Aasiaat - Inunnik Isumaginnittoqarfik Tapersersortinut ataqatigiissaarisussarsiorpoq

Aasianni Inunnik Isumaginnittoqarfik Innarluutillit pillugit Tapersersortinut ataqatigiissaarisussamik pissarsiorpoq

Kommune Qeqertalik Aasianni Inunnik Isumaginnittoqarfiup Innarluutillit Pillugit Tapersersortinut ataqatigiissaarisussamik pissarsiorpoq sulilertussamik 01. december 2024.

Innarluutillit pillugit tapersersortinut angerlarsimaffinnilu ikiortinut ataqatigiissaarisuujutigaluni ulluinnarni qaninnertut qullersarissavaa Isumaginnittoqarfimmi Immikkoortortami Aqutsisoq.

Suliassat akisussaaffiillu:

·Innarluutilinnut tapersersortaasut pillugit immikkoortortaqarfimmi nunaqarfiillu allaffiini ajornartorsiutaasut pillugit suleqatinut aqqutissiuineq siunnersuinerlu.

·Kommunimi innarluutilinnut tunngasutigut Tapersersortaasut allat peqatigalugit oqarasuaatikkut allatigullu attaveqaatitigut ataatsimiinneranni peqataaneq, taavalu Qitiusumik Inunnik Isumaginnermut Ingerlatsivimmi sulisut immikkut ilisimasallit ataatsimiinneranni.

·Suleqatigiit ikinnerat peqqutigalugu sulianik allanik suliaqarsinnaaneq piareersimaffigineqassaaq. Socialvagt-eqarnissaq piumasaqaataavoq.

Piginnaasat:

·Siunnersortimut ilinniarsimasoq, HK- allafimmiutut ilinniarsimasoq.

·Peqqinnissamut ikiortitut isumaginninnermiluunnit ikiortitut perorsaasutulluunniit ilinniagalik.

·Inunnik isumaginnermi sulinermik misilittagalik.

·Sapinngisamik ataqatigiissaarinermi sulinermik misilittagalik, sulianik tulleriaarillaqqissoq.

·Sullitanut attaveqarluarsinnaasoq, attavigiuminartorlu.

·Eqqarsartaatsikkut nukittuujuneq, misigissutsinillu paasinnissinnaaneq.

·Attaveqarsinnaanermut piginnaasaqarneq, tamakkiisumillu isiginnissinnaaneq.

·Tatiginartoq, ataqqinnittoq maligassiuilluartorlu.

Aningaasarsiaqartitaanermi atorfeqarnermilu atugassarititaasut: Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq

Attaveqarfissaq :

Atorfimmut atatillugu apeqqutissaqassaguit Inuit Aasiaat Aqutsisoq Ane Joelsen Siegstad ajs@qeqertalik.gl  

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.