Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ledende terapeut (fys el. ergo) til Terapeuthus i Qaqortoq

Kommune Kujalleq

Qaqortoq
07-06-2022
Piffissaq atuuffissaa naassaaq: 17-07-2022
Suliffissamut ID normut: LJA-83694633
Suliassaqarfik: Allat

Suleqatigiinni pingasunik sulisulimmi aqutsisutut atorfik annikitsoq tigussallugu imminut unammiumavit? Ulloq 01.09.2022 aallarnerfigalugu isumaqatigiissuteqarnikkulluunniit timimik sungiusaasunut/pillorissaasunut aqutsisumik sapaatit akunneranut akunnerni 40-ni sulisartussamik pissarsiorpugut.

Qaqortumi pillorissaaviup sulisorai pillorissaasoq ullup affaani sulisartoq, pillorissaasut ikiortaat ataaseq kiisalu timimik sungiusaasut marluk. Timimik sungiusaasut aappaat aamma pillorissaasut aqutsisuattut atuutissaaq.

Qaqortoq aallaavigalugu sulisalissaatit, tassani najugaqassallutit ulluinnarnilu suliffeqassallutit.
Atorfimmut atatillugu kommunimi illoqarfinnut nunaqarfinnullu allanut angalasoqartassaaq.

Kommune Kujallermi Pillorissaasuni aqutsisutut suliamut ilisimasanik aallaaveqarnerulernikkut pitsaasumillu suliassalerinikkut pillorissaanermi suliat pitsanngorsaaqataaffigissavatit. Pillorissaavik allanngortiterileruttorpoq innuttaasunut sulisunullu iluaqutaasussaq pillugu pitsaanerusumik pisariinnerusumillu suliassat ingerlanneqartartussanngorlugit. Sulianik ataqatigiissaarisuussaatit suliarlu tamaat sunniuteqaqataaffigisinnaassallugu. Tamatuma saniatigut Pillorissaaviup illutaanik nutaamik sananissaq akuersissutigineqaqqammerpoq. Suliamut tassungattaaq peqataassaatit - illutap sunik imaqarnissaanik aalajangernermiit, naammassinissaanut pillorissaasoqatigiillu iserterlutik aallarnisarnissaannut peqataassaatit.

Kommunimi pillorissaaneq annermik tassaavoq utoqqaat innarluutillillu piginnaasaminnik allannguutsaaliinissaat siunertaralugu sungiusartitsisarneq kiisalu iluaqusersuutinik angerlarsimaffiullu ilusaata allanngortittariaqarneranik naliliinerit. Kommunimi sullissisut, isumagisarialinnik sullissisut, tapersersortit, Napparsimaveqarfimmi pillorissaasut kiisalu soorunami innuttaasut namminneq angerlarsimaffiini Pillorissaavimmilu suleqatigisassavatit. Innuttaasut sungiusarnissamut periarfissaannik pisariaqartitaannillu nalileeqataasassaatit, kiisalu iluaqusersuutip inilluunniit allanngortinneqarnerata innuttaasup ulluinnarni inuuneranut iluaqutaanerinik inuunermullu oqilisaataanissaanik nammineesinnaanerulernissaanillu nassataqassanersut nalileeqataaffigisassallugit.

Suliassat:

·Piginnaasanik allanngutsaaliilluni sungiusarneq, ataasiakkaanik eqimattakkuutaanillu.

·Angerlarsimaffimmik allannguinerit kiisalu iluaqusersuutinut tunngasut - qinnuteqarnermiit pisiniarnermut taavalu tunniussinermut.

·Iluaqusersuutinik pisiniarnerit, tunniussineq kiisalu iluaqusersuutit atorneqarnissaannik ilitsersuineq.

·Innuttaasunik, ilaqutaasunik aammalu akimortumik suleqatigiinnik ataatsimeeqateqartarneq.

·Innuttaasut ilaqutaasullu namminneq sungiusarnissaannut ilitsersuineq.

·Oqimaatsunik nuutsisarnerit, nappaatit, kingusissukkut qaratsakkut innarlersimanerit allalu pillugit innuttaasunik, tapersersortinik, inulerisunik, perorsaasunik ilinniartitsineq.

·Allaffissornikkut suliassat:

·Akissarsiat

·Aningaasaqarneq aamma missingersuutinik nakkutilliineq

Pingaartipparput illit:

·Innarluutilinnut utoqqarnullu tunngasunik assut soqutigisaqartutit ajornanngippallu misilittagaqartutit.

