Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Oqalutsi Nutserisoq

Kommune Kujalleq

Qaqortoq
11-05-2022
Piffissaq atuuffissaa naassaaq: 21-05-2022
Suliffissamut ID normut: LJA-83601036
Suliassaqarfik: Allaffik & allaffissorneq

Oqalutsi nutserisoq

Kommunimi pisunut malinnaajuarfiusumik pingaarutilimmillu atorfeqarusuppit? Taamaappat taava Kommune Kujallermi oqalutsinngornissannut piukkunnarputit. Kommune Kujalleq Qaqortumi oqalutsisut nutserisutullu atorfik inuttassarsiorneqarpoq juulip aallaqqaataani 2022 isumaqatigiissuteqarnikkulluunniit atorfinitsinneqartussanik.

Atorfinitsinneqartussaq qitiusumik allattoqarfiup suliassaataanik suliaqarnerussaaq, tamakku makkuunerupput: tamanut saqqummiussassat, suliffiit nalunaarusiaat, assigisaallu. Aamma naalakkersuinikkut allaffissornikkullu ataatsimiittoqartillugu, innuttaasunik ataatsimiititsisoqartillugu, pisariaqarneralu naapertorlugu isumaginnittoqarfimmi il.il. oqaluttaasoqartassaaq. Tamakku saniatigut nutserisutut suliassat allat nalinginnaasut suliarineqartassapput.

Nutserissut SDL Translation Management Systemet nutsigassanut atorneqartarpoq pisariaqartitsinerlu malillugu atornissaa suliffimmi ilinniartitsissutigineqarsinnaalluni.

Suliassat nalinginnaasumik qaffasissuusarput tassami nutsigassat oqaluttaaffissallu annikinnerusut allaffissornikkut sulialinnit isumagineqartarmata.

Taamaammat atorfik inuttalerneqarusuppoq suleqatimik aalajaatsumik, soqutiginnittumik aammalu tamatigoortumik, oqaatsinik piumasarineqartunik piginnaanilimmik. Kalaallisut qallunaatullu oqaatsit pingaarnerupput, qinnuteqartulli nunat allat oqaasiinik, ingammik tuluttut, piginnaannillit pingaartinneqassapput.Qinnuteqartut pisortat ingerlatsiviiniit, aammalu inatsisinik aammalu atortorissaarutitigut tunngassutilinnik misilittagallit pingaartinneqarnerussapput.

Atorfiit allattoqarfimmi inissisimasuuvoq.Nutserisoqarfik ulluinnarni aqunneqarpoq nutserisuunermiit, allattoqarfimmi pisortamut atasuusumiit.

Sulisumut naleqquttumut atorfimmi suliassat pissanganartut amerlaqaat, atorfillu tigussagaani eqaatsuusariaqarpoq, suliffimmi politikkimik suliaqarfiusumi sulisinnaasariaqarluni, eqqissisimasariaqarluni aammalu uisanartoqalersillugu paatsiveerunnaveersaartariaqarluni. Pingaartorsiorfiunngitsumi atorfeqalernissaq neqeroorutigineqarpoq.

Aningaasarsiatigut atorfinitsitaanermilu atugassarititaasut isumaqatigiissut atuuttoq naapertorlugu pissapput.

Inissannik tunineqarsinnaavutit, malittarisassat atuuttut naapertorlugit ineqarnermut akiliut allallu akilerneqassallutik, soorluttaaq angalanermut nutsernermullu aningaasartuutit malittarisassat atuuttut naapertorlugit kommunimit isumagineqassallutik. Qaqortumi inissaqarniarneq pissutigalugu sivisuumik utaqqisoqarsinnaavoq.

Paasissutissat sukumiinerusut pissarsiarineqarsinnaapput nutserisoqarfiup pisortaanut Kelly Berthelsen, oqarasuaat 64 53 28 imaluunniit e-mail kebe@kujalleq.gl

 Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput maajip 21-iat nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”