Innaallagisserisoq Nukissiorfiit Qaqortumut

Qaqortormut innaallagisserisoq

Nukissiorfiit, nunap immikkoortua Kujalleq, Qaqortumi innaallagissamik siammarterisarfiup ingerlanneranut aserfallatsaaliorneranullu innaallagisserisumik misilittagalimmik inuttassarsiuivoq.
Inissisimaffimmi tassani innaallagisserisup innaallagissamik siammarterisarfimmik ingerlatsinermi, pitsanngorsaasarnermi, aamma ineriartortitsinermi suliaqarfigalugu peqataasarnissaa naatsorsuutigineqarpoq.

Innaallagisserisumut qullersaq toqqaannartumik attaveqarfiusoq tassaajumaarpoq Qaqortumi Ingerlatsinermut akisussaaffilittut Suleqatigiinni aqutsisoq, pineqartullu Qaqortumi najugaqarnissaa naatsorsuutigineqarpoq.

Maannakkut suleqatigiiusuni inuttaapput suleqatigiinni aqutsisut marluk tunniusimasut, siulittaasut sisamat, ingerlatsinermi suleqatit misilittagallit pingasut, aamma suliniummut atorfinitsitaq, tamarmik sunniuteqarluartumik sulinermi ingerlatamik qulakkeerinissaq pillugu peqatigiillutik suleqatigiittuusut.
Suleqatigiit ingerlalluartut taakku ilinniartitsinermik, aammalu suliassanik isumaginninnermik ikuinissaminnut piareersimapput.

Qanimut suleqatigiinneq, sulinikkut atugarisanik savituunik naammassisaqarfigisamillu attassinissamut ilalersuuteqartoq pingaartuutipparput.

Innaallagisserisup suliassanik makkuninnga isumaginninnissaa naatsorsuutigineqarpoq:

• Innaallagissamik siammarterisarfimmik sakkukillisaavinnillu aserfallatsaaliuinerit
• Innaallagissiorfimmi kiassaateqarfimmi aamma erngup nukinganik nukissiorfimmi innaallagissamut ivertitikkanik aserfallatsaaliuinerit
• Illoqarfimmi aqqusernit qulliinik, kabelskabinillu aserfallaatsiuinerit
• Innaallagissamik suliassaqarfiup iluani siunertanut aalajangersimasunut suliassanik assigiinngitsunik isumaginninnerit.

Suleqat ujagarput tassaavoq:

• Ajornanngippat innaallagisserisutut ilinniagaqarsimasoq
• Ajornanngippat sakkukillisaavinnik siammarterisarfinnillu misilittagaqartoq
• Nammineq ingerlatsinermik, pumpinik aqutsinernik, qerinaveeqqusiinermillu ingerlatsivinnik misilittagaqarnerit imaluunniit soqutigisaqarnerit iluaqutaassapput
• Pisariaqartitsinerit malillugit pigaartuni ilaanissamut piareersimaffilik
• Attaveqaqatigiinnikkut piginnaasaqarluartuulluni suleqatiginnikkusuttoq
• Suleqat tatiginartoq aamma aalaakkaasoq
• Namminersuutigisamik kinguneqartussanillu isumaliuteqarsinnaasoq. Killiliissutit pinnagit periarfissanik isiginnittoq
• Biilersinnaanermut aammal biilinut usisaatilinnut allagartalik.

Ilinnut neqeroorutigut tassaapput:

• Suliffik pissanganartoq akisussaaffimmik imalik, suleqatigiittut savituutut peqatigiilluta suliffeqarfigisarput
• Sullivimmi avatangiisit isumassarsinarlutillu iluarinnittut, suliassanut pimoorussamik paasisitsiniaallunilu isumaginnilersitsinissamut periarfissartaqartut
• Suliffeqarfik ineriartortitsiffiusoq, inuttut sulianullu tunngasutut ineriartornissamut periarfissatsialannik imalik
• Nunap immikkoortuani angalasarnissamut periarfissaqartoq.

Akissaatitigut atorfeqartitaanermilu atugassarititaasut:
Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfininneq qaammatini pingasuni misiliutitaqarpoq

Atorfimmut atatillugu inissamik innersuussisoqarsinnaavoq.
Atorfimmut atatillugu angalaneq aammalu pequttat akiliunneqarsinnaavoq, ukiullu pingasut ataannartumik atorfeqarnermi soraanermi angalaneq aammalu pisattat akilerneqarsinnaapput, illoqutigiit aammalu meeqqat 18-ninik ukiullit ataallugit.Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.

Suliassat akisussaaffigisassarlu atorfik pillugit annerusumik paasisaqarusukkaanni ingerlatsinermi suleqatigiinnermilu aqutsisoq Kjell Bjergman attavigineqarsinnaavoq emailikkut: kjeb@nukissiorfiit.gl oqarasuaammut : (+299) 54 92 92.

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl