Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat - Majoriaq overassistentissarsiorpoq

Kommune Qeqertalik

Aasiaat
09-04-2024
Piffissaq atuuffissaa naassaaq: 30-04-2024
Suliffissamut ID normut: LJA-85425779
Suliassaqarfik: Allaffik & allaffissorneq

Majoriaq Aasiaat Overassistent -issarsiorpoq 01. Maj 2024 isumaqatigiissuteqarnikkulluunniit sulilertussamik.

Inuusuttunik inersimasunillu ingerlariaqqikkusuttunik sullissineq nuannaraajuk. Aqqutissiuussineq nuannaraajuk taamaassappat illiua suleqatissarput. Ataanilu piumasaqaatit naammassisimagukkit qinnuteqarnissarnut tikilluaqqusaavutit.

Majoriaq Aasiaat ataani innuttaasunut saaffiginnittarfimmi sullissisuussaaq, saaffiginnittunik sullissisinnaassaaq.


Suliassat akisussaaffiillu:

·Allaffimmi suliassat suliarineqarnissaannut agguataarisimaneq malillugu suliaqarneq

·Ilinniagaqareersunik, ilinnialerusuttunillu kiisalu suliffissarsiortunik  ingerlariaqqikkusuttunik sullissineq

·Allaffimmi suliassat nalinginnaasut allat

·Suliffeqarfimmi atorfiup ineriartortinneqarnissaanut suleqataaneq

·Sulinerup ingerlanneqarneranut nutaaliornernik aaqqiissutaasinnaasunillu siunnersuineq


Suliamut ilinniagaqarsimanissaq kissaatigineqarpoq, sulilernermi ingerlaannartumik Aasianni innuttaasut ingerlariaqqitsinniarneqarnerannut peqataalersinnaallutit aammalu allaffimmi suliassanik tiguseriaannaassallutit.


Majoriaq Aasianni assigiinngitsunik suliarpassuaqarmat naatsorsuutigaarput sulilertussap tunniusimasuunissaa, suliassallu assigiinngitsut suliakkiissutigineqartut naammassillugit suliarisinnaassagai.


Piginnaasat:

  • Suliassamut naapertuuttumik ilinniagaqarsimasoq.
  • Inuusuttuaqqanik, inuusuttunik inersimasunillu sullisserusuttoq.
  • Sulilluartoq, imigassamik aanngajaarniutinillu ajornartorsiuteqanngitsoq.
  • Marluinnik oqaaseqartoq, kalaallisut qallunaatullu.
  • Suleqatikkuminartoq.
  • Aalajaatsoq.
  • Ulapaarfimmi imminut aqussinnaasoq.


Akissarsiaqartitsineq atorfinitsitsinerlu:

·Atorfeqartitaanermi akissarsiallu pillugit apeqqutit Naalakkersuisut SIK-ilu akornanni isumaqatigiissutit naapertorlugit inissinneqassapput.

Atorfik inissartaqanngilaq.


Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.


Atorfik pillugu paasissutissat amerlanerusut pissarsiarineqarsinnaapput centerleder Gerda O. Christoffersen attavigalugu oqarasuaat 701900 imaluunniit mailikkut; gech@qeqertalik.gl


Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.