Ikiorsiisarnermut immikkoortortamut isumaginninnermi siunnersorti/sullissisoq
Qeqqata Kommunika
Sisimiut
28-10-2024
Piffissaq atuuffissaa naassaaq: 15-12-2024
Suliffissamut ID normut: LJA-85770573
Suliassaqarfik: Isumaginnittoqarfik, Allaffik & allaffissorneq
Qeqqata Kommunia Sisimiuni Ikiorsiisarnermut immikkoortortamut isumaginninnikkut siunnersortimik/sullissisumik pissarsiorpoq.
Sumiiffik/imm.: Sisimiut
Sivisussuseq: Ulloq naallugu suliffik
Ulloq atorfinitsitaaffissaq: 01. februar .2025 isumaqatigiissuteqarnikkulluunniit.
Akissarsiat: Isumaqatigiissutit naapertorlugit
Suliassat akisussaaffiillu
Sisimiuni Ikiorsiisarnermut immikkoortortamut isumaginninnermi siunnersorti/sullissisoq
Qeqqata Kommunia Sisimiuni isumaginninnermi siunnersortimik/sullissisumik pissarsiorpoq, taassuma pingaarnertut suliassaa tassaavoq, immikkoortumi pisortatigut ikiorsiissuteqartarnermik suliaqarneq. Atugarissaarnermut immikkoortortaq 31-nik sulisoqarpoq imatut agguataagaasunik, Ikiorsiinermi immikkoortortaqarfik, Ilaqutariinnermut immikkoortortaqarfik, Allatseqarfik, Utoqqarnut immikkoortortaqarfik kiisalu Innarluutilinnut immikkoortortaqarfik.
Ikiorsiisarnermut immikkoortortaqarfik, immikkoortortami aqutsisoq ilanngullugu tallimanik sulisoqartussatut amerlassusiligaavoq.
Sullissisup pingaarnertut suliassat akisussaaffiilu tassaapput, ilitsersuinermik siunnersuinermillu innuttaasunik sullissineq, pisortanit ikiorsiissutilerineq, iliuusissatut pilersaarusiorneq kiisalu ataatsimiititaliamut innersuussutiliorneq.
Kissaatiginarpoq (ilinniartitsisoqarumaarpoq):
- Isumaginninnermi tunngasuni inatsisinik ilisimasaqartutit
- Pisortatigut ikiorserneqarnissaq pillugu qinnuteqaatinik suliaqarnissaq pillugu misilittagaqartutit
- Siunnersuisinnaallutillu ilitsersuisinnaasutit
- Ataatsimiititaliamut innersuussutinik suliaqarsinnaasutit
- Iliuusissatut pilersaarutinik, malitseqartitsinernik allanillu suliaqarsinnaasutit
Ilinniakkatigut piginnaasat:
- Isumaginninnermi siunnersortitut attuumassutilimmilluunniit ilinniarsimasuusutit
- Marluinnik oqaaseqartutit
- Oqaatsitigut allattariasornermullu pitsaasumik piginnaasaqartuusutit.
Inuttut piginnaasat:
- Sullissisinnaassuseqassasutit
- Ilakkuminartuusutit
- Suliamut tunniusimasuusutit aalajaatsuullutillu
- Suleqatikkuminartuusutit
- Tamanik isiginnissinnaalluartuusutit aamma pisuni ulapaarfiusuni.
Akissarsiat atorfinitsitaanermullu atugassarititaasut
Akissarsiat atorfinitsitaanermilu atugassarititaasut isumaqatigissutit sulinermilu isumaqatigiissutit sukkulluunniit atuuttut naapertorlugit inissinneqassapput.
Qaammatit pingasut misilitsiffiussapput.
Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni.
Piaartumik isumaqatigiissuteqarnikkulluunniit atorfinittoqassaaq.
Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommuni pinerlussimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq isumaqatigiissutaasinnaammat, kommunip pinerlussimannginnermik allagartaq politiinit tigoreernerata kingorna.
Atorfik pillugu paasissutissat annertunerusut Pisortap tullianut Annette Eriksen oqarasuaat (+299) 86 7417, e-mail: aeri@qeqqata.gl imaluunniit Immikkoortortami aqutsisumut Berthe Zachariassen oqarasuaat (+299) 867435, email berz@qeqqata.gl saaffiginerisigut pissarsiarineqarsinnaapput
Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attavigineqarsinnaasunillu ilaligaq nassiunneqassaaq.