Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Socialrådgiver til Familiecenter i Maniitsoq

Qeqqata Kommunika

Maniitsoq
15-09-2022
Piffissaq atuuffissaa naassaaq: 30-10-2022
Suliffissamut ID normut: LJA-84034518
Suliassaqarfik: Meeqqat & inuusuttut, Isumaginnittoqarfik

Atorfik/ilaqutariinnik kiffartuussivik pillugu:
Qeqqata Kommuniani Ilaqutariinnut inerisaaviup pingaarnertut nalaassinerlunnerit kingunerluutaannik suliaqartarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu. Ilaqutariinnut inerisaaviup suliassaa tassaavoq, ilaqutariit tapersersorneqarnissaat qulakkiissallugu, taamatullu pisoqarsimatillugu ingerlariaqqinnissaannik ikiussallugit. Tamatuma saniatigut Ilaqutariinnut inerisaavik pinaversaartitsinernik suliaqarpoq, matumani ilaqutariit naartulernermiit tapersersorneqartarlutik. Maannakkut miljøarbejderit sisamat, isumaginninnermi perorsaasoq ataaseq, angerlarsimaffimmut pulaartartut marluk, tarnip pissusaanik ilisimasalik ataaseq kiisalu aqutsisoq sulisorineqarput. Sulisut akornanni qanimut suleqatigiinnissaq pingaartinneqarpoq, sulinermut inuttullu ineriartornissaq aamma ukkataraarput. Sulianut atatillugu sunniuteqarusukkuit, suleqataanissannut periarfissaqarputit.

Suliassat akisussaaffiillu:

  • Ilaqutariinnik ataasiakkaanik ilaqutariinnut siunnersuinissamik pilersaarusiornermut peqataaneq.
  • Meeqqanut ilaqutariinnullu Ilaqutariinnut inerisaavimmut innersuunneqarsimasunik siunnersuineq
  • Ilaqutariinnut inerisaavimmi Ilaqutariinnut siunnersueqataaneq, matumani ataasiakkaanut arlariinnullu ilaqutariinnut siunnersuineq ilanngullugu
  • Meeqqanut ilaqutariinnullu Ilaqutariinnut inerisaavimmit sullinneqartunut atatillugu pilersaarusioqataaneq suliniutinillu piviusunngortitsineq
  • Ilaqutariinnut inerisaavimmi suliatigut ineriartortinneqarneranut peqataaneq.

Piginnaasassat:

  • Isumaginninnermi siunnersortitut ilinniarsimasuusutit.
  • Ilaqutariinnut sullissinermik kiisalu siunnersuinermik qinnuteqartup misilittagaqarnissaa pingaartinneqarpoq. Tamannali piumasaqaataanngilaq, taamaattumillu ilinniakkaminnik naammassinneqammertut qinnuteqarnissamut tikilluaqqusaapput.
  • Suliatigut pikkorissuusutit.
  • Akisussaassuteqartutit, ammasuusutit suleqatikkuminartuusutillu.
  • Nammineersinnaassuseqartutit.
  • Marluinnik oqaaseqartuusutit, kalaallisut qallunaatullu, tamannali piumasaqataanngilaq

Akissarsiat atorfeqartitaanermilu atugassarititaasut:
Akissarsiat atorfinitsitaanermilu atugassarititaasut atorfininnerup nalaani Naalakkersuisut aamma Atorfilli Kattuffiata akornanni isumaqatigiissutit atuuttut malillugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Meeqqanik pinerliisimannginnermut uppernarsaat:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip meeqqanik pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarsinnaasoq, erseqqissaatigineqassaaq.

Atorfininnissaq isumaqatigiissuteqarnikkulluunniit pissaaq.

Paasissutissat pisariallit:
Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.

Atorfik pillugu paasissutissat annertunerusut, Ilaqutariinnut inerisaavimmi aqutsisoq Najaaraq Røddik oqarasuaatikkut +299 482585, e-mailikkut: naro@qeqqata.gl attavigineratigut pissarsiarineqarsinnaapput.