Suliffeqarfinnit nassaarineqarit!

Uani illit CV-ernut isumassarsiorfissat takusinnaavatit, taamaalillutit suliffeqarfinnit suli.gl-imi sulisussarsiortunit nassaarineqarsinnaassallutit.

Illit CV-it imatut nassaarineqassaaq

CV-nut paasissutissaasivik sunniuteqarfigisinnaavat, aammalu suliffeqarfinnut illerpiaq piginnaasaqarfernik ujartuisunut ersarissunngorlutit. Ulluinnarni pisuni tamatuma kingunerisaanik illit CV-it suliassaqarfippit iluani 50-it sallersaasut akornanni inissisimalissaaq.

Suliffeqarfiit qinnuteqartussanik ujaasinerminni atortarpaat: Ujaasinermi tunngavissarititaasut aamma oqaaseq ujaasinermi atorneqartoq. Matuma kingulianiittuni qanoq iliorlutit CV-it pitsaanerusumiitilersinnaanerlugu aammalu suliffeqarfiup ujaasinermini saqqummersitaanni siullernut ilaalluni inissisimatilernissaanut isumassarsiortinneqassaatit.

Ujaasinermi tunngavissarititaasut
Uaasinermi tunngavissarititaasut tassaapput taakkua CV-iliornerni illit immersukkatit, assersuutigalugu oqaatsit aamma piginnaasaqarfiit. CV-erni tunngavissarititaasut amerlanerusut toqqarukkit, nassaarineqarnissamut periarfissatit annertunerulissapput. Immersuiffissaq pinngitsoorani immersorneqartussaanngikkaluartoq, immersuinnaruk.

Oqaaseq ujaasinermi atorneqartoq

Suliffeqarfiit namminneerlutik suliffissanut ussassaarutiminnik qimerluuinerminni, oqaatsit ujaasinermi suliffeqarfiit atortagaat, toqqakkit.

Nammineq toqqakkamik allalluni ujaasiffissami oqaaseq najoqqutarisassat allallugu ikkussigit

Illit CV-it inuttut ilisaritinnermik imaqarpoq, tassani ilinnut tunngasut nammineq allaaserisinnaallugit, aammalu oqaasertat taakkua nammineq toqqakkamik allalluni ujaasinermi aallaaviussapput.

Nammineq toqqakkamik oqaasertaliilluni allaffissaq immikkoortulerlugu qulequtalimmik 'oqaaseq ujaasinermi atorneqartoq' naammassiuk aammalu oqaatsit ujaasinermi atorneqartussat taakkua piukkunnassuseqarnernut, aammalu suliffissamut kissaatigisarnut tunngatikkit.

Ujaasinermi tunngavissarititaasumut toqqarneqartumut tapertaasussamik oqaasertamik CV-imi arlalitsigut ikkussisinnaavutit.

Ullut tamaasa iserit

CV-ernut isernitit tamaasa, illit CV-it nutaamik ullulerneqartarpoq, aammalu tulleriiaani ingerlaannaq saarlinngortarluni allattuiffimmilu qullinngortarluni.