Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfeqarfiit

Airport Briefing Officer (timmisartoqarfimmi nakkutilliisoq)

Mittarfeqarfiit

Sisimiut
20-02-2024
Piffissaq atuuffissaa naassaaq: 17-03-2024
Suliffissamut ID normut: LJA-85341552
Suliassaqarfik: Allat

Mittarfik Kangerlussuaq timmisartoqarfiup allaffiani timmisartoqarfimmi nakkutilliisumik 1. april 2024 sulilersussamik sulisussarsiorpoq.


Suliassat:

Pissanganartunik allanngorartunillu suliaqartassaatit ullullu tamarmik assigiinneq ajorlutik. Suliassat ilaatigut makkuussapput:

  • Timmisartut nalunaarsorsimaffiannik Airport 20/20-inik suliaqartarneq, kiisalu sapaatip akunnikkaartumik naatsorsuutinik suliaqartarneq
  • Timmisartunik sullissisarnermi ilitsersuutinik nutarterisarneq
  • Timmisartunut pisut pillugit nalunaaruteqartarnerit kiisalu notam aqqutigalugu timmisartortartunut sila pillugu nalunaaruteqartarnerit aammalu timmisartuussinissamut pilersaarutit eqqortumik immersortarnissaat pillugit timmisartortartunik ilitsersuisarnerit
  • Malittarisassiat atuuttut naapertorlugit akitsuutinik akiitsunillu akiliisitsiniartarnerit. Timmisartoqarfimmik atuisut pitsaanerpaamik sullinneqartarnissaasa qulakkeersimanissaa
  • Nunanit allaniit timmisartuutileqatigiiffiit attaveqarfigalugit
  • Piffissami ulapaarfimmi (maj-september) timmisartunik attartukkanik sullissinerit
  • Allaffissornermi suliassat takkussuuttut suliarineri

Piginnaasassat:

Timmisarfoqarfiup allaffiani nakkutilliisutut atorfimmi timmisartuusisarnermut tunngasunik ilisimasaqarnissat kissaatigaarput, piumasaqaataaganili. Tatiginartuussaatit aalajaatsuullutillu suliassallu suliffiusartullu allanngorartarnerinik akuersaartuullutit. Kiisalu oqaatsitigut piumasaqaatit malillugit kalaallisut, danskisut tuluttullu allattariarsullaqqissuullutillu oqallorissuussaatit


Mittarfeqarfiit neqeroorutigisinnaavaa:

Suliffik pissanganarlunilu ineriartortuartoq sulisuminik pitsaasumik atugaqartitsinissamik pitsaasumillu suleqatigiinnissamik pingaartitsisoq. 


Paasissutissaq:

December 2024-miit atorfiup ilagilissuaa security-mi check-in-imilu sulineq. Ukiaq 2024-p ingerlanerani taakku susassarfiit iluanni ilinniartitsineq ingerlanneqarumaarpoq.


Sillimaniarnikkut akuerineqarnissaq:

Atorfinissinnaanissat eqqarsaatigalugu politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna najukkanni politiini pissarsiarineqarsinnaavoq.

 

Atorfeqarnermi atugassarititat:

Akissarsiat atorfeqarnermilu atugassarititaasut kattuffik attuumassuteqarfigisaq naapertorlugu aalajangersarneqassapput. 

  • Maleruagassat naapertorlugit atorfininnermut soraarnermullu atatillugu akiliunneqarlutit angalanissat
  • Maleruagassat atuuttut naapertorlugit pequtit assartorneqarneri
  • Maleruagassat naapertorlugit inissaqartitsisoqassaaq
  • Sapaatsip akunneranut akunnerit 40-it sulisarneq, kiisalu weekendili nalliuttunilu pigaartuusarneq


Paasiniaaffissaq:

Annertunerusumik paasisaqarusukkuit imaluunniit atorfik pillugu apeqqutissaqaruit allaffissornermi aqutsisoq Tage Johansen attavigisinnaavara telefonikkut +299 38 218 28/52 45 08 imaluunniit e-mailikkut tjo@mit.gl. Apeqqutit nalinginnaasut HR immikkoortortaqarfimmut mail: hr@mit.gl aqqutigalugu ingerlanneqarsinnaapput. 


Soqutiginnippit?

Atorfinissinnaassaguit qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit linki ataani innersuussutigineqartoq aqqutigalugu qarasaasiakkut kingusinnerpaamik 17.marts 2024 nassiutissavatit.


Mittarfeqarfiit pillugit paasissutissat tamakkiisut uani atuarsinnaavatit www.mit.gl

Mittarfeqarfiit A/S, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 46-t ingerlatarai. Timmisartunik ukiumut 60.000-init amerlanerusunik tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik. 400 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.