Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver Narsaq

Kommune Kujalleq

Narsaq
09-09-2022
Piffissaq atuuffissaa naassaaq: 02-10-2022
Suliffissamut ID normut: LJA-84015281
Suliassaqarfik: Meeqqat & inuusuttut, Allaffik & allaffissorneq, Isumaginnittoqarfik

Narsaq Meeqqanut, Inuusuttuaqqanut ilaqutariinnullu immikkoortortami nalunaarutiginnittoqartillugu tigisartutut suliaqarfik isumaginninnermut siunnersortimik pissarsiorpoq.


Atorfik inuttassarsiorneqartoq novembarip ulluisa aallaqqaataat 2022 aallarnerfigalugu isumaqatigiissuteqarnikkulluunniit piaarnerpaamik inuttalerneqassaaq. Suleqatitta pikkorissup nutaanik misilittagassarsiorluni qimanniarmatigut isumaginninnermi siunnersortimik nutaamik sulianik ataatsimut isiginnittartumik tunniusimasumillu pissarsiorpugut, taassuma Kommune Kujallermi nalunaarutiginnittoqartillugu tigusisarnissaq kingornalu tapersersuisoqartarnissaanik aaqqissuussinissaq uterfiginnittarnissarlu suliassat isumagisarissavai. Meeraq inuusuttuararluunniit angerlarsimaffiup avataanut inissinneqarsimappat suliaq sullissisussap allap tigussavaa.  

Naatsorsuutigaarput:

  • Isumaginninnermi siunnersortituttassungaluunniit attuumassutilimmut ilinniarsimasuusutit
  • Meeqqanut tunngasutigut aqutsinermut ukiuni qassiini misilittagaqartutit oqartussatullu sulinermut kajumissuseqarlutit
  • Meeqqanut tapersiisarnermut inatsit kiisalu ulloq unnuarlu inissitat pillugit inatsisit atuuttut allat ilisimasaqarfigilluaritit
  • Allakkatigut oqalunnikkullu attaveqallaqqissuullutit
  • Nutaanik aaqqiissutissanillu eqqarsartuusutit
  • Namminersorlutit sulisinnaassuseqartutit kiisalu angajoqqaat suleqatillu attuumassuteqartut suleqatigisinnaagitit
  • Marluinnik oqaasiliusutit (kalaallisut/danskisullu)

Nalunaarutiginittunik tigusisarnermi suliassat isumagisarissavatit, soorlu:

  • Nalunaarutinik tigusisarneq nalunaarsuisarnerlu
  • Nalunaarutinik tigusinermut atsiortarneq
  • Nalunaarutinik tiguneqartunik nalunaaqquttap akunnerisa 24-t ingerlaneranni naliliisarneq
  • Tusarniaanerit ingerlattarlugit
  • Meeqqanik oqaloqatigininnerit ingerlattarlugit
  • Attaveqarfiit ataatsimeeqatigineqarnerini ataqatigiissaarineq aamma peqataaneq
  • Isumagininnermi misissuinernik suliaqarneq
  • Iliuusissatut pilersaarusiorneq
  • Naliliinerit aalajangiinerillu suliarisarlugit
  • Ikiorsiiniutinik aallartitsineq
  • Innersuussisarneq soorlu ilaqutariinnik sullissivimmut
  • Allaatiginnittussaatitaaneq eqqortittassallugu kiisalu inatsisitigut nalunaarutitigullu piffissaliussaasut eqqortittassallugit.
  • Suliutigineqartunik malitseqartitsineq
  • Inissiinernut atatillugu aningaasanut tunngasortaanik naatsorsuineq
  • Qinnuteqaatinik tamanik meeqqanik tapersiisarnermut inatsit naapertorlugu suliaqarneq, soorlu ilaqutariittut paarsinissamut akuersissutit, inimut akiitsut aningaasanullu tunngasut allat.
  • Inatsisit atuuttut naapertorlugit suliassat isumagineqartassapput, tak. Meeqqanik tapersiisarnermut inatsit, pisortat suliassaannik ingerlatsinermut inatsit, suliassat suliarineqartarnerat pillugu inatsit
  • Suliat pillugit oqallinnernut kiisalu oqartussaqarfiit assigiinngitsut suleqatigiiffiannut sulianik innersuussisarneq
  • Ataatsimiititaliap innersuussutai kiisalu suliat oqaluuserineqarnerini aalajangikkat naapertorlugit suliareqqittassallugit (soorlu ikiorsiinissat inissiinissallu pillugit).
  • Isumaginninnermi Ataatsimiititaliamut innersuussiortassalluni

Pinerliisimannginnermut uppernarsaat/meeqqanik pinerliisimannginnermut uppernarsaat:

Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu kommunip pinerlussimannginnermik allagartamik tigusinerata kingorna aatsaat atorfinittoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut nutaaliornissamullu inissaqartitsiffiusoq.

Neqeroorutigisinnaavarput atorfik meeqqanut sullissinermi sunniuteqarnissamut, akisussaaqataanissamut ineriartortitsinissamullu periarfissalik. Atorfiup saniatigut, pingaartumik atorfimmut sunneeqataanissannut ilusilersuinissannullu periarfissaqalernivit saniatigut, kalaallit kulturiat pinngortitarlu qanimut misiginissaanut periarfissaqalissaatit.

Akissarsiatigut atorfimmilu atugassarititaasut pissapput Naalakkersuisut kiisalu Atorfillit Kattuffiata Isumaginninnermi siunnersortit suliassalerisullu Namminersorlutik Oqartussani kommuninilu atorfeqartut pillugit isumaqatigiissutaat

Atorfimmut atasumik inissaqartitsisoqarsinnaassaaq, tassungalu tunngatillugu malittarisassat atuuttut najoqqutaralugit ineqarnermut akiliutit allallu akilerneqassallutik.

Aammattaaq malittarisassat atuuttut malillugit sivikinnerpaamik ukiuni pingasuni atorfeqareersimanermi soraarnerup allamullu nuutsinneqarnerup nassataanik pigisanik nuussinermut aningaasartuutit akilerneqassallutik.

Atorfik pillugu kiisalu atorfimmi suliassanik nassuiaat pillugu annertunerusumik attavigineqarsinnaavoq Socialchef Nielsen Petersen e-mail nipe@kujalleq.gl

Qinnuteqaat pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri il.il. PDF-filinngorlugit kommunimut tunniunneqariissapput kingusinnerpaamik oktobarip ulluisa aappaat 2022uunga:

MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.

Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq