Qeqertarsuarmi innaallagisserisoq

Atuuffiit

Innaallagissamik aamma imermik tunisassiornermut aamma siammarterinermut, ilanngullugu Kangerlummut ingerlatsinermik, pitsaanerpaanngorsaanermik aamma ineriartortitsinermut attuumassutilinnik pissutsinik tamanik ulluinnarni, aamma innaallagissamik suliarisamit siunnersuisarnermik aamma tapersersuisarnermik innaallagisserisoq isumaginnippoq.

Suliassani pingaarnerni aamma ilaapput suliarisanik aallartisakkanik attassineq, aamma ineriartortitsineq, ilanngullugit malitassat, najoqqutassiat, aamma ilitsersuutit atugassaasut najoqqutaralugit sulianut tunngasutut, isumannaallisaanermut aamma aqutsinermut suliarisat. Qeqertarsuarmi, aamma nunaqarfimmi, nunap immikkoortuani, aamma suliffiusumi killeqarfiit qaangerlugit suleqatigiinni suliffiup iluani suleqatigiinnitsialaap pilersinnissaanut innaallagisserisoq suliaqarfigisaminik peqataaqataavoq.

Tamakku saniatigut suliffiup iluani ingerlattakkat ineriartortittuarnissaannut aamma malittarineqarnissaannut, kiisalu suliassaqarfinni tamani inatsisit atuuttut malittarineqarnissaannut innaallagisserisoq akisussaaffeqarpoq, ingammik makkuninnga:

• Isumannaallisaanermut aamma pisortanit piumasaqaatit.
• Illoqarfiup aamma nunaqarfiup immikkut ilisarnaataanik sianigisaqarluni suliassaqarfimmi akisussaaffigisami piginnaasanik isumaginninnermut aamma ineriartortitsinermut ilalersuuteqarneq.
• Innaallagissamut ivertitikkani, aamma ingerlatsivinni, kiisalu attuumassutilittut atortuutini aamma sakkuutini tamakkunani suliassaqarfimmi akisussaaffigisami sulisuusunik sulianut tunngasunik ilinniartitsinerit.
• Qeqertarsuarmi, tassungalu ilaasumi nunaqarfimmi pigaartuusartunut ilaalersinneri sioqqullugit sulisunik nutaanik ilinniartitsinermi peqataasarneq.
• Nukissiorfiit Corporate Social Responsibilitymi anguniakkanik angusaqarnissamut aamma ineriartortitsinissamut peqataaqataaneq.
• Qeqertarsuarmi Suleqatigiinni aqutsisup ingerlatsinermut akisussaasut innersuussutai malillugit siunertanut aalajangersimasunut suliassat.

Suliarisani aamma akisusussaaffigisatut suliassaqarfigisat:

Aqutsineq aamma ingerlatsineq

• Sulisuni ilisimasanik paarlaateqatigiinnermut aamma taakkuninnga kaammattuisarnerni peqataaqataaneq.
• Sumiiffigisami ingerlattakkanut, najoqqutassanut aamma ilitsersuutinut siunnersuutit suliarinerini ilalersuuteqarneq.

Aningaasaqarneq/aqutsineq

• Pisiortornermut ingerlattakkat, pisinnaatitsissutinut malittarisassiat aamma isumaqatigiissutit akuerineqartut tamakku malittarinissaasa qularnaarnerinut peqataaqataaneq, ilanngullugu pisiortornermut, aamma pisiortortarnermi ingerlattakkat pitsaanerpaanngorsarnissaannut siunnersuutinik saqqummiussaqartarneq, aamma tamakkununnga tunngasutut sillimmatissanik pissarsiaqarnissamut siunnersuuteqartarneq.
• Kamstrupimit innaallagissamik uuttortaatinik nalunaarsuinerit, kiisalu taakkuninnga ivertiterinerit aamma piiaasarnerit.
• Sillimmatinik aamma atortussatut nioqqutinik toqqortarisanik nalunaarsuisarnermut Kangerlummiittunik ilitsersuisarneq.
• Innaallagissamut tunngasutut toqqorsisarfittut suliassaqarfimmik piiaanermik aallartisaaneq.