·Meeqqaniit utoqqarnut timikkut sungiusaanermik/pillorissaanermik annertuumik suliaqarneq nuannarigit.

·Namminersorlutit suliaqarsinnaasutit, suliffissannillu ilusilersuisinnaallutit pilersaarusiorsinnaassasutit.

·Assigiinngitsunik suliallit suleqatigilluarsinnaagitit.

·Tunniusimasuusutit, iliuuseqarusussuseqartoq suliatigullu inissilluarsimasutit.

·Kulturini assigiinngitsuniissinnaasutit.


Neqeroorutigaavut:

·Sungiusartarfik, allaffik aamma iluaqusersuutaasivik.

·Suliassaqarfik meeqqanik aalaatsimikkut maluginiutimikkullu sungiusagassaniit inersimasunut/utoqqarnut timikkut, tarnikkut maluginiutitigut aamma/imlt. paasinittaatsikkut ataavartumik piginnaasakillisimasut pisariaqartitaat najoqqutaralugit allanngutsaaliinerlu siunertaralugu piginnaanngorsarlugit sungiusarnissaat.

·Susassaqarfiit akimorlugit napparsimmavimmi pillorissaasunik suleqateqarneq.

·Kommunimi tamarmiusumi suliassaqarfiit akimorlugit suleqatigiinni peqataasarnissaq.

·Ukiumut ataasiarluni nakorsat immikkut ilinniagallit soorlu isit nakorsaat, meeqqat nakorsaat, bandagistit (avatit amigaataannik sanasartut) allallu tikeraartarnerannut atatillugu peqataasarnissaq.

·Pillorissaasoqatigiit assorsuaq ineriartortut

Inissaq:

Atorfimmut atatillugu inissaqartitsineq neqeroorutigineqarsinnaavoq, matumanilu atorfinitsinneqartup malittarisassat qaqugukkulluunniit atuuttut najoqqutaralugit qularnaveeqqusiissut, ineqarnermut akiliut atuineq allallu nammineq akilissavai. Atorfininnermi erniinnaartumik ataavartumik inissaqatitsisoqassanngippat inatsisit atuuttut najoqqutaralugit utaqqiisigalugu inissamik neqerooruteqartoqassaaq.

Malittarisassat atuuttut malillugit atorfininnermi angalanermut kiisalu pequtit assartorneqarnerat akiliussisoqassaaq, minnerpaamillu ukiuni pingasuni atorfeqareernermi malittarisassat qaqugukkulluunniit atuuttut malillugit soraarnermi angalanissamut pisattallu nassiunneqarnerannut akiliussisoqassalluni.

Pinerluuteqarsimannginnermut kiisalu meeqqanut pinerluuteqarsimannginnermut uppernarsaat:

Pineqaatissinneqarsimannginnermut aammalu meeqqanik innarliisimannginnermut uppernarsaatit inatsisitigut piumasarineqarput. Inatsit naapertorlugu uppernarsaatit, qinnuteqartunik naliliinermi atorneqartussat, pisariaqartinneqartut kommunip pissarsiarereerpagit aatsaat atorfinitsitsisoqassaaq. 

Akissarsiatiugut atorfeqarnermilu atugassarititaasut:

Timimik sungiusaasut akissarsiaqartinneqarput Kalaallit Nunaani Timimik Sungiusaasut/Fysioterapeuter i Grønlandaamma Kalaallit Nunaanni Naalakkersuisut isumaqatigiissutaat naapertorlugu.

Atorfik pillugu paasissutissat sukumiinerusut uunga saaffiginninnikkut pissarsiarineqarsinnaapput:

Pillorissaavimmi timimik sungiusaasut aqutsisuat:
Anja Mortensen, e-mail
anmo@kujalleq.gl, telefon + 299 64 13 50. 

Oqarasuaatikkut attaveqartoqarsinnaavoq Kalaallit Nunaata nalunaaqqutaa naapertorlugu 08:00 – 16:00 akornanni.

Qinnuteqaat suliarisimasanik, akuersissutinik ilanngussaajunnartunillu allanik ilallugit kommunimit tiguneqareersimassaapput kingusinnerpaamik 3/7-2022  nittartagarput aqqutigalugu.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatinnik nittartagaq aqqutigalugu PDF-inngorlugit kommunip nittartagaatigut nassiussinissat inussiarnersumik piumasarineqarpoq.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput