Børnehaven Nuka Kangerlussuaq søger en leder

Meeqqerivik Nuka Kangerlussuarmi atuarfiup, kommunip allaffiata aammalu timersortarfiup naluttarfiullu eqqaani inissisimavoq. Nuka meeqqanut affarmit arfinillit tikillugit ukiulinnut 44-nut inissaqarpoq.

Meeqqerivik ininut pingasunut aggulugaavoq, Norrakkut affarmit marluk tikillugit ukiullit, aammalu Ukaliakkut marlunnit sisamat tikillugit ukiullit, Umimmakkut sisamanit arfinillit tikillugit ukiullit, init tamarmik sinittarfeqarlutillu pinnguartarfeqarput, tamatuma saniatigut ataatsimoorfimmik inersuaqarpoq.

Sulisut: aqqaneq-marluk ima agguataarneqarlutik. Aqutsisoq 1, tullersorti 1, perorsaasut 2, meeqqerisut isumaginninnermilu ikiortit 3, perorsaanikkut ikiortit 3, nerisassiornermi eqqiaanermilu ikiorti 1.

Paasissutissat pineqarsinnaapput:

Meeqqeriviup allaffeqarfiani pisortaq Navarana Lennert 84 74 02

E-mail: nava@qeqqata.gl

Suliassat akisussaaffiillu:

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 16, 3. december 2012-meersoq malinnaavigineqarnissaanut akisussaaqataassaatit, tamatumalu saniatigut Qeqqata Kommuniata nittartagaani nassuiarneqarnikuusut, Qeqqata Kommuniata politikkikkut takorluugaat, Meeqqanut Inuusuttunullu politikki, perorsaanikkut anguniakkat malillugit sulissallutit.

Paaqqinnittarfiup kulturianut meeqqat sunniuteqarsinnaanerat tunaartaralugu ulluinnarni ileqqoqarnikkut/piffissamik ilisimaarinninnikkut aammalu naatsorsoruminartuunikkut ulluinnaat ingerlanniarsarisarpagut. Ataatsimoorluta paaqqinnittarfiup Nukap atuisunut tamanut peqqinnartuutinnissaa ineriartortuunissaalu pingaaruteqarpoq. Taamaattumik suliffimmi pissutsit assut pingaartippavut.

Nukami naleqartitavut makkuupput:

• Akuersaartumik perorsaariaaseq
• Pinngortitaq perorsaatitut atorlugu
• Assigiinngissuseq pillugu meeqqat ataqqinnissinnaanissannik ilinniartillugit
• Meeqqanut toqqissisimaneq ineriartornermut inissaqartitsisoq pilersissallugu

Neqeroorutigisinnaavarput:

• Suliffik akisussaassuseqarfigisinnaasat sunniuteqarfigisinnaasallu
• Suliffik pisoqarfiusoq avatangiisit kusanartorsuit atorlugit
• Inini naleqquttunik suliaqarnerit suleqatillu akornanni suleqatigiilluarsinnaaneq
• Pikkorissarnernut ilinniagaqarnissamullu peqataasinnaaneq
• Angajoqqaat akuulluartut meeqqallu inequnartut

Naatsorsuutigaarput:

• Perorsaasutut, isumaginninnikkulluunniit ikiortitut ilinniarsimasuusutit
• Nutaanik pilersitsisinnaasutit
• Aallartitsisinnaassuseqarlutillu akisussaaffimmik tigusisinnaasutit
• Suliarput pillugu perorsaanermut tunngasunik oqalliseqataanissannik piumassuseqartutit
• Meeqqanut killiliisinnaasutit
• Meeqqanut, sulisunut angajoqqaanullu inussiarnersuullutit ajunngitsumillu iliuuseqartartutit
• Tamakkiisumik isiginnissinnaasutit isumassarsiullaqqillutillu
• Suliffinnut aalajaatsuusutit kajumissuseqartutillu
• Suliannut akisussaassuseqartutit tunniusimallutillu
• Suleqatigiinnissamut pingaartitsisuusutit suleqatikkuminartutillu
• Suliamik aallartitsisinnaasutit nutaamillu eqqarsarsinnaallutit
• Qiimasoq/ uummaarissoq aamma nuannaartoq
• Kalaallisut qallunaatullu oqalussinnaasoq
• IT/ qarasaasiamut piginnaasaqartutit
• Suliniutinut nutaanut ammasuusutit saaffikkuminartuusutillu
• Nersuerpalaartuusutit akuersaarpalaartumik perorsaaniarnermi isiginnittariaaseqartutit.
• Piffissamik eqquisuusutit

Neqeroorutigissavarput

• Akissarsiat atorfeqartitaanermullu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.
• Pisortap tullianut perorsaasumullu inissamik innersuussisoqarsinnaavoq, malittarisassat sukkulluunniit atuuttut malillugit akilerneqartartussamik.
• Timigissartarfimmillu akeqanngitsumik atuisinnaaneq
• Sulernermi atugassarititaasut pitsaasut
• Suleqatit angajoqqaallu suleqatigiilluartut
• Suleqatit pitsaasut

Pineqaatissinneqarsimannginnermut aammalu meeqqanut pinerluuteqarsimannginnermut uppernarsaat:

Atorfik matumani pineqartoq pinerluuteqarsimannginnermut meeqqanillu pinerluuteqarsimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissarsiat, atorfinitsitaanermilu atugassarititaasut:

Akissarsiat atorfeqartitaanermilu atugassarititaasut Namminersorlutik Oqartussat, Nunatsinni Perorsaasut Kattuffiat (NPK) imaluunniit kattuffiup isumaqatiginninniarsinnaatitaasup susassaqartup akornanni isumaqatigiissut atuuttoq naapertorlugu pissapput.

Ulloq aallartiffik: Februarip aallaqaataa 2023 isumaqatigiissuteqarnikkulluunniit.

Qaammatini pingasuni misiligummik atorfinitsitsisoqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassalluni. Atorfineqqaarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarnissamik pisinnaatitaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il.il. akiliuteqartoqartassalluni.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Attavissat:

Atorfik pillugu erseqqarinnerusumik paasisaqarusukkuit uunga saaffiginnissinnaavutit: Meeqqeriviup allafeqarfiani pisortaq Navarana Lennert tlf: 867402 nava@qeqqata.gl