Ingerlatsivik

• Illoqarfiup, tassungalu atasutut nunaqarfiup innaallagissap aqqutaanik sakkortuunik aamma sakkukitsunik, kiisalu aqqusinerni qullilersuutinik ingerlatsinerit aamma aserfallatsaaliuinerit.
• Illoqarfiup, tassungalu atasutut nunaqarfiup SRO-mik ingerlatsivianik ingerlatsineq aamma aserfallatsaaliuineq.
• Innaallagissiorfittut, aamma siammarterisarfittut ingerlatsivinnik ingerlatsinermut, aamma ukiumi qaqugukkut pisartussatut aalajangikkatut nakkutilliinissat pilersaarusiornissaannik, aamma piffissaq eqqorlugu naammassineqartarnissaannik qulakkeerinerit.
• Tamaaneereersutut teknikkimut aamma illunut tunngasutut ingerlatsivinnik iluaquteqarnermik pitsaanerpaanngorsaanissamut siunnersuusiornermi peqataaqataaneq.
• Suliassaqarfigisat, aamma teknikkikkut ingerlatsiviit paarilluagaanerinik, saligaatsuutinnerinik, aamma Nukissiorfinnut ajukkunnanngitsumik saqqumisuunerinik aallartisaaneq aamma qulakkeerinninneq.

Ingerlatsiviit

• Ingerlatsivinni paasissutissanik, aamma suleqatigiinnut Teknikkimut databasemi uppernarsaassutinik nalunaaruteqartarnermi ilalersuuteqartarneq.
• Suliniutinut siunnersuutinik nutaanik suliaqarnerni peqataaqataaneq, ilanngullugit illunut attuumassutilinnut taakkununnga pitsanngorsaanissamut/iluarsaassinissamut suliarisassat.

Oqartussaaffik

• KLS/SKS-D-mut attuumassutilimmik pisortanit piumasaqaatit piviusunngortinnissaat Diskomi sulianut aalajangersimasunut KLS-imut akisussaaffilittut suleqatigiinni aqutsisunik isumasiuilluni qularnaarineq.

Suliassat allat:

• Teknikkimut tunngasutut uppernarsaatinik, aamma toqqorsivimmik aqutsinermik nutarsaanermut aamma malinnaatitsinermut isumaginninneq aamma ilalersuuteqarneq.

Pisussaaffeqarfiit

• Nukissiorfiit iluani pisinnaatitsinermut malittarisassiat najoqqutaralugit missingersuutit akuerisaasut iluini pinngitsoorani malinneqartussanik isumaqatigiissutinik atsiuisarneq.

Piginnaasat

• Suliamut tunngasutut innaallagisserisutut teknikkimik ilinniagaqarsimaneq, imaluunniit attuumassutilittut allamik ilinniagaqarneq, ilanngullugu SRO-mik ingerlatsivinnik ilisimasaqarneq.
• Namminersuuteqarsinnaaneq, soorlulusooq suleqatigiinni sulinissamut piginnaasaqarneq.
• Nutaaliorsinnaasoq aamma pilersitserusuttartoq, killiliissutit pinnagit periarfissanik takunnittartoq.
• Kalaallit aamma danskit oqaasiinik oqalussinnaavutit aamma allassinnaavutit.
• Biilersinnaanernut allagartaqarputit.
• Qarasaasianik atuisartutut inissisimaffimmi ilisimasaqarputit.

Piumasaqaatit immikkut ittut

• Qeqertarsuarmi najugaqartuunissamut pisussaaffeqarneq.
• Qeqertarsuarmi pigaartuusartuni ilaasussaaneq.
• Nunap immikkoortuata iluani, soorlulusooq nunap immikkoortuisa sinnerinut aamma Nuummi qullersaqarfimmut suliffiup avataani annertungaatsiartumik angalasarnissamut piareersimanissaq.

Nukissiorfiit pillugu

Nukissiorfiit Kalaallit Nunaat tamakkerlugu innaallagissamik, imermik aamma kiassarnermik pilersuisuuvoq. Suleqatigiilluta piffissaq tamakkerlugu aningaasartuutinik atorluaanissaq aamma piujuartitsineq tunngavigalugu aaqqiinissat atuisartutsinnut iluaqutaasussat anguniarpagut. 2020-mi innaallagissamik, imermik aamma kiassaanermik nioqquteqarnitta 70 %-a ataavartumik nukissiornermit aallaaveqarput. 2030-p tungaanut anguniarparput 100 %-imik ataavartumik nukissiornissaq. Nukissiorfinni sulisut 400 tamarmik killiliussanik pitsaasunik atugaqarnissaanik pilersitsineq iluatsilluarparput. Tamanna pillugu anner-tunerusumik atuarit uani www.nukissiorfiit.gl.