Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Namminersorlutik Oqartussat

KTI Oqaatsinik Pikkorissaavik danskisut aamma tuluttut ilinniartitsisumik Oqaatsinik Pikkorissaanermut ataatsimik sulisussarsiorpoq

Namminersorlutik Oqartussat

Sisimiut
16-11-2023
Piffissaq atuuffissaa naassaaq: 09-12-2023
Suliffissamut ID normut: LJA-85100479
Suliassaqarfik: Atuartitsineq & Meeqqerineq

Danskisut aalajangersimasumik ilinniartitsisorput nutaanik unamminartunik suliassarsiormat danskisut aamma tuluttut ilinniartitsisussarsiorpugut annerpaamik danskisut tunngasunik akisussaaffeqartussamik, sukumiisumik pikkorissartitsinernut ilinniartitserusuttumik aamma atortunik nutaanik pikkorissakkatsinnullu pikkorissariaatsinik nutaanik ineriartortitsinissamut qunujaanngitsumik sulisussarsiorpugut. 

Atorfimmi aallartissaaq: januaarip 15-ni 2024 imaluunniit isumaqatigiissuteqarnikkut.

Atorfik pillugu
Oqaatsinik Pikkorissaavimmi ilinniartitsisutut illit oqaatsinik ilinniartitsinermi isumassarsillaqqissuseq qitiutippat. Danskisut aamma tuluttut pikkorissartut inersimasuupput oqaatsitigut piginnaasaqarnerminnik qaffassaarusuttut amerlanertigullu kalaallisut inunnguutsiminnik oqaaseqartuullutik. Taamaattorli danskisut pikkorissarnerni pikkorissartuutitta nunanit assigiinngitsuneertartut amerliartorput. 
Iluaqutaassaaq kalaallisut oqalussinnaaguit, kisianni tamanna piumasaqaataanngilaq.
Ilinniartitsisutut illit pikkorissartitsinerit pineqartut atortullu pillugit nutaamik eqqarsariartaaseqarnissamut ineriartortitsinissamullu periarfissaqassaatit, kiisalu tamatigoortumik oqaatsinik ilinniartitsineq allattarfissuarmik taamaallaat tunngavilersuinertaqanngitsoq misilissavat.
Suliffigisassaq pingaarneq tassaavoq Sisimiut, kisianni Kalaallit Nunaat tamakkerlugu sulliffigisaratsigu atorfimmut atatillugu angalasarnissamut piffissaq atortariaqartassaaq.
Immikkoortortaqarfik aqutsisoqarpoq/kalaallisut ilinniartitsisoq, allaffimmi kontorfuldmægtigeqarluni, kiisalu ilinniartitsisut avataani inissisimasut aalajangersimasumik amerlassuseqartut. Illit tassa suleqatigiinni ikittuusuni, sullerissuusunili,  ilaalissaatit, tassani suleqatigiinnerup aamma ilinniartitsinermi pitsaassutsip qaffasissuunissaanik qitiutinneqarluni, oqaatsillu pillugit fagini sorlerni ilinniartitsisuuneq apeqqutaatinnagu suleqatigiinneq pitsaassutsimut piumasaqaataalluni.

Kissaatigaarput
  • Illit tulluartumik ilinniagaqartuunissat, soorlu assersuutigalugu danskit oqaasiinik akademiskiusumik ilinniagaqarneq imaluunniit ilinniartitsisutut ilinniagaqartuuneq danskit oqaasiinik pingaarnertut immikkut ilinniagaralugit
  • Illit pisariaqartitsisoqartillugu tuluttut pikkorissarnerni ilinniartitsisarsinnaanissannut periarfissaqassaatit
  • Inersimasunik ilinniartitsinermik misilittagaqartuuneq, aammalu oqaatsinik allanik ilinniartitsinermik misilittagaqarneq iluaqutaassaaq
  • Oqaatsinik ilinniartitsinermi atortussanik ineriartortitsinermik misilittagaqarneq soqutiginninnerlu
  • IT/multimedienik misilittagaqarneq soqutigisaqarnerlu
  • ungasianit ilinniartitsinermik soqutigisaqarneq aamma misilittagaqarneq iluaqutaassaaq
  • Illit fagivit ineriartortinnissaa akisussaaffigerusussavat, soorlu assersuutigalugu pikkorissarnissanik nutaanik ineriartortitsinermut
  • ilinniartitsisunik allanik qanimut angusaqarfiulluartumillu suleqateqarnissamut ammasuuneq
  • oqaatsinik ilinniartitsinerup allatut aamma allattarfissuaq kisiat atornagu ilinniartitsinissamut soqutiginninneq
  • Angalanermut piffissamut atatillugu allanngortoqariasaarnissaanut piareersimaneq aamma sinerissami pikkorissarnernut atatillugu najukkani ataasiakkaani pissutsinut
  • kalaallisut oqaaseqartuunngikkuit kalaallisut ilinniarnissamut piareersimaneq
Neqeroorutigaavut
  • Atorfik pissanganartoq unamminartortalik sullivimmi avatangiisit isumassarsiffiulluartartut pitsaasuusullu
  • Immikkoortortaqarfimmi oqaatsit taakkunanngalu pitsaanerpaamik ilikkagaqarnissaq soqutigisarilluinnarparput
  • Oqaatsinik ilinniartitsinermi isummanut aamma aqqutissanut nutaanut ammasuuvugut
  • Atorfigisap suliatigut sunniuteqarfiginissaanut periarfissagissaarpoq
  • Oqaatsitigut pikkorinnerulernikkut inuit ingerlaqqinnissamut ikiorneqarnissaannut periarfissaqarneq
  • KTI-mi immikkoortortaqarfiit allat ataatsimooqatiginissaat suleqatigilluarnissaallu
Atorfik pillugu paasissutissat sukumiinerusut pissarsiarineqarsinnaapput aqutsisup tullersortaanut Finn Ommestrup Møller saaffiginninnikkut, e-mail: femo@kti.gl imaluunniit tlf.: +299 861611.
 
Qinnuteqaateqarneq
Qinnuteqaammut ilaassapput paasissutissat namminermut tunngasut (CV), ilinniagaqarsimanermut uppernarsaasersuutit aammattaaq ilanngussat allat tulluartut.

Kingusinnerpaamik qinnuteqarfissaq tassaavoq decemberip 8-ni 2023. Naatsorsuutigaarput atorfik pillugu oqaloqatiginnittoqartassasoq qinnuteqarnissamut piffissarititaasup qaangiutilaarnerani, kisianni uagut qinnuteqaatit ingerlaavartumik suliarisarnissaannut immitsinnut pisussaatippugut.
Paasissutissat amerlanerusut:
Nittartagarput takuuk: www.kti.gl
Aammattaaq kommunip nittartagaa: www.qeqqata.gl


Akissarsiat aamma atorfeqartitaanermi atugassarititaasut
Aallaavigineqassaaq isumaqatigiissutit tunngavigalugu atorfinitsitsisoqarnissaa imaappat qinnuteqaateqartoq Kalaallit Nunaanni tjenestemandinut inatsit tunngavigalugu tjenestemanditut atorfeqareerluni, taava tjenestemandinut atugassarititaasut tunngavigalugu atorfinitsitsisoqarsinnaavoq.
Akissarsiat aamma atorfeqartitaanermi atugassarititaasut, tassunga ilanngullugit atorfininnermut atatillugu akiliunneqarluni angalanissamut aamma soraarnermut atatillugu angalanissamut aamma pequtit assartorneqarnissaannut pisinnaatitaaffiit, Namminersorlutik Oqartussat aamma pineqartup kattuffiata  isumaqatigiinniarsinnaatitaasup atorfinitsitaanerup nalaani kattuffiup isumaqatigiissutai atuuttut naapertorlugit ingerlanneqassapput.

Ineqarneq
Atorfimmut atatillugu maleruagassat qaqugukkulluunniit atuuttut tunngavigalugit sulisunut inissiamik pequsersorsimanngitsumik innersuussisoqarsinnaavoq. Maleruagassat qaqugukkulluunniit atuuttut tunngavigalugit inissiamut innersuussutigineqartumut akiliutit aamma iserternermi qularnaveeqqutit akilerneqassapput. Ineqarnermut akiliutit aamma inissiap pitsaassusia nikerarsinnaapput inissiap qanga sananeqarsimanera, piginnittua il.il apeqqutaallutik. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Inigisamut akiliutit aamma inigisap pitsaassusia nikerarsinnaapput inigisap qanoq pisoqaassuseqarnera, piginnittumut tunngasut il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.