Mittarfik Nuummi Indsatslederissarsiorpugut

Mittarfeqarfiit

Nuuk

29-10-2024

Piffissaq atuuffissaa naassaaq: 17-11-2024

Suliffissamut ID normut: LJA-85772280

Suliassaqarfik: Assassorluni sulineq & sanaartorneq

Akuuneq nuannaraajuk torersuunerlu pingaartillugu? Ullup ataatsip ingerlanerani inuppassuit attaveqarfiginissat nuannaraajuk? Angeruit, taava Mittarfik Nuummik iliuuseqarnermi aqutsisutut atorfik immaqa ilinnut tulluuppoq. 

Suliassatit:

Ulluinnarni suliassarpassuit assigiinngitsut sulisunik aqutsinermik qatserisarfiullu ulluinnarni aqunneqarneranik imallit misigisassavatit. Iliuuseqarnermik aqutsisut pingasunik inuttallit paarlakaajaallutik pigaartarnermik akisussaaffeqartut suleqatigilissavatit.

• Pigaartuusussat pilersaarutaannik suliaqarneq mittarfimmilu suliassanik nakkutilliineq
• Timmisartunik aputaajaanermillu isumagisaqarneq
• Illuutit biilillu aserfallatsaalinerat
• Atortunik kingoraartissanillu pisiniarneq kiisalu ingerlaavartumik atortut pitsaassusaannik nalilersuineq
• Qatserinermik aamma Annaassiniarnermik sungiusarnernik ataavartitsineq
• Nammineq illoqarfimmi/timmisartumi qatserisartunik ilinniartitsineq

Piginnaasatit:

Atorfimmut piukkunneqassaguit timmisartoqarfinnik ingerlatsineq pillugu atuagarsornermik ilinniagaqarsimassaatit kiisalu qatserineq annaassiniarnerlu pillugit sivikinnerpaamik ukiuni marlunni-sisamani misilittagaqassallutit. Minnerpaamik timmisartuni aamma illoqarfinni iliuuseqarnermut aqutsisuunissaq piumasaqaatigaarput. Taakkua saniatigut makkua piumasaqaatigaagut:

• Biilersinnaanermut allagartaq angisooq
• Terminalarbejderitut ilinniarsimanissaq
• Kalaallisut, danskisut tuluttullu oqaaseqarnissaq
• Tunngaviusumik qarasaasialerinermik piginnaasaqarnissaq
• Pinerluuteqarsimannginnermik uppernarsaateqarnissaq

Mittarfeqarfiit neqeroorutigai:

Suliffeqarfik pissanganartoq ineriartoq sulisutsinnut atugassarititanik suleqatigillu akornanni suleqatigiilluarnissamik pingaartitsisoq. Sulisut 14-it tamarmik kisimiillutik imminnullu suleqatigiillutik sulisartut akuliuffigissavatit. Atorfimmi piginnaasatit allamik ilaqarlutit sungiusarnikkut, pikkorissarnikkut ilinniaqqinnikkullu ataavartillugillu ineriartortinnissaannut periarfissagissaassaatit.

Mittarfeqarfiit atorfinittussamut toqqartumik isumaqatigiissuteqarneq ilaatigut ukunannga imaqartoq neqeroorutigisinnaavaat:

• Malittarisassat atuuttut naapertorlugit atorfininneq atorfeqarunnaarnerlu
• Sapaatip akunneranut piffissaq suliffiusoq nalunaaquttap akunnerinik 40-nik sivisussuseqartoq
• Piaanerpaamik imaluunniit isumaqatigiissuteqarnikkut atorfinitsitaaneq
• Atorfik aqqutigalugu inissaqarpoq

Paasisaqarnerugit:

Atorfik pillugu paasisaqarnerorusukkuit imaluunniit apeqqutissaqaruit Driftslederi Dennis Jørgensen-imut sianerlutit paasiniaasinnaavutit oqarasuaat 384315. Apeqqutit nalinginnaanerusut Sulisoqarnermut Immikkoortortaqarfimmut uunga allalluni apeqqutigineqarsinnaapput: hr@airports.gl

Greenland Airports pillugit paasissutissat sukumiinerusut uani atuakkit: www.airports.gl

Qinnuteqaat:

Atorfimmut piukkunneqassaguit qinnuteqaatit, inuuninni sulerisimaninnik allattorsimaffik kiisalu ilinniarsimanermut uppernarsaatit kingusinnerpaamik ulloq 17. november 2024 nassiunneqassapput. Atorfinitsitsiniarnermi oqaloqateqarnerit ingerlaavartumik ingerlanneqassapput.

Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 46-t ingerlatarai. Timmisartunik ukiumut 60.000-init amerlanerusunik tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik. 400 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta