Attaveqarfinnut tunngatillugu siunnersorti

Sunniuteqarluartunik IP-kkut attaveqarfinnik ingerlatseqataarusuppit? Suleqatit pikkorissut peqatigalugit Tusassimi Tusassillu suliffeqarfinni atuisuinut digitalikkut atortulersuutit isumannaatsunik ineriartortitseqataaffigerusuppigit? Taava atorfissaqartitarput illiulluarsimasinnaavoq.

Atorfik immikkoortortaqarfillu pillugit

Attaveqarfiit Tusassimut Tusassillu niuernikkut ingerlatsineranut qitiulluinnartuupput. Attaveqarfinnut tunngatillugu suliaqarneq ineriartortuaannaavippoq Tusassillu kiffartuussineranut qitiusumik inissisimalluni. Taamaattumik suliassat eqqarsaatigalugit teknikkikkut piginnaasalimmik, sullissilluarnissamut aalajangiusimasumik ingerlatsinermilu suliassanik naammassinnilluarsinnaasumik pisariaqartitsivugut.

Suliassat tassaanerupput:

• Ilusilersuinermiit tunniussinermut suliniutinut peqataaneq, takussutissanik suliarinninneq aaqqiissutinillu atortussanngortitsinerit
• Aaqqitassanik qinaasisinnaaneq, attaveqarfinnik sullissinernillu pitsanngorsaaneq ineriartortitsinerlu
• Attaveqarfinnik nakkutiginninnermi aserfallatsaaliuineq aaqqissuussinerlu
• NGFW-mik immikkoortiterinermi aserfallatsaaliuinermilu attaveqarfinnik qularnaarinninneq
• Systeminik pilersitsinermi systemillu akornanni katiterinermi sakkussanik/kodenik ineriartortitsineq aserfallatsaaliuinerlu.
• Nakkutilliinissamut aaqqissuussinermi peqataaneq

Suliassatigut sulinerullu iluani piffissamik atuinermi eqaatsumik periuseqarsinnaaneq ilaatigut pisariaqartarpoq, sullitattami sulinerup avataatigut sullissinissarput atorfissaqartissinnaasarpaat.

Ilinnut tunngatillugu

Atorfimmi sammisamiluunniit assingusumi misilittagaqarneq. Suliffimmi pitsaasumik avatangiiseqarnissaq pingaartitarissavat, suleqatigiit akornanni ikioqatigiinnernik pitsaassutsimillu pingaartitsillutit.

Illit:

• IT-mut tunngasumik ilinniarsimasuussaatit IP-attaveqaatinik suliaqarnermik misilittagaqarlutit
• Attaveqaatinut tunngatillugu allagartaqassaatit, ass. CCNA imaluunniit CCNP
• Qallunaatut tuluttullu qaffasissumik piginnaasaqassaatit. Soorunami kalaallisut oqalussinnaaneq iluaqutaassaaq.

Suleqatissarput eqqortoq siumut isigaluni siulliullunilu iliuuseqarsinnaassaaq, namminersorsinnaassaaq suliassanillu naammassinninnermi aaqqissuulluakkamik suleriuseqassalluni.

Neqeroorutigaagut:

Suliffik pissanganartoq suleqatillu piginnaasallit. Suliffeqarfik suliffikkuminartoq sulianullu nuannarinnittunik sulisulik. Sulianut tunngatillugu inuttullu ineriartornissamut periarfissaqarluartoq. Qinnuteqartut Nunatta avataaneersut nunamut piorsarsimassutsimullu ilisarisimannilernissaminnut periarfissaqarluarput inuunermullu isiginnittaatsimut misilittakkanillu allaanerusunik pissarsissallutik.

Suleqatissaq eqqortoq pisinnaasat naapertorlugit akissarsiaqassaaq.

Apeqqutit:

Soqutiginnikkuit paasisaqarusullutillu immikkoortortaqarfimmi aqutsisoq Flemming Helmer Petersen saaffigineqarsinnaavoq oqarasuaat uunga +299 38 92 08.

Qinnuteqaat:

Qinnuteqaatit tamarmik tatiginartumik suliarineqassapput.

Paasissutissat ilinnut tunngasut mianeriumallugit qinnuteqaat e-mailikkut tigusinnaanngilarput.

Atorfimmut qinnuteqarniaruit Tusassip suliffissarsiornermi ikiuutaatigut "Qinnuteqarit" tooruk, tassani CV-t, allakkat ilaliussat assigisaallu nassiussinnaavatit.

Qinnuteqaatit tigugaangatsigit suliarisassavagut, oqaloqatiginninnerillu ingerlatillattaassallutigit. Taamaattumik piaarnerpaamik qinnuteqarit. Eqqortoq nassaarineqarpat atorfik inuttalerneqassaaq.