiortitut il.il.
Atorfimmik inuttaliiniarnermi nammineersinnaassuseq, ammasuuneq, allanngortitsinissamut aamma nutaaliorsinnaanermik piginnaaneqarneq pingaartinneqarput.
Akissaatit atorfinitsitaanerlu:
Atorfinitsitsineq akissaateqarnerlu pissapput qinnuteqartumut isumaqatigiissut atuuttut tunngavigalugu.
Atorfimmut atatillugu inissaqartitsisoqanngilaq.
Atorfik pillugu paasissutissat erseqqinnerusut Sullissvimmi Aqutsisumut Makkak Markussen-imut oqarasuaat 38 78 01 imaluunniit Inunnik Isumaginnittoqarfimmi aqutsisumut Makkak Jørgensen tlf: 38 78 49-imut saaffiginninnikkut pissarsiarineqarsinnaapput.
Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu kingusinnerpaamik nassiunneqassapput 28. januar 2022 Avannaata Kommuniata nittartangaani allagarsiussami ”Atorfik una qinnuteqarfigiuk” toorneratigut.