Meeraateqarfik Ungaannguami perorsaanermik ilinniarsimasoq, afdelingslederimillu pissarsiorpoq

Qeqqata Kommunika

Sisimiut

30-10-2024

Piffissaq atuuffissaa naassaaq: 20-11-2024

Suliffissamut ID normut: LJA-85774062

Suliassaqarfik: Allat

Illit suleqatigiinni pinngitsoorneqarsinnaanngitsoq siammasissumik isiginnittaasilik, meeqqap qisuariaataanut tappissoq iliuuseqarusuttorlu, perorsaasunut tapertaalluartoq eqqummaarissoq ineriartortitseqataanissamik siunniussaqartoq, meeqqeriviullu pileqqaarneraniit sunniuteqataasussaq. Illiussaatit perorsaasoq suleqatigllu allallu suleqatit peqatigalugit meeraq qitiutillugu inerisaarusussuseqartoq.

Qeqqata Kommunia Sisimiuni akuleriisitsilluni meeqqerivimmut meeqqerisut tunniusimasunik pikkorissunillu pissarsiorpoq.

Ilinniartitaanermut Immikkoortortap meeqqat alapernaatsut, tatituut, peqqissut nuannaartullu pilersissallugit anguniagaraa. Anguniakkat anguneqarnissaannut illit ilinniarsimasutut ikiortitulluunniit naatsorsuutigineqarpoq.

Meeqqat ineriartornissaannut ukkatarinnilluni perorsaanikkut tunngaviit arfineq marlunnut atortussanullu tunngavissaqarluartumik pissanganartumik avatangiiseqarpoq. Meeqqanik, angajoqqaanik sulisunillu sunniuteqataaffiusinnaasunik ataatsimiinnernut imaqarluartunut peqataaneq.

Atorfik ulloq naallugu suliffiuvoq, sapaatip akunneranut 40 tiimit suliffigalugit. Meeqqanut 44-inut, meeqqerivittaani 20-nut meeraaqqerivittaanilu 24-nut inissaqarpoq.

Meeqqerivik ataasinngornermit tallimanngorneq ilanngullugu nal. 6:45 – 17:00 ammasarpoq.

Sulisunik agguataarineq akisussaaffillu atorfinnut 11 ½ -inut amerlassusiligaavoq.

Piginnaasassatit:

• Perorsaasumut, perorsaanermut, ikiorti assingusumilluunniit ilinniagaqartutit

• Akisussaassusseqartutit

• Eqeersimaartuusutit

• Tunniusimasuusutit, nutaaliornermullu pilersitsisinnaassuseqartutit

• Meeqqat pissusilersuutaannut tappittuusutit tunniusimasorlu

• Ulapaarfimmi ukkassisinnaalluartutit

• Suleqatsikkuminartuusutit qiimasoq, suleqatinnullu tunniusimasoq

• Angajoqqaanut tunniusimasoq oqaloqatigikkuminartorlu.

• Qeqqata Kommuniani meeqqeriviit anguniagaat, meeqqanut inuusuttunullu politikkikkut anguniakkat aammalu sulisunut malittarisassat sinneri aallaavigalugit sulerusussuseqartutit.

Akissarsiat, atorfinitsitaanermilu atugassarititaasut:

Atorfik inissaqartitsinngilaq perorsaanermik ilinniarsimasumut kisianni perorsaasumut inissaqartitsilluni.

Akissarsiat atorfinitsitaanermilu atugassarititaasut, Kalaallit Nunaanni Kommunit aamma SIK, NPK akornanni isumaqatigiissutit malillugit pissapput.

Atorfimmut atatillugu annertunerusumik paasisaqarusukkaanni, Meeqqerivimmi aqutsisoq Tabitha Kleistoqarasuaat 862611 imaluunniit Meeqqeriveqarnermut allaffimmi pisortaq Navarana Lennert 86 74 02.

Pineqaatissinneqarsimannginnermut aammalu meeqqanik pinerliisimannginnermut uppernarsaat:

Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Qinnuteqarnissamut piumasaqaatit:

• Ilinniarsimanermut uppernarsaat

• Imminut ilisaritinneq

• Suliffigisimasami oqaaseqaatit attavissallu

• Pikkorissarsimanermut uppernasaatit

Paasissutissat pisariallit:

Qinnuteqaat pinerlussimannginnermut, meeqqanullu pinerlissimannginnermut uppernarsaammik, ilinniakkanut suliffigisimasanullu oqaaseqaatinik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.

Atorfiniffissaq 1.december 2024 imaluunniit isumaqatigiinikkut.