Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

IT- Teknisk Projektleder

Tusass A/S

Nuuk
02-01-2024
Piffissaq atuuffissaa naassaaq: 13-04-2024
Suliffissamut ID normut: LJA-85217532
Suliassaqarfik: Aqutsineq, IT & tusagassiuutit

IT-mik sullissivimmi atuisut neqeroorutinik pitsaanerpaanik toqqaanissaannik ikiortarpagut. Atuisutsinnut pimoorussinerput annertusiartorpoq nutaanillu suliniuterpassuaqarpugut – annikitsuniit annertunerusunut. Taamaattumik illit immikkoortortaqarfitsimmi suliniutinut aqutsinermi atorfimmik nutaamik ilusilersueqataasussatut pisariaqartippatsigit.

Atorfik pillugu:

IT-mi teknikkikkut suliniutinut aqutsisutut suliniutit nalinginnaasut assigiinngitsut ataqatigiissaarnissaat isumagisassavat. Tunniussassatta pitsaasumik naammassisarnissaat kiisalu immikkoortortaqarfinni tamani suliniutit assigiimmik aqunneqartarnissaat qulakkeertassavat. Taamaattumik IT-mi suliniutinik pilersaarusiornermiit atortussanngortitsinissap tungaanut aqutsineq siulersuinerlu pingaaruteqarput, piffissarititaasoq aningaasallu atugassat missingersuutaat malinneqarniassammata atuisullu naammagisimaarinninnerat qaffasissoq anguneqarsinnaaniassammat.

Sulianut inuttullu piginnaasassat misilittagaqarfigisimasassallu:

  • IT-mi suliniutinut aqutsinermi ilinniarsimasoq.
  • IT-mi suliniutinik aqutsinermi atorfinni allani misilittagaqarneq.
  • Agile/Scrumimik sulinermik misilittagalik.
  • Teknikkikkut piginnaasalik, IT-systeminik suliaqarfinnillu nutaaliaasunik paasisimasalik.
  • Aqutsillaqqissoq, taassumalu ataani suleqatigiinnik kajumilersitsisinnaasoq, isumassarsititsisinnaasoq siulersuisinnaasorlu.
  • Allannikkut oqaloqatigiinnikkullu attaveqatiginnillaqqissoq – teknikkimik suliaqartuunngitsunut soqutigisaqaqatigiinnut teknikkimut tunngasunik ajornakusoorsinnaasunik paasinartumik ingerlatitseqqiisinnaasoq.
  • Softwaret suliniutinik aqutsinermi atorneqartartunik, soorlu MS Projectimik, JIRA-mik, Confluencemik misilittagalik.
  • Suliniutinik aqutsinermi allagartalik, soorlu PRINCE2 iluaqutaassaaq.
  • Oqaatsit: Qallunaatut, tuluttut allassinnaasoq oqalussinnaasorlu – kalaallisoorsinnaaneq pitsaassaaq.
  • Biilinik ingerlatsisinnaanermut allagartalik
  • Naleqquttumik ilinniarsimasuussaatit saniatigullu suliniutinik aqutsinermi teoriinik ingerlatsinermilu tunngaviusumik misilittagaqassallutit
  • Ingerlatsinermik sullissinermillu paasisimasaqassaatit
  • Siulliusinnaassaatit sulianillu aaqqiinermi naammassisaqarusussuseqassaatit
  • Ammasuussaatit attaveqarfinnillu pilersitsineq nukittorsaanerlu pikkoriffigalugit
  • Suliniutit siunertaannik taakkulu angunissaannut naleqqanik qulaaniit aaqqissuulluakkamik takunnissinnaassaatit. Suliniutinut soqutigisaqaqatigiinnut tamanna paasinartumik – allannikkut oqalunnikkullu (qallunaatuunerusoq ilaatigullu tuluttut) ingerlatitseqqiisinnaassaatit.
  • Suliannik suliniutinillu pitsaassuseq kissaataasoq malillugu naammassinnittarputit taakkualu pitsaanerpaamik angunissaat pillugu suleqatinnik peqateqarluarsinnaallutit.

Naatsorsuutigisinnaavat: 

Avatangiisini allanngorartuni atorfik pissanganartoq unammillernartorlu, suleqatit piginnaasaqarluartut suliassanik pitsaanerpaamik naammassisaqarnissaminnik pingaartitsisut. Sulianut atatillugu inuttullu atorfimmut sunniuteqaqataanissannik periarfissaqarluassaatit piginnaasallu aallaavigalugit pitsaasumik akissarsiaqartinneqassallutit.

Apeqqutissaqaruit: 

Soqutiginnikkuit paasisaqarnerorusullutillu CIO Thomas Hansen attavigisinnaavat, oq. +299 389001 imalt. e-mailikkut thoh@tusass.gl

Qinnuteqaatit oqaloqatiginninnerillu: 

Qinnuteqaatit, CV allagartallu attuumassutillit una qupperneq aqqutigalugu nassiussinnaavatit – Tusassip qinnuteqaatit tiguneqaraangata suliarisassavai oqaloqatiginninnerit ingerlanneqarumaarlutik, eqqortorlu nassaarigutsigut atorfinitsitsissaagut.


Tusass

Anguniakkatut takorluugaq ´Tusassip nunarsuarput qaninnerulersippaa – uagullu immitsinnut qaninnerulersilluta’ aallaavigalugu suliffeqarfiup sulisuisa 350-it missaanniittut Nunatsinni tamanut attaveqaqatigiinnermut atortulersuutit nutaaliaasut pilersillugillu qulakkeertarpaat.

Uani paasisaqarnerugit www.tusass.gl