Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

En behandlingsleder til Familiecenter Qaqortoq

Kommune Kujalleq

Qaqortoq
20-09-2022
Piffissaq atuuffissaa naassaaq: 21-10-2022
Suliffissamut ID normut: LJA-84048438
Suliassaqarfik: Allat

Kommune Kujalleq Qaqortumi Ilaqutariinniik Sullissivimmi katsorsaanermi aqutsisumik pikkorissumik tunniussimasumillu pissarsiorpoq.

Kommune Kujalliup Qaqortumi kiisalu illoqarfinni allani marlunni Nanortalimmi Narsamilu Ilaqutariinnik katsorsaanermi suliniutit Qaqortumi Ilaqutariinnik Sullissivimmut kiisalu Nanortalimmi Narsamilu Ilaqutariit Illuinut katersorneqarsimapput. Ilaqutariinnut inunnullu ataasiakkaanut katsorsaanerit perorsaanikkullu suliat assigiinngitsut neqeroorutigineqartarput, soorlu; Katsorsaalluni inunnut ataasiakkaanut eqimattanullu oqaloqatiginninnerit, angajoqqaanut tapersersuiffiusumik oqaloqatiginninnerit, ilaqutariinnut siunnersuinerit, meeqqanik oqaloqatiginninnerit, inuusuttunut siunnersuineq, ilaqutariittut ineriartornermut pikkorissarnerit, ammasumik siunnersuineq, sakkortuumik pisoqarnerani tarnikkut ikiuinissamut upalungaarsimasut kiisalu tamatuma saniatigut napparsimaveqarfik suleqatigalugu siusinaartumik suliniuteqarneq kiisalu angajoqqaanngortussanut angajoqqaanulluunniit immikkut tapersersortariaqartunut ilitsersortariaqartunullu angerlarsimaffik katsorsaaviusoq.

Suliffiup inissisimaffia Qaqortumik ilaqutariinnik sullissivimmiippoq, taannalu isumaginninnermut oqartussat ataanni iliuuseqarfiuvoq, katsorsaanermullu aqutsisup ilaqutariinnik sullissivimmi aqutsisoq qullersarissallugu.

Ilaqutariinnik Sullissivimmi katsorsaanermi aqutsisutut suliffimmi sulisut atukkatigut suliatigullu ineriartornissaat pingaartinneqartosorujussuarmi peqataalissaaq. Tamatuma peqatigisaanik katsorsaanermut aqutsisoq ilaqutariinnut neqeroorutinut sunniuteqarsinnaassaaq kiisalu Kommune Kujallermi ilaqutariinnut ilungersunartorsiortunut allanngueqataasinnaassalluni.

Atorfik nutaajuvoq taavalu 1. december 2022-miit imaluunniit erseqqinnerusumik isumaqatigiissuteqarnikkut inuttalerneqarsinnaassalluni.

Akisussaaffeqarfiit:

  • Katsorsaanermi isumaginninnikkullu perorsaanermi ilaqutariinnut ilaqutariinnut sullissivimmut innersuunneqarsimasunut suliniutini katsorsaanermut akisussaaffik.
  • Ilaqutariit sullitassanngortinneqarsimasut, ilaqutariinnik sullissiviup neqeroorutaanut attuumassutillit katsorsarneqarnerannik ikiorserneqarnerinillu isumaginninneq
  • Aqutsisoq suleqatigalugu katsorsaanikkut aamma isumaginninnermi perorsaanikkut suliassaqarfimmi sulisunik suliatigut ineriartortitsinerit qulakkiissavatit.
  • Ulluinnarni katsorsaanernik suliat ataqatigiissaarlugit aamma ulluinnarni sullitassatut innersuussat pillugit suleqatit allat isumasioqatigalugit.
  • Katsorsaavimmi suliat ingerlanneqartut pitsaassusissaat qulakkeerlugu, tassunga ilanngullugit katsorsaanermut pilersaarutit katsorsakkallu allattorsimaffiinik nutarterinerit.
  • Sullissivimmi aqutsisup sulinnginnerani paarlattaasartoq

Ilinnut tunngasut:

Matuma ataani allassimasut amerlanersaat ilinnit naatsorsuutigaavut:

  • Psykologitut assingusumilluunniit ilinniagaqarsimassasutit
  • Ilaqutariinnik sanngiitsunik katsorsaanermik siammasissumik ilisimasalik misilittagalillu, ajornanngippat Kalaallit Nunaanni.
  • Inuttut suliatigullu piginnaaneqarluarputit sunniuteqarsinnaassuseqarluarlutillu.
  • Suliassanik aaqqissuussillaqissuuvutit, ataqatigiissaarillaqqissuullutit ingerlatitseqqillaqqittuullutillu
  • Allattariarsornikkut oqaaseqatigiiliullaqqipputit
  • Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarlutillu piginnaasaqarfigivat.
  • Tamatigoortuusutit suleqatikkuminarlutillu.
  • Suliffeqarfimmi ineriartorfiujuartumi sulinissamut soqutiginnittutit.

Neqeroorutigaavut:

  • Suliffik pissangarnartoq, assigiinngitsunik assoroornartunik siunertaqarfiusoq.
  • Suliffik pitsaasumik illutalik atugarissaarfiusorlu.
  • Suleqatit pikkorissut tunniusimasullu.
  • Aqutsisutut inuttullu ineriartornissamut periarfissat pitsaasut, taassuma ataani pikkorissarnerit attuumassuteqartut.
  • Oqaloqatiginnilluni oqilisaassineq
  • Sulisunut inissiat kajungernartut.

Pineqaatissinneqarsimannginnermut aamma meeqqanik pinerliisimannginnermut uppernarsaatit:

Atorfik taanna meeqqanik pinerliisimannginnermut aammalu pineqaatissinneqarsimannginnermut uppernarsaammik peqartussaatitaaneq pillugu inatsit naapertorlugu piumasaqaatitaqarpoq. Inatsit naapertorlugu pinerluuteqarsimannginnermut uppernarsaat kommunimit tiguneqareerpat, aatsaat atorfinittoqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat Rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq isumaqatigiissutigineqassammat.

Meeqqanik pinerliisimannginnermut uppernarsaat kommunimit akuersissutitalik pineqassaaq, qinnuteqartup Politiinit pissavaa.

Akissarsiatiugut atorfeqarnermilu atugassarititaasut:

Kalaallit Nunaanni Naalakkersuisut kattuffiullu allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq

Sapaatip akunneranut 40-timit suliffiupput.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il il akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussatillugu utaqqisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akilerneqartussaasumik. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.

Annertunerusumik atorfimmut tunngatillugu paasisaqarusukkuit uunga attaveqarlutit paasisaqarsin- naavutit, Ilaqutariit Sulliviani Qaqortumiittumi pisortamut Jakob Noahsen e-mail: jano@kujalleq.gl oqarasuaat: +299 64 54 20

Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput Oktoberi 21-at 2022 nittartagarput www.kujalleq.gl aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq