Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Telecom-ingeniøri

Tusass A/S

Nuuk
14-12-2023
Piffissaq atuuffissaa naassaaq: 24-04-2024
Suliffissamut ID normut: LJA-85177072
Suliassaqarfik: Allat, Aqutsineq, IT & tusagassiuutit

Tusassip Kalaallit Nunaanni telecomimut attaveqaataanik ineriartortitseqataarusuppit ingerlatseqataallutillu?


Suleqatitaassarput Tusassip ineriartortitsiviani suleqataalissaaq aammali telecomimut atortulersuutitsinni attaveqaatitsinnilu pisariusuni ajoquteqarnernik paasiniaanernut peqataasassalluni.


Suliffeqarfik

Tusassip attaveqaasersuutini pitsaassuseqarneq pingaartitaraa aammalu suliaqarluni Kalaallit Nunaanni nalunaarasuartaateqarnikkut attaveqaqatigiinnermik siunissamut qulakkeerinnittunik. Ingerlatseqatigiiffiup sulisuisa 370-it missaanniittut Kalaallit Nunaanni innuttaasut nalunaarasuartaateqarnikkut attaveqaqatigiinnermik, IT-mik aammalu nassiussalerinermik sullitarai. Taamatut suliaqarnerup iluani teknologiip nutaanerpaap atornerata kinguneraa, inuiaqatigiit kalaallit 92%-iisa 4G/LTE-mik atuisinnaalernerat. Niuernermut periusissiap ilaatut Tusass sulianik pissanganartunik nutaanillu arlalinnik aallartitsivoq, tamatumalu Kalaallit Nunaanni innuttaasut digitalimik atuisunngortippai, attaveqaammik angallattakkamik ineriartortitsiffiujuartut ineriartortitsiffissaqartullu, ass. 5G-p aammalu/imaluunniit IoT-p iluani.

 

Atorfik

Nuummi Coremut/Accessimut/IMS-imullu immikkoortortaqarfimmi, aaqqissuussaanikkut Tusassip Teknikkimik suliaqarfiani inissisimasumi, suleqataalissaatit.

Coremut IMS-imullu attaveqaatinik, taakkununngalu attuumassuteqartunik Coremut/IMS-imut kiffartuussissutinik katitikkatut attaveqaasersugaanermik tunngaveqartunut, pingaarutilimmik suleqataallutit ineriartortitseqataassaatit. Illit nammineq suleqatigisannik kiisalu Tusassip aaqqissuussaanera akimorlugu suleqatinik qanimut suleqataassaatit, taamaalillutillu aamma suliaqarfimmik tassannga ineriartortitsinermut sunniuteqarnissamut pitsaasumik periarfissaqassallutit. Atorfimmi suliassatit makkuunerussapput:

·Katiterineq, ajoqutaasunik nassaarniarneq aamma Ericssons Mobile Core Netværkimik ingerlatsineq

·Roamingimik misileraanerit, katiterineq aamma telecomimut atortulersuutini allani, soorlu IMS-imut, RAN-imut aammalu VAS-imut atortulersuutini, attaveqaateqarnikkut ajornartorsiutinik nassaarniarnerit

·Suliffeqarfiup nalinginnaasumik telecomimut attaveqaataanik ineriartortitsineq kiisalu telecomimik suliat siuariartornissaannik qulakkeerinninneq

·Atortunik misileraanerit

·Tusassimi immikkoortortaqarfiit allat kiisalu avataaniit pilersuisorisagut suleqatigisagullu.

 

Pissanganarluinnartumik pingaarutilimmillu suliassaqarputit, tassami Kalaallit Nunaanni innuttaasunut digitali eqqarsaatigalugu takorluugaasup, ilaatigut Tusassip attavii tatiginartut aqqutigalugit, piviusunngortinneqarnissaanut qulakkeerinneqataasussaavutit. Suliffeqarfik suliaminik ilisimaarinnilluartoq suliffigilissavat, ulluinnarni qallunaatut kalaallisullu oqaluffiusoq, tuluilli oqaasii sulinermi aammattaaq atorneqaleraluttuinnarput – assersuutigalgu suliassat pillugit ataatsimiinnerni avataaniillu suleqatigisatsinnik ataatsimeeqateqarnitsinni. Assigiinngisitaartuunerup pikkorinnerulersillutalu nukittunerulersittaraatigut upperaarput, taamaalillutami pilersuinitta isumannaassusaanut suleqatigiittut pitsaanerpaamik tamatigut tunniussaqarsinnaanngussaagut.

 

Inuttaa 

Soqutiginnilluinnarnerit sulerusussuseqarnerillu isumaqarpoq pimoorussillutit sulisutit, suleqatinnut nukissamik pitsaasumik siammarterisutit suliassallu naammassineqarsimanissaannut killeqarnerat ajorinngikkit. Tamakku saniatigut aammattaaq takorusupparput:

·Teknikkimut pitsaasumik piginnaaneqarnermik tunuliaqutaqarnerit aammalu ingeniøritut tamatumaluunniit assigisaanik ilinniagaqarsimasuunerit

·Telecomimik suliaqarfimmi misilittagaqartutit imaluunniit mobilinut atortulersuutinik Telecomillu attaveqaataanik paasisimasaliusutit

·Suliassatut pilersaarutaasunut misilittagaqartutit paasisimasaqartutilluunniit – assersuutigalugu Prince2-mik, ITIL-imik assigisaanilluunniit

·Aaqqiissuteqarnissaq siunertaralugu sulisinnaassuseqarnermiit kodiinermut ikaarsaariarsinnaanermik piginnaaneqarneq – atuutsitsilernermik suliaqarnerni aammalu ajoqutaasunik nassaarinninniarnerni



Iluaqutaassaaq atortulersuutinik Ericssonimeersunik misilittagaqarnerit, kisianni aamma Nokia Huawei-luunniit aamma periarfissaapput.

Tuluttut allallutillu oqalulluarsinnaanerit piumasaqaataavoq. Danskisut piginnaasaqarneq iluaqutaassaaq, piumasaqaataananili. Kalaallit oqaasiinik ilisimasaqarneq aammattaaq plussiutaassaaq.

Biilinut inuit angallataannut allagartaqarnerit sulininnut oqilisaataassaaq.


Atorfimmut piukkunnarsartoqarsinnaavoq assigiinngitsutigut. Immikkoortunut qulaani allanneqartunut tamanut angersinnaanngikkuit, illit inuttut alapernaatsuunermik, ilinniarusussuseqarnermik tapersiisinnaanerit kiisalu illit pissusissamisuuginnartumiknammineerlutillu suliamik suleqatigisannut suleqataalersinnaanermik ujartuisinnaanerit pingaaruteqarpoq.

 

Tusassip ineriartorneq pisariillisaanerlu pingaartitarai

Piukkunnaateqaruit, piginnaasaqaruit sulininnilu qaffakkiartornerpit unamminarnerulersinnissaanut sapiissuseqaruit, taava uagut tunniussinnaavagut suleqatitsialaat sullarissut, persuarsiorpallaannginneq aammalu suliffeqarfik niuernermigut ersarissumik periusissiaqarluni sorpassuartigut siuariartortoq. Suliatigut inuttullu ineriartornissamut periarfissarpassuaqarpoq kiisalu nammineq atorfimmut tassanilu qaffakkiartornermut sunniuteqartoqarsinnaalluni.


Apeqqutissaqarpit?

Soqutiginnikkuit paasisaqarnerorusullutillu immikkoortortaqarfimmi pisortaq Aqqalu Josefsen attavigisinnaavat, oq. +299 389225.

Atorfininnermi atugassarititaasunut tunngasunik kiisalu sulilernissamut tunngasunik il.il. apeqqutissaqaruit Tusassimi Sulisoqarnermut immikkoortortaqarfik attavigisinnaavat oqarasuaat 341255-imut imaluunniit uunga allallutit hr@tusass.gl.


Qinnuteqaat oqaloqatigineqarnerillu

Qinnuteqaatit tamarmik allanut isertuullugit suliarineqartarput.

Atorfik qinnuteqaatigissavat tuugassaq ’Ansøg’ toorlugu, tassuunalu CV-iit, allagaq ilaliussaq (aamma ilanngunneqarsinnaapput allagartaatit attuumassutillit allat) Tusassip sulisussarsiornermut isertarfianut nassiullugu.

Sulisussarsiornermut isertarfik aqqutigalugu qanoq qinnuteqaateqarnissannut apeqqutissaqaruit, Sulisoqarnermut immikkoortortaqarfik attavigisinnaavat.

Inuttut paasissutissaatitit pitsaanerpaamik innarlitsaaliorumallugit, e-mailikkut qinnuteqaatinik tigusaqarneq ajorpugut.


Qinnuteqaatit ataavartumik suliarineqartarput, soorlu aamma oqaloqatigineqarnerit taamatut pisartut, taamaattumik qinnuteqaatit piaarnerpaamik nassiuguk. Atorfik inuttalerneqassaaq piukkunnarnerpaaq nassaarineqarpat.


Tusarfiginissat qilanaaraarput!


Anguniagaq ’Tusassip silarsuaq qaninnerulersippaa – uagullu immitsinnut qaninnerulersilluta’ anguniagaralugu, ingerlatseqatigiiffiup sulisuisa 400-ngajaasut Kalaallit Nunaanni tamarmi nalunaarasuartaateqarnikkut attaveqaasersugaaneq nutaaliaasoq pilersinniarlugu qulakkeerniarlugulu suliaraat.


Tusass pillugu allanik atuarit uani: tusass.gl