Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Atuagaateqarfimmi pisortaq

Kommune Kujalleq

Qaqortoq
06-05-2022
Piffissaq atuuffissaa naassaaq: 29-05-2022
Suliffissamut ID normut: LJA-83589226
Suliassaqarfik: Allat, Allaffik & allaffissorneq

Atuagaateqarfimmi pisortaq


Qaqortumi Atuagaateqarfimmi Sungaartumi pisortatut atorfik 01. juli 2022 imaluunniit erseqqinnerusumik isumaqatigiissuteqarnikkut inuttassarsiorneqarpoq.


Atorfik Meeqqeriveqarnermut, Ilinniartitaanermut, Suliffeqarnernermut kiisalu Kulturimut Sunngiffimmullu ingerlatsivimmut atavoq, ingerlatsivimmilu pisortaq saaffigineqartassalluni.


Atuagaateqarfiup pisortaata saniatigut atuagaateqarfik ullup ilaa sulisartunik marlunnik sulisoqarpoq.


Qaqortumi atuagaateqarfiup ilinniarfiit makku sullissarai: Ilinniarnertuunngorniarfimmi ilinniartut, najugaq qimannagu ilinniartut, højskole, Majoriami atuartut, meeqqat atuarfianni atuartut kiisalu meeqqeriviit, meeraaqqeriviit, akuleriinnik ukiulinnut meeqqeriviit, atuareersut ornittagaat kiisalu sukisaarsaartarfik.


Atuagaateqarfiup pisortaata suliassai ilaatigut tassaapput:

  • Qaqortumi atuagaateqarfimmi aqutsineq
  • Innuttaasunut siunnersuineq
  • Ulluinnarni ingerlatsinermut missingersuutinullu akisussaaffik
  • Innuttaasunik atorniartartunillu sullissineq
  • Kommunip atuakkanik atorniarfiutaanut akisussaaffik
  • Atuakkanik misissuisarneq allanngutsaaliinerlu
  • Illumi namminermi suliassat
  • Atuagaatilerinermi qarasaasiakkut atortumut (Cicero) akisussaaffik; soorlu nutartertarlugu paasissutissartaalu isumalugit
  • Aaqqissuusinernik piareersaasarluni ingerlatsisarlunilu.


Naatsorsuutigaarput:

  • atuagaatilerisutut ilinniagaqarsimasutit
  • Siunnersuinermut kiisalu paasissutissanik allakkatigut oqalunnikkulu ingerlatitseqqinnermut pikkorissuusutit
  • Kujataani atuagaateqarfeqarnermik ineriartortitsinermut peqataajumasutit
  • kalaallit kulturiannik inuiaqatigiinnilu pissutsit akuliusimaffiginissaannut inuiaqatigiillu marluinnik oqaasillit inuuffiginissaannut kajumissuseqartutit
  • Kommunimi aaqqissuisartutut kulturikkullu pisunut peqataasartutut atuagaateqarfimmik isiginnittoq
  • namminersorsinnaassuseqartutit suleqatigiuminartuusutillu
  • ajornanngippat marluinnik oqaaseqartuusutit


Meeqqanik pinerliisimannginnermut uppernarsaat:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.


Akissarsianut atorfinitsitsinermullu atugassarititaasut atorfinitsitaanerup nalaani Namminersorlutik Oqartussat atorfinittussallu kattuffiata akornanni isumaqatigiissutit atuuttut naapertorlugit ingerlanneqassapput.


Avataaneersut suliffimmut atasumik inissaqartinneqarsinnaapput, malittarisassat atuuttut najoqqutaralugit ineqarnermut akiliutit allallu akilerneqassallutik. Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.


Atorfik pillugu paasissutissat sukumiinerusut pissarsiarineqarsinnaapput ingerlatsivimmi pisortaq Jesper Ryttov saaffigalugu, oqarasuaat 64 54 61 jert@kujalleq.gl.


Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut nassiunneqariissapput kingusinnerpaamik  maajip 29-anni 2022.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput ”