Aasiaat - Alderdomshjem søger en ernæringsassistent

Aasianni Utoqqaat Illuani iggavik 1-mik nerisassiortutut ilinniagalimmik/Ernæringassistent pissarsiorpoq Atorfiniffissaq: 1. December 2023 isumaqatigiinnikkulluunniit

”KPAS” Kommunemi paaqqinninnikkut ataatsimoorussamik sullissivik, utoqqarnik ikiortariaqartunillu paaqqinnittarfk angerlarsimaffimmilu ikiorteqarfik katigussaq iggavimmi nerisassiortutut ilinniagalimmik 1-nik  pissarsiorpoq.

Igaffiup ulluinnarni akisussaaffigaa najugaqartunut aaliangersimasunut 35-nut qasuersertoq 1- ilanngullugu, kiisalu 20-t missaanni avataani najugalinnut nerisitsisarneq.

Iggavimmi 8-nik sulisoqarpoq souschef ilanngullugu, flexjob-ertoq ataaseq, lærling-i ataaseq iggavimmilu aqutsisoq.

Ulluinnarni suliassat akisussaaffiillu:

Nammineersinnaaneq ulluinnarni iggavimmi suliassanut, nerisassiornerit, iffiornerit eqqiaanermillu isumaginnissinnaasumik.

·Utoqqaat nerisaqarnermikkut ileqquat, assigiinngisitaarnerat ataqqillugu peqqinnartunik assigiinngisitaartunillu nerisassiorneq, nappaatit assigiinngittut eqqaersaatingalugit nerisassiorneq, puiguttorneq eqqarsaatingalugu sullissilluarneq.

·Tunngaviusumik eqqiluisaarnermik malittarisassanik malinninnermi qulakkeerineq

·Akisussaaffimmik takutitsineq, ulluinnarni suliassanik allanik ujartuineq, ineriartortitsineq

·Ineqartunut atuisunullu sassaalliineq sullaarinneq, inussiarnersuuneq avammullu kiinnerneq

Naatsorsuutigaarput:

·Attaveqarluarsinnaasutit oqaloqatigiinnermi allannermilu, tamatigoortuusutit, aalaakkaasutit oqarsinnaallutit, suleqataalluartuusutit utoqqaallu illuatalu maleruaqqusaat malillugit suliaqarsinnaasutit, suliassallu assigiinngisitaartut illup iluani suleqatit peqatingalugit suliarineqartartut peqqataaffingilluarsinnaagitit, allanik ilinniarsimasalippassuarnut suleqateqarsinnaasoq.

·Ineqartunut qanigisaasut ilaqutaasullu suleqatingilluarsinnaagitit, kaffillernerni (nalliuttuni ilisinernilu)

·Atorfimmi inuttullu ineriartornissat ammaffingalugu peqataasutit

·Suleqataalluartutit suleqatikkuminartutit

Akissarsiaqartitsineq atorfinitsitinerlu:

Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.

Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfinititsineq aatsaat pissaaq ”pisortatigoortumik pillagaasimannginnermut uppernarsaat” naammaginartoq pigineqarpat.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Qinnuteqaat ilinniagaqarsimanermik, siornatigullu sulisimanermik paasissutissartalik, soraarummeersimanermut uppernarsaatitalik, ilaalu ilanngullugit, qinnuteqaateqarnissamut piffissarititaasup qaangiutinnginnerani ulloq 27. oktober 2023, Kommune Qeqertalimmit tiguneqareersimassaaq.

Qinnuteqaatit nassiunnerini ajornartorsiuteqaruit hr@qeqertalik.gl attavingiuk.

Atorfik pillugu annertunerusumik paasiniaasoqarsinnaavoq, uunga saaffiginninnikkut Pisortaq: Henriette Johansen hejo@qeqertalik.gl. Oqarasuaatikkut 894757-mut. Imaluunniit iggaviup ningiuanut Juliane K. Karlsen julk@qeqertalik.gl. Oqarasuaatikkut 894734.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.