Mittarfeqarfiit A/S - Mittarfik Nuuk assartugalerisunik pissarsiorpoq
16-02-2024
Piffissaq atuuffissaa naassaaq: 01-02-2025
Suliffissamut ID normut: LJA-85334041
Suliassaqarfik: Assassorluni sulineq & sanaartorneq
Terminalarbejderitut imaluunniit arlaannik assassornermut tunngasumik ilinniagaqarpit pitsaasunillu suliaqarneq ataqqinaatigerusuttarpiuk? Tunniusimasuuit, suliatit torersumik suliarisarpigit suleqatikkuminarpillu? Taava Mittarfik Nuummi terminalarbejderitut atorfik ilinnut tulluuppoq.
Suliassat:
Pissanganartunik assigiinngiiaartunillu suliassaqassaatit ullullu tamarmik assigiinngitsunik pisoqarfiusarput. Ilaatigut makkuninnga suliaqassaatit:
- Timmisartunik isumaginninneq – Orsiineq
- Timmisartunik assartuineq
- Sillimaniarnermik suliaqarneq, ilanngullugu nassatat ilaasullu misissorneqarneri
- Qatserineq, annaassiniarneq kiisalu imaani annaassiniarneq
- Sillimaniarnermik suliaqarneq / aputaajaaneq
- Mittarfimmi atortunik iluarsaassineq aamma aserfallatsaaliuineq
- Mittarfimmi atortunik aserfallatsaaliuinermi suliaqarneq aammalu iluarsaassineq
- Suliassat takkussuuttut allat
Piginnaasat:
Terminalarbejderitut ilinniarsimasuunissat, suliartortuaannarnissat, takujuminartuunissat kiffartuussillaqqissuunissallu naatsorsuutigaarput. Taakkua saniatigut atorfimmi uku piumasaqaataapput;
- Ilakkuminartuuneq, eqaatsumik pissuseqarneq mianersortuunerlu
- Kalaallisut danskisullu oqaaseqartuunissaq
- Pitsaasumik peqqissuseqarnissaq
- Angisuunik biilersinnaanermut truckinillu ingerlatitsisinnaanermut allagartaqarneq
- Pinerluuteqarsimannginnermik uppernarsaateqarneq
Mittarfeqarfiit neqeroorutigaat:
Suliffeqarfik pissanganartoq ineriartoq sulisutsinnut atugassarititanik suleqatigillu akornanni suleqatigiilluarnissamik pingaartitsisoq. Sulisut tamarmik kisimiillutik imminnullu suleqatigiillutik sulisartut akuliuffigissavatit.
Sillimaniarnikkut akuerineqarnissaq:
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq imaluunniit www.sullissivik.gl –kkut aaneqarsinnaavoq.
Atorfinitsitaanermi atugassarititaasut
Atorfininnissaq SIK-p isumaqatigiissutaa naapertorlugu ukunannga ilaatigut imaqartussamik pissaaq:
- Piffissaq suliffiusussaq sapaatip akunneranut nalunaaquttap akunnerinik 40-nik sivisussusilik
Ineqarneq:
Atorfik inissaateqanngilaq
Paasisaqarnerugit:
Atorfik pillugu paasisaqarnerorusukkuit apeqqutissaqaruilluunniit Mittarfimmi ingerlatsinermut pisortamut Dennis Jørgensen attaveqarsinnaavutit uunga sianerlutit 382682 imal. Uuna allallutit dejo@mit.gl
Apeqqutit nalinginnaanerusut Sulisoqarnermut Immikkoortortaqarfimmut uunga allalluni apeqqutigineqarsinnaapput: hr@mit.gl
Mittarfeqarfiit pillugu paasissutissat sukumiinerusut uani takukkit: www.mit.gl
Soqutiginnippit?
Taava qinnuteqaativit, inuuninni sulerisimaninnik allattorsimaffiup kiisalu ilinniarsimanermut uppernarsaatit uani www.mit.gl -ikkut tigunissaat qilanaaraarput.
Atorfinitsitsiniarnermi oqaloqateqarnerit ingerlaavartumik pissapput.