Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Fagchef

Kommune Kujalleq

Qaqortoq
12-05-2022
Piffissaq atuuffissaa naassaaq: 02-06-2022
Suliffissamut ID normut: LJA-83606927
Suliassaqarfik: Meeqqat & inuusuttut, Aqutsineq, Allaffik & allaffissorneq

Paaqqinnittarfinni atuarfeqarnermilu sulianik Pisortaq


Paaqqinnittarfinnut, Ilinniartitaanermut, Suliffeqarnermut Kultureqarnermullu Ingerlatsivik meeqqeriveqarnermi atuarfeqarnermilu sulianik aqutsisussamik nukissaqarluartumik misilittagartuumillu pissarsiorpoq juulip aallaqqaataat 2022 sukumiinerusumilluunniit isumaqatigiissuteqarnikkut atorfinittussamik.

Sulianik aqutsisoq suliassaqarfiit taaneqartut ulluinnarni ingerlanneqarnerannut akisussaavoq, ingerlatsiviullu pisortaa qullersarissallugu, aammattaaq sulianik aqutsisoq ingerlatsiviup aqutsisoqatigiivinut ilaassaaq, taakku inuttaraat ingerlatsivimmi pisortaq, sulianik aqutsisut marluk kiisalu Majoriami aqutsisoq ataqatigiissaarisoq, taamaammat sulisussaq kommunimi suliassaqarfiit assigiinngitsut akornanni qassiitigut sulianut peqataasassaaq.
Kommunip fagchefit tamarmik sulinermut aallaavigisartagaat aqutsisutut tunngavissat suliarinikuuai.


SULIANIK AQUTSISUTUT ATORFIK
 Immikkoortortaqarfiup taassuma aqunneqarnissaanut atorfissaqartitsivugut sulianik aqutsisumik nukituuumik, aqutsinikkut suliassanik annertuunik soqutiginartunillu aallussisussamik kiisalu meeqqeriveqarnermi atuarfeqarnermilu suliassanik ilisimasalimmik.
Immikkoortortaqarfiup iluani aaqqissuussaanerup sannaanut suleqataanissannut periarfissaqassaaq immikkoortortaqarfiullu avammut kiinnertartoralutit sinniisorissavaatit.

Sulianik aqutsisutut akisussaaffiit pingaarnerit tassaavoq

  • Suleqatissanik tamanik peqateqarluni aqutsineq, ineriartortitsineq, ataqatigiissaarinerlu.
  • Suliatigut aningaasaqarnikkullu immikkoortortap ingerlanneqarneranut akisussaasuuneq ineriartortitsinerlu tassani Kalaallit Nunaanni meeqqat atuarfiannik kivitsisumik/KIVITSISA ineriartortitseqqinneq , meeqqeriveqarnikkut namminersorlutik oqartussat suliniutaat kiisalu kommuunimi aqutsinemut tunngaviusunik atuutilersitsineq
  • Politikkikkut tunaartarineqartut ingerlatsivimmi inerisarneqarnissaat, suliarisassanngornissaat atulersinneqarnissallu qulakkiissallugit
  • Ingerlatsiviup pisortai suleqatillu kinguneqarluartumik suleqatigalugit malunnartumik ingerlatsivimmi periusissat ataatsimoorussat qulakkiissallugit
  • Sulisut, suliatigut piginnaasat suliallu sulianullu tunngasut akornanni ataqatigiissumik pilersitsisoqarniassammat sulisut piginnaasaannik siuarsaanissaq qulakkiissallugu
  • Immikkoortortaqarfimmi ingerlatsisut assigiinngitsut akornanni ataqatigiinnissaat qulakkiissallugu


Tulliuttuni inuttut piginnaasat aamma suliaq pillugu tunuliaqutaqarneq naatsorsuutigaarput

  • Aqutsinermik naleqquttumik ilinniagaqarnissat / misilittagaqarnissat, ajornanngippat Nunatsinni pisortat suliffeqarfiini
  • Suliassaqarfimmi inatsimmik politikkikkullu aaqqissuussaanerup qanoq ingerlasarneranik ilisimasaqarluarnissat
  • Pitsaassaaq ilinniartitsisutut perorsaasutulluunniit ilinniagaqarsimaguit kiisalu paaqqinnittarfimmi atuarfeqarnermilu sulinermik misilittagaqarlutit
  • Aaqqissuussisinnaassuseqarnissat, misissueqqissaarsinnaanissat periusissiornikkullu tamakkiisumik isiginnissinnaanissat
  • Pingaarnertut missingersuusiornermut naatsorsuusiornermullu misilittagalik - tama-tumunnga aqutsineq
  • Inatsisinik suliaqarnermut misilittagalik
  • Siuttuunermik piginnaasalik
  • Ataqqinninneq tatiginartuunerlu
  • Suleqatit kajumissaarlugillu ilanngunnissaannut piginnaasalik
  • Atassuteqarsinnaaneq aamma pingaarnertut ineriartortitsinermi suliniuteqarsinnaaneq
  • Marluinnik oqaaseqartuuguit iluaqutaassaaq
  • Ajunngitsumik eqqarsartoq aamma sapiissusilik


Akissarsiat atorfinitsitaanermilu atugassarititat, tamatumunnga ilanngullugit atorfininnermi soraarnermilu akiliunneqarluni angalaneq aamma pisattat nuunnerinut akiliunneqarneq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit pissapput.


Avataaneersunik inissaqartitsisoqarsinnaavoq, malittarisassat atuuttut najoqqutaralugit ineqarnermut akiliutit allallu akilerneqartartussamik.


Atorfik pillugu paasissutissat sukumiinerusut pissarsiarineqarsinnaapput una saaffigalugu: Ingerlatsivimmi pisortaq Jesper Ryttov 64 54 61 imaluunniit på e-mail: jert@kujalleq.gl


Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit Kingusinnerpaamik juunip aappaat 2022 nittartagarput aqqutigalugu kommunimit tiguneqareersimassapput.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput