Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Afdelingsleder inden for handicapområde

Kommune Kujalleq

Qaqortoq
27-04-2022
Piffissaq atuuffissaa naassaaq: 27-05-2022
Suliffissamut ID normut: LJA-83569524
Suliassaqarfik: Aqutsineq, Allaffik & allaffissorneq, Isumaginnittoqarfik

Qaqortumi innarluutilinnut suliassaqarfimmi immikkoortortami aqutsisoq atorfik

ALLAGARSIUTEQQITAQ:


Qaqortumi immikkoortortaqarfimmi pisortatutatorfik Juulip aallaqqaataanniit 2022  imaluunniit isumaqatigiissuteqarnikkut inuttassarsiorneqarpoq.


Sullivik Kommune Kujallermi Inunnik Isumaginnittoqarfiup ataani inissisimavoq, immikkoortortarlu aaqqissuussaanikkut innarluutillit najugaqarfiini kiisalu sukisaarsaarfiit / sammisassaqartitsiviillu, innarluutilinnut ataqatigiissaarisup ataani inissisimalluni. 


Immikkoortortami aqutsisup suliassaa pingaarneq tassaavoq innuttaasunut annertuumik innarluutilinnut sunniuteqarluartumik tapersersuissalluni ikiuissallunilu, kiisalu innuttaasunit iluarisimaarinnittoqarnissaa innuttaasullu ikiuunnermi tamakkiisumik ataqatigiittoqarneranik misigitinnissaa.


Atorfiup imarisai ilaatigut makkuupput:

·Qaqortumi najugaqarfinni, najugaqatigiiffinni sullivimmilu nakkutigineqartumi ulluinnarni ingerlatsinerup ataqatigiissaarinerullu qulakkeernissaa

·Najugaqarfinni najugaqatigiiffinnilu tapersersortit suliaat nakkutigalugillu ataqatigiissarlugit

·Innuttaasut namminneq angerlarsimaffimminni tapersersortillit nakkutiginissaat taakkuninngalu ataqatigiissaarineq qulakkiissallugit

·Qinnuteqartoqartillugu kiffartuussinissamut periusissatut aalajangiunneqarsimasut naapertorlugit suliarineqartarnissaat qulakkiissallugit

·Ataavartumik angerlarsimaffimmi ikiortit ilinniartittuartarnissaat, kiisalu suliassaqarfiup qaffasinnerpaamik pitsaassusilerneqarnissaa ineriartortinneqarnissaalu qulakkiissallugit

·Orniguttarluni sulinissaq qularnaassallugu kiisalu inuit tapersersorteqartariaqartut pillugit assigiinngitsut suleqatigiinnerat ilisimasaqarfigissallugu

·Suliassaqarfiup iluani avataanilu suleqatigisat qanimut ataavartumillu suleqatiginissaat qulakkiissallugu

·Innarluutilinnik sullissisut ataqatigiissaarisuannut ukiumoortumik nalunaarusiortoqarnissaa qulakkiissallugu


Piginnaasatigut piumasaqaatit makku pigissagitit naatsorsuutigaarput;

  • Isumaginninnermi perorsaasutut assigisaanilluunniit ilinniagaqartutit
  • Aqutsisutut misilittagaqarluartuussasutit
  • Tapersersortinut ataqatigiissaarisutut misilittagaqarluartuussasutit
  • Nammineersinnaanermik akisussaaffimmillu suliassaqarfiup naammassisinnaanissaanut piginnaaneqartuussasutit aammalu isumassarsianik nutarterinissamillu piginnaasaqassasutit pilersaarusiullaqqissuussasutillu
  • Allaffissornikkut aningaasaqarnikkullu misilittagaqartutit, taamatuttaaq qarasaasialerinermik piginnaasaqartuussasutit
  • Attaveqarsinnaanermik oqariartuuteqarsinnaanermillu, kiisalu anguniagaqarsinnaanermik piginnaasaqartuussasutit
  • Sullissinermi oqartussaaffeqarfinni aalajangiinissamut misilittaqarsimassasutit, soorluttaaq kalaallisut qallunaatullu allassinnaallutillu oqalussinnaassasutit


Uagut neqeroorutigisinnaavavut;

  • Sullivik pissarsiffiulluartoq ilaatigut ulapaarfiusinnaasoq, suliassaqarfik ineriartortitsinikkut sunneeqataaffigisinnaasat
  • Kommune Kujallermi angerlarsimaffimmi ataqatigiissaarisut allat peqatigalugit inuttut ilisimasatigullu ineriartorfiusoq
  • Suliassaqarfimmi nammineersinnaaneq akisussaassuseqarneq aalajangeeqataasinnaanerlu


Meeqqanik pinerliisimannginnermut uppernarsaammik:

Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq.

Kommunip nalilersuinerani atorfimmi tassani kina ivertinneqassanersoq meeqqanik pinerliisimannginnermik uppernarsaat aalajangeeqataasussaavoq. 


Akissarsianut atorfinitsitaanermilu atugassarititaasut atorfinitsitaanerup nalaani Kalaallit Nunaanni Namminersorlutik Oqartussanut Kommuninut isumaqatigiissutit atuuttut naapertorlugit pissapput. 


Avataaniit tikittunut atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allammullu nuutsinneqarnerup nassataanik pigisanik nuussinermut aningaasartuutit akilerneqassallutik.


Innarluutilinnut sullissinermi ataqatigiissaarisutut siunnersorti Kathrine Kanuthsen e-mail; ankn@kujalleq.gl oqarasuaat 645360 imaluunniit immikkoortortami aqutsisoq Joan Gyllich oqarasuaat 61 41 29 jogl@kujalleq.gl  saaffigalugit paasissutissanik sukumiinerusunik atorfimmilu suliassat nassuiaataat pissarsiarineqarsinnaapput.


Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik maajip 27-iat 2022 nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”