Tusassimi attaveqaqatigiinnermut immikkoortortaqarfimmi pisortaq

Tusass A/S

Nuuk
19-01-2024
Piffissaq atuuffissaa naassaaq: 22-05-2024
Suliffissamut ID normut: LJA-85266116
Suliassaqarfik: IT & tusagassiuutit, Aqutsineq
Attaveqarfissamut paasissutissat

Tusass A/S

 
Oqarasuaat

Tusass digitalimut piginnaasaqarluartumik nutaanillu pilersitsisinnaasumik Attaveqaqatigiinnermut pisortassarsiorpoq


Nutaamik eqqarsarluni attaveqaqatigiinnermut periusissiamik nutaamik ineriartortitseqataarusuppit suliffeqarfiullu iluani avataanilu oqaluttuanik nuannersunik saqqummiussaqartarneq sungiusimaviuk? Digitalitigut ussatigineqartut malinnaaffigivigit sullinniakkallu assigiinngitsut qanoq attaveqarfiginissaannik tappiffigisaqarpit- taava immaqa illerpiaq pisariaqartippatsigit!


Attaveqaqatigiinneq Tusassimi niuernikkut ingerlatsinitsinni qitiuvoq, internetti, oqarasuaatit, allakkat poortukkalluunniit pineqaraluarpata. Tusassip nunarsuaq qaninnerulersippaa – immitsinnullu qaninnerulersilluta.

Tusass tunniussimalluartunik 400-nik sulisoqarpoq, taakkulu Kalaallit Nunaat tamakkerlugu attaveqaqatigiinnikkut atortulersuutinik nutaaliaasunik piorsaanissaq qulakkeerinninnissarlu ullut tamaasa sulissutigisarpaat.

Attaveqaqatigiinnermut pisortatut Tusassip suliffeqarfiup iluani avataanilu attaveqaqateqartarnera akisussaaffigissavat. Attaveqarfigisartagassatit siammasissuussammata sutigut tamatigut suleqateqarsinnaaneq piginnaasaqarfigissavat pingaarutilik.

Tusassip periusissiamik suliaqarnermi ukioq kingulleq iserfigisussanngormagu attaveqaqatigiinnermut periusissiamik nutaamik suliaqarnissaq piviusunngortitsinissarlu pingaartinneqassapput.

Attaveqaqatigiinnermut immikkoortortaqarfik pisortaaffigissavat, marlunnik pikkorissunik sulisoqartoq. Tamatuma saniatigut suleqatigisartakkat avataaneersut arlallit aamma suleqatigissavatit. Tusassimi attaveqaqatigiinnermut pisortatut aamma pisortaqatigiinni suleqataalissaatit pisortatut suleqatit pikkorissut pingasut peqatigalugit aammalu pisortanut allanut qullersanullu siunersueqataassassallutit.

Niuernermut Pisortaq, Nikolaj Christoffersen, toqqaannartumik attaveqarfigissavat.

Akisussaaffeqarfiit:

  • Suliffeqarfiup iluani avataanilu attaveqaqatigiinnermut qullersatut akisussaaffeqarneq
  • Attaveqaqatigiinnermut immikkoortortaqarfimmi ulluinnarni aqutsineq suliffeqarfimmullu attaveqaqatigiinnermut pilersaarutip periusissiatigut atulersinnissaa.
  • Oqaluttuanik Tusassip naleqartitaanut periusissiaanullu tarrarsorfigineqarsinnaasunik uuttortarneqarsinnaanillu pilersitsineq.
  • Ajornartoornermi attaveqaqatigiinnissamut periusissianik ineriartortitsineq atulersitsinerlu, naatsorsuutiginngisamik pisut pilertortumik eqqoqqissaartumillu isumaginissaat ilanngullugu.

Illit pillutit:

Attaveqaqatigiinnermut, tusagassiutinut paasissutissiisarnermullu tunngasumik naleqquttumillu ilinniagaqarputit assigisaanilluunniit. Attaveqaqatigiinnermut piginnaasaqarluarnissat atorfimmiillu assingusumit misilittagaqarnissat kiisalu aqutsisutut misilittakkavit uppernarsaateqartinnissaat pingaaruteqarpoq.

  • Inussiarnersuuvutit eqeersimaartuullutillu nalinginnaasumillu suleriallaqqissuullutit. Suleqatinnik kajumilersitsinissaq isumassarsiortitsinissarlu pikkoriffigivat aammalu sutigut tamatigut atassuteqarnernik pilersitsinissamut ineriartortitsinissamullu piginnaasaqarlutit
  • Amerlasuunik ataatsikkut suliaqarneq misilittagaqarfigivat suliassallu pilertortumik isumannanngitsumillu naammassineqartarnissaat qulakkeersinnaallugu
  • Suliassanut tunngatillugu eqaatsumik suleriuseqarputit ajornartorsiutinillu amerlasuunik isiginninnissaq pikkoriffigalugu
  • Sunniussinnaassuseqarluarputit, innarlerniagassaanngitsuullutit, aammalu allattariarsornikkut oqaluttariarsornikkullu danskisut, tuluttut kalaallisullu attaveqateqarnissaq piginnaasaqarfigilluarlugu

Atorfik Nuummi qullersaqarfimmi inissisimavoq.

Tusassip neqeroorutigaa

Teknologiip silarsuaani aqutsisutut atorfik soqutiginartoq unammilligassaqarfiusorlu, inuttut suliatigullu ineriartornissamik ukkataqarfiusoq. Tusassimi suliffeqarfiup avataani iluanilu attaveqaqatigiinneq akisussaaffigissavat ulluinnarnilu sulinermi ullut marluk qaqutikkut assigiissinnaasarlutik. Suliffeqarfik sulinermi avatangiisit pitsaasuunissaannik ukkataqartoq suleqatillu pikkorissut tunniusimalluartullu.


Soqutiginartippiuk?

Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299583117-imut imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit

Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu allanik apeqqutissaqaruit Niuernermut Pisortaq, Nikolaj Christoffersen, +299 523614-imut sianerfigalugu saaffiginninnissamut tikilluaqqusaavutit.

Tusarfiginissat qilanaarivarput.

 

Tusass 

Takorluukkatut anguniakkap ”Tusassip nunarsuarput qaninnerulersippaa – uagullu immitsinnullu qaninnerulersilluta” aallaavigalugu suliffeqarfiup sulisuisa 350-it missaanniittut Kalaallit Nunaannut tamarmut attaveqaateqarnissaq qulakkeertarpaat.

Tusass pillugu uani paasisaqarnerusinnaavutit: www.tusass.gl