Mittarfik Kangerlussuaq ingerlatsinermut pisortassarsiorpoq

Mittarfeqarfiit

Sisimiut

10-10-2024

Piffissaq atuuffissaa naassaaq: 01-12-2024

Suliffissamut ID normut: LJA-85731431

Suliassaqarfik: Aqutsineq

Atorfimmut piumasaqaataavoq piumassuseqarluarnissaq tunniusimanissarlu Kangerlussuup Mittarfeqarfia isumannaatsumik sunniuteqarluartumillu aqunneqassasoq sulisut pisortallu allat suliat akimorlugit peqatigeqqissaarlugit.

Mittarfeqarfiit ulluinnarni

Ingerlatsinermi pisortatut akisussaaffigissavat Kangerlussuup Mittarfia ulluinnarni toqqaannartumik akisussaaffigissagakku, tamatumani ilanngullugu Ikuallannissamut Annaassiniarnissamillu Immikkoortortami sulisut 17-it missaanniittut ilanngullugit.

Suliassat aamma ilaatigut ilagivaat:

• Ikuallannissamut annaassiniarnissamillu immikkoortortami ulluinnarni pisortaanissaq
• Sulisut qaqugumulluunniit allagartatigut ilinniartitaanikkullu piumasaqaatigineqartut naapertorlugit angusisimassasut
• Sulisorisat piginnaasamikkut mittarfeqarfiup ingerlanneqarneranut iliuuserisassanullu tamanut naapertuuttumik inissisimassasut
• Pikkorissartitsinissat sungiusaatissallu pilersaarusiorlugillu ingerlanneqarnissaat
• Pilersaarutit ilitsersuutillu suliassaqarfinnut suliallu aaqqissugaaneranut pingaarutilimmut paasinartumik tikikkuminartumillu suliarineqassasut
• Pigaartussat pilersaarutaasa suliarineqarnissaasa qulakkeerneqarnissaat
• Akisussaaffigissallugu sulisut ilitsersorneqarlutillu ikiorserneqassasut teknikkikkut inuttullu tunngasutigut
• Aningaasatigut pilersaarutit nammineq akisussaaffigisamut tunngasut akisussaaffigissallugit, aningaasatigut pilersaarutip nakkutigineqarnissaa allaffissornikkullu suliassat allat
• MIT aamma Peqqinnissaqarfiup akunnerminni isumaqatigiissutaasa eqquutsinneqarnissaat akisussaaffigissallugit, tamatumani napparsimasunik passussineq aamma ambulancenik atorluni ingerlatsineq ilanngullugu
• MIT aamma Qeqqata Kommunia akunnerminni isumaqatigiissutaasa nakkutiginissaat, tamatumani Kangerlussuarmi qatsersisarneq pineqarpoq
• Mittarfeqarfiup pisortaanut sinniisuussalluni

Piginnaasat:

Suleqatissatsinnik pissarsiorpugut, kajumissuseqarluartoq, piumassuseqartoq misilittagaqartorlu aqutsinissaminnut. Beredskabsstyrelsep indsatslederitut ilinniartitaanera naammassisimagukku pitsaaqutaassaaq, kisianni piumasaqaataanngilaq. Aqutsisutut tunngaviusumik ilinniarnissaq atorfimmut ilaatillugu neqeroorutaasinnaavoq. Taamatuttaaq pingaartipparput, atuagarsornikkut ilinniagaqaruit tigussaasumilluunniit misilittagaqarlutit mittarfeqarfiit ingerlanneqartarnerinut tunngasutigut.

Ilanngullugu aamma ilinniit naatsorsuutigaarput

• Timmisartuussinikkut isumannaallisaanermut tapersersuisoq
• Mittarfeqarfiup ingerlanneqarneranut malittarisassatut inatsisitullu atuuttut akuersaarlugit, piumassuseqarfigalugit piginnaaneqarfigalugillu
• Mittarfeqarfittaani isumannaallisaanikkut siuarsaataasumik kulturimik pilersitsissalluni aserfallatsaaliorlugulu, pingaarutaalu paasisimalluarsimassallugu.
• Attaveqaqatigiinnikkut piginnaasaqarluarnissaq
• Aqutsisutut pissuserisaq ajunngitsoq, ataqatigiissaarisoq peqataatitsitsorlu
• Sapinngisamik kalaallisut, qallunaatut tuluttullu oqaaseqassalluni

Mittarfeqarfiit neqeroorutigivaat

Piffissaq tamakkerlugu suliassaalluni atorfininneruvoq unamminartunik pissanganartunik nikerarluartunillu suliassaqarluni suliffeqarfimmi pissanganartumi ineriartorfiulluinnaqqinnaartumilu.

Ilinniaqqinnissamut periarfissaqarluarpoq.

Isumannaallisaanikkut akuerisaaneq

Atorfinitsitaaniaraanni malittarisassiat atuuttut malillugit isumannaallisaanikkut akuerisaasinnaanissat isertortoq malillugu piumasaqaataavoq

Atorfinitsitaanermut atugassarititat:

Akissarsianut atorfininnermullu tunngasut kattuffimmut isumaqatiginniniarsinnaatitaanermut akuerisaasoq malillugu inissinneqassapput.

• Malittarisassat atuuttut naapertorlugit angalaneq sulilernermi aamma soraarnermi akeqassanngilaq.
• Malittariassat atuuttut naapertorlugit ineqartitaasinnaavoq.
• Sapaatip akunneranut suliffiusoq akunnerit 40-upput.
• Piaarnerpaamik isumaqatigiissuteqarnikkulluunniit sulilertoqarsinnaavoq.

Annertunerusumik paasisaqarit:

Atorfik pillugu annertunerusumik paasisaqarusukkuit tikilluaqquneqarputit ingerlatsinermi mittarfeqarfimmi pisortaq Ivaaq Christensen oqarasuaatikkut +299 382916 imaluunniit e-mail ipec@airports.gl

Apeqqutit naliginnaanerusut HR-ip immikkoortortaqarfianut saaffiginnissutaasinnaapput mail-mut: hr@airports.gl

Mittarfeqarfiit pillugit nittartakkatsinni paasisaqarnerorusukkuit www.mit.gl

Soqutiginnippit?

Taava qinnuteqaatit, CV, aamma ilinniartitaanermut uppernarsaatitit toqqaannartumik ataani link-iusumut nassiunneqassapput kingusinnerpaamik 1. december 2024. Ingerlaavartumik qinnuteqartunik oqaloqatiginnissaagut.

Mailitigut qinnuteqaatinik tigusinnittannginnitsinnik ilisimatissavatsigit.

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t sinnitsiarlugit sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuutaarnerannut ilorraap tungaanut ilapittuuteqarnissatsinnut periarfissippaatigut.