Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genoslag Aasiaat - Alderdoms- og Plejehjemmet søger 1 aktivitetsleder

Kommune Qeqertalik

Aasiaat
22-09-2022
Piffissaq atuuffissaa naassaaq: 13-10-2022
Suliffissamut ID normut: LJA-84055785
Suliassaqarfik: Isumaginnittoqarfik

“KPAS” tassaavoq Kommunep ataatsimoorussamik utoqqarnik ikiortariaqartunillu paaqqinnittarfia angerlarsimaffimmilu ikiorteqarfiutingisoq, Utoqqaat illuanni ineqartut angerlarsimaffimmilu ikiorteqarfimmit ikiortakkat sullippagut.

Utoqqaat illuanni 35-inik inissaateqarpugut, ini ataaseq qasuersaarfittut naatsorsuussaavoq, immikkoortortanut 3-nut aggulunnikuuvoq, gr. 1 puiguttortut ineqarfigivaat, gr. 2 ikiortariallit ineqarfigivaat, gr.3 sapinnginnerulaartut ineqarfigalugu. Immikkoortortat aggulunnerat tamakkiisumik immikkoortortatut ingerlanngillat.


Ulluinnarni suliassat akisussaaffiillu

- Aqutsisoq pingaarnertut ulluinnarni inunnut ataasiakkaanut, ataatsimoorussamillu sammisassaqartitsinermi pilersaarusiornissamut, ingerlatsinissamut, ineriartortitsinissamut naliliinissamullu akisussaasuuvoq. Forstanderi ningiutut qaninnertut inissisimavoq

-Assassortitsineq, sanalutsitsineq, erinarsortitsineq, atuffassineq, pisuttuarneq il.il.

-Ineqartut piginnaasaannik ataavartitseqataaneq

-Sullitanut tunngatillugu inuunerup oqaluttuassartaannik sanarfeqataaneq

-Suleqatigiinnermi suliffimmilu ineriartortitseqataaneq

-Ukiumoortumik pisussanik pilersaarusioqataaneq

-Sammisassaqartitsivimmi atortunik ingerlatsineq, piniarneq

-Suliffeqarfiup iluani illoqarfimmilu peqatigiiffinnik suliffeqarfinnik, kajumissutsiminnik suliaqartunik assigiinngitsunik suleqateqarneq

-Ullutsinni malinnaatitsineq

-Kaffesortitsinermi akisussaaqataaneq


Naatsorsuutigaarput

Ulluinnarni sammisassaqartitsinermi suliassatit eqaatsumik namminersuutigalugit piareersarsinnaassagitit, sulinerni ujartuisuussasutit, anguniagaqarluni ingerlatsinikkut, suliassallu tungaatigut ujartuisuussasutit

-Qajannaattumik suliffimmi unammillernartumik akisussaaffimmik paarsisinnaasutit ulapaarfimmilu sulissaallutit sapissanngikkit.

-Sullitaq qitiutillugu pitsaasumik inuuneqarnissaat pillugu sulerusussuseqassasutit.

-Utoqqarnik, puiguttortunik, innarluutilinnillu sullissinissamik nuannarisaqartuunissat soqutingisaqarnissallu

-Ineriartornermi suleriutsit ilusilernissaannut maligassiuisuussasutit, siunnerfeqarlutillu suleqatigiinnissamut nutaaliorsinnaassassutit, pioreersunillu ingerlatitseqqiisinnaassasutit, Kalaallit Nunaanni pissutsinut naleqquttunik, sullitallu ataasiakkaat inissisimaffiat eqqarsaatingalugu.

-Qarasaasiakkut suliaqarsinnaasutit

-Kalaallisut oqaaseqartuusutit

-Timikkut tarnikkullu peqqissoq


Akissarsiat atorfininnermullu pissutsit

Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.

Atorfik isumaqatigiissutit atuuttut malillugit akissaateqartinneqassooq.

Ulluinnarni nal. 8-16 suliffiuvoq, pisariaqartitsineq naapertorlungu weekendini sapaassuarnilu sulineq.

Atorfinititsineq aatsaat pissaaq ”pisortatigoortumik pillagaasimannginnermut uppernarsaat” naammaginartoq pigineqarpat.


Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.


Inissaq:

Atorfimmut atatillugu inissamik innersuussisoqarsinngilaq.


Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. ”Atorfik una qinnuteqarfigiuk” toorlugu ikkunneqassapput.

 

Qinnuteqaat ilinniagaqarsimanermik, siornatigullu sulisimanermik paasissutissartalik, soraarummeersimanermut uppernarsaatitalik, ilaalu ilanngullugit, qinnuteqaateqarnissamut piffissarititaasup qaangiutinnginnerani ulloq 13. oktober 2022, Kommune Qeqertalimmit tiguneqareersimassaaq.

Qinnuteqaatit nassiunnerini ajornartorsiuteqaruit hr@qeqertalik.gl attavingiuk.


Atorfik pillugu annertunerusumik paasiniaasoqarsinnaavoq, uunga saaffiginninnikkut Pisortaq: Ningiuuneq Henriette Johansen hejo@qeqertalik.gl. Oqarasuaatikkulluunniit 894757-mut.


KOMMUNE QEQERTALIK PILLUGU

Kommune Qeqertalik 6.500-t missaanniK innuttaqarpoq, taakkua kommunimi illoqarfinnut nunaqarfinnullu siammarlutik najugaqarput. Kommune sisamanik illoqarfeqarpoq arfineq-pingasunillu nunaqarfeqarluni. Illoqarfiit: Aasiaat, Qasigiannguit, Qeqertarsuaq, Kangaatsiaq. Nunaqarfiit: Niaqornaarsuk, Attu, Ikerasaarsuk, Akunnaaq, Iginniarfik, Ikamiut, Kitsissuarsuit, Kangerluk.

Aasiaat pillugit: 

Kommune Qeqertaliup qullersaqarfia Aasianniippoq. Aamma Avannaata Ilinniarnertuunngorniarfia (GUX) Aasianniippoq. Ukiup ingerlanerani ukiumut pisartunik aaqqissuussisoqartarpoq, ukunannga: Midnight Sun Marathon, Nipiaa Rock Festival

MALINNAAVIGITIGUT

Kommunip nittartagaatigut: www.qeqertalik.gl

Facebookimi quppernerput aqqutigalugu: https://www.facebook.com/Kommune-Qeqertalik-243043503252446

LinkedIn-imi quppernerput aqqutigalugu https://www.linkedin.com/company/kommune-qeqertalik/ 

Aasiaat https://www.linkedin.com/showcase/aasiaat